Luka 24:29 - Katɔti Ɔku Kedee

²⁹ Nsu bábala-nwu básu banini, “Kadi káasa ɔsu ni, sɔ kya-bu kudɔ mɛni.” Anwuɔsu úsie útéduo-ma kudɔ mmɔ.

Luka 24:29 ပူးပေါင်းရင်းမြစ်များ

Ala Kalɔ Buse 19:3

Nsu Lot únye-ma lɛlɔ kpakplaa útédu ka ɔ́ya na bánwa adila béte-ma. Na úƒi bodobodo ɔni kemmo na bɔnyii buuubo béte-ma na bádi.

Baga 2 4:8

Dii ni, Elisa úsie Sunem na uleku ɔlakɛne ɔdi uli mmɔ. Na uleku ɔmɛni ɔ́lɔ Elisa kadikɔ. Anwuɔsu uwi biala na Elisa wavi mmɔ ni, uudí teenye uleku ɔmɛni kudɔ na ɔɔdi.

Luka 14:23

“Amu na Unwoti ɔmmɔ ɔ́su-nwu ɔnini, ‘Sie na asia umolu ku akpaklɔ lilu na akya ɔkplu na akpanku bekyuli ƒui eboku kalɛ na mina ɔtɔ ɔmmɔ kemmo ƒui keyi.

Luka 24:28

Ka badaku lɛkpaklɔ lɛmmɔ budu ni, Yesu ɔ́bla aani si ɔ́vi úsela anumi.

Luka 24:30

Úlie kalɔ ɔnii ɔɔdiku-ma. Na úti bodobodo na ɔ́gya Katɔti enu, na ɔ́bwɛ-nwu kemmo na úti úte-ma.

Batalane Kabla 16:14

Na bana kemmo unwi baalɔ banii Lidia. Uuyé adi egyiedi na Tiatira, na ɔdi ukyuli ɔni mɔɔbu Katɔti geen. Na uwi ɔni na ɔkya uunú bula butemi bɔmɛni ni, Blɔti úbimi-nwu kasusu na ɔ́ƒɔ etemila ani na Paulo ɔ́su mɛni ƒui.