Luka 23:9 - Katɔti Ɔku Kedee

⁹ Anwuɔsu Herode úye Yesu etemila pii, nsu Yesu útedie lɛdi kenye.

Luka 23:9 ပူးပေါင်းရင်းမြစ်များ

Kɔgya 39:9

Lɛ́bla kpoo na neeebimi kenye, ɔsika awɔ náya na úbo úte lɛni.

Yesaia 53:7

Bekyuli bédumi-nwu na básupa-nwu ɔni na nka ɔɔɔdi anwu na babla lɛni, nsu útakpete na ɔsu lɛla lɛdi. Mmomu úbile kenye kpoo na bada-nwu béselaku aani koƒonu kɔni béti batádu. Na ɔkɛ aani koƒonu kɔni naaadaku-ni si beekúlo-nwu linwini na útebimi kenye.

Mateo 27:12

Nsu ina ka bakpane benengu ku ɔma benengu bammɔ benye baadá-nwu kenye muedi ni, Yesu útakpete-ma.

Mateo 27:14

Nsu ɔ́bla aban unengu ɔmmɔ kalɛ kadi geen ka Yesu útakya-nwu kenye muedi.

Mateo 7:6

“Bitebo ala ani nse kedee bitewi beƒiebuo. Si bíti bíte-ma ni, badubɔta bebeƒie-mii. Bitebo bina asɛɛ ebi ani náƒɔ kuye bitewi baplakuo, ɔsika badubɔnya-nya bakya aba. Katɔti muuti ala abuni teete bekyuli bani muuvele-nwu ala ammɔ.

Marko 15:5

Nsu Yesu ɔ́sɔ útebimi kenye, na ɔ́bla Pilato dɛye dɛye!

Luka 13:32

Mmɔ na Yesu ɔ́su-ma ɔnini, “Bisie na bitásu uƒukutu ɔmmɔ ka lɛ́su lɛnii, ‘Ɔmwi ni, ndubo ayu ekpidi bɔgya na lɛbwi bekyuli lɛlɛ lɛni na beeƒi utálɛ kɔnaadi. Na limeyi lɛtɛdi lɛlɔ ni, ndubɔwɔlɔ mina kabla.’

Luka 23:10

Mmɔ na bakpane benengu ku ɔda bubo ala batinane bálɛ bébo animi na báda kenye bonwu bonwu básia Yesu.

Yohane 19:9

Ɔmmɔ ɔsu ni, ɔ́sɔ únwini útéduo kaduli mmɔ na úye Yesu ɔnini, “Wɛ na ási?” Nsu Yesu útedie kenye kadi.

Batalane Kabla 8:32

Na etemila ani na ɔkya ɔɔká na Bunweni Kedee Ɔku kemmo ndi ɔnii, “Báda-nwu béselaku aani koƒonu kɔni béti batádu. Na ɔkɛ aani koƒonu kɔni naaadaku-ni si beekúlo-ku linwini, na útebimi kenye lɛnɔ.

Petro 1 2:23

Bédumi-nwu, nsu anwu útedumi ɔdi. Úbo abi, nsu útewida nwuna bekisine. Mmomu úti lɛla biala úte Katɔti ɔni mɔɔtɛ litemi na ulu lɛlɔ.