Luka 23:8 - Katɔti Ɔku Kedee

⁸ Ebiti áda Herode geen uwi ɔni na ɔ́nu Yesu, ɔsika úunu-nwu kɔku na ɔɔwia ka ɔnu-nwu ɔ́si kukuuku ƒui. Na ubo lɛnunsia ka ɔdubɔnu Yesu na ɔbla akɔla budie taatina bɔdi.

Luka 23:8 ပူးပေါင်းရင်းမြစ်များ

Baga 2 5:11

Nsu Naaman úti kɔnyi na ɔ́tɔlɔ na ɔ́su ɔnini, “Lɛ́bu nnii ɔdubɔlɛ ubo-mi kudɔ. Na ɔkpali nwuna Unwoti Katɔti lɛnyi na udie kɔnu na ɔbɔku ɔlɛ ɔmmɔ ɔlɛku-mi lɛlɔ na lɛkɛ ɔlɔkplu.

Mateo 14:1

Lebo lɛmmɔ kemmo ni, Herode ɔni mɔɔdi lɛga na Galilea únu Yesu lɛlɔ litemi.

Marko 6:14

Lebo lɛmɛni ni, Ɔga Herode uunú amɛni bene ƒui, ɔsika Yesu lɛnyi liigyingya kesi kesii. Bekyuli badi baasu ka, “Yohane ɔni ndi ntu ɔkpilane násɔ úbo uli ngba! Anwuɔsu na úbo ɔyikun ɔni na ɔɔbla akɔla!”

Marko 8:34

Amu ka Yesu ɔ́lɔ bekyuli lisu lɛmmɔ ku nwuna batɛyane úboku nwuna kudɔ ni, ɔ́su-ma ɔnini, “Si ukyuli ɔdi ɔɔyɔ́ ka ɔsiaku-mi kama sɔsɔ ni, ɔlɛka udie nwuna lɛlɔ atu, na ubo abi na ɔsiaku-mi kama.

Luka 4:23

Na Yesu ɔ́su-ma ɔnini, “Ngyi ka bɛdubo-mi lɛgba lɛmɛni bunyimene bɛnii, ‘Uvone, bwi awɔ ɔlati ƒula lɛlɔ.’ Na bɛsɔ bɛdubo-mi bɔsu lɛnɔ bɛnii, ‘Ala ani udu na búnu ka ábla na Kapernaum ni, bla-nya na awɔ ɔlati ƒula ɔma.’ ”

Batalane Kabla 8:19

“Bɛya na ami lɛnɔ lɛkɛ ɔyikun ɔmɛni ɔdi kalɛ na si líti enu lɛ́sia ɔdi biala lɛlɔ ni, na ɔƒɔ Katɔti Kɔyu.”