Luka 23:4 - Katɔti Ɔku Kedee

⁴ Mmɔ na Pilato ɔ́su bakpane benengu ku bekyuli bammɔ ɔnini, “Ńtanu lɛla lɛdi na ukyuli ɔmɛni lɛlɔ kalɛ na lɛdu-nwu kɔtɔ kɔdi.”

Luka 23:4 ပူးပေါင်းရင်းမြစ်များ

Mateo 27:19

Na uwi ɔni na Pilato ɔkya ɔɔtɛ litemi ni, ulekudi ɔ́tala ɔtu ɔ́kya-nwu ɔnii, “Die enu na ukyuli ɔni nátaƒiɔ ɔmɛni litemi kemmo. Ɔsika kamaadi usien lígye kɔna na nwuna lɛlɔ kɔni náya na liƒu lɛ́da-mi geen!”

Marko 15:14

Pilato úye-ma ɔnini, “Bi ɔsu? Bi bɔƒiɔ na ɔ́ƒiɔ?” Nsu bana ƒui básɔ báva momoomo básu banini, “Kana-nwu mana ugyii lɛlɔ!”

Luka 23:22

Mmɔ na Pilato ɔ́sɔ ɔ́su-ma kɔtɛdi ɔnini, “Na bi likpidi na ɔ́bla? Ńtanu lɛla lɛni na ɔ́bla na mɔɔdú-nwu kukpi kɔtɔ! Ndubɔya na bebo-nwu kugyiimi na lɛnyonu-nwu.”

Yohane 18:38

Mmɔ ni, Pilato úye-nwu ɔnini, “Bi ndi litemi geen?” Mmɔ kani na Pilato ɔ́sɔ únwini úsie keyi na Yudaƒuɔ bammɔ kudɔ na útásu-ma ɔnini, “Naaanu likpidi lɛni ɔsu na lɛdu ukyuli ɔmɛni kɔtɔ.

Batalane Kabla 25:25

Nsu nka mina kasusu kemmo ni, útabla lɛla lɛni na ɔlɛka badu-nwu. Nsu anwu lɛnɔ ɔnii ɔɔƒɔ́ nwuna litemi ute bula ɔga unengudi. Na ami lɛnɔ ńtebulo.

Batalane Kabla 3:13

Ɔsika Unwoti úti ɔbu úte Ubidi Yesu. Na Unwoti ɔmɛni ndi Abraham ku Isak ku Yakob lɛnɔ Ɔti. Na anwu kani ndi bula bati kuuku lɛnɔ Unwoti. Ubidi Yesu ɔmmɔ na amii bíti bíte bɛnii badu. Na bíni-nwu na Pilato anumi bɛnii bɛɛɛgyi-nwu ina ka Pilato ɔ́yɔ ka ɔnyonu-nwu.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Petro 1 1:19

Mmomu Kristo ubugya ɔni náƒɔ kuye na ɔdi. Anwu ndi Koƒonu Ubi ɔni námanku lɛkpa na bina lili.

Petro 1 2:22

“Anwu útabla likpidi lɛdi, na útanyi ɔkɔ ɔdi lɛnɔ kudii.”

Petro 1 3:18

Ɔsika Kristo ɔni nse siin ni, úkpi na bekyuli bani neeese siin lili. Na kunwi kɔni kani na úkpi mmɔ ni, ɔ́ƒɔ ala ekpidi ƒui kayu na ɔ́klibi abu ku Katɔti ntɛ. Bekyuli bádu Kristo. Nsu ɔkɛnku Katɔti Kɔyu lɛlɔ ni, Katɔti ɔ́sɔku-nwu úboku ngba.