Luka 23:34 - Katɔti Ɔku Kedee

³⁴ Mmɔ na Yesu ɔ́su ɔnini, “Ati, ti kyiɛ-ma, ɔsika baaagyi lɛla lɛni na baabla.” Ɔmmɔ kama ni, bekpone bammɔ béle Yesu adala aani kalɛ na ɔdi biala egulabi ani na ɔ́tu ádi kalɛ.

Luka 23:34 ပူးပေါင်းရင်းမြစ်များ

Ala Kalɔ Buse 50:17

‘Ƒula banwani ekpidi ani ƒui na bábla-a ku ulikplu ni, ti-nya ƒui kyiɛ-ma.’ Anwuɔsu buuvele-ɔ geen ka ƒula bati ƒui Unwoti Katɔti kabla bablane bamɛni ni, ti bana ekpidi kyiɛ-ma.” Ka kenye kamɛni kébedu Yoseƒ ni, úwulo geen.

Kɔgya 22:18

Beele-mi lɛlɔ ala teete lɛlɔ. Na baatu egulabi na mina awu lɛlɔ.

Yesaia 53:12

Unwoti ɔdubɔƒɔ kayu kabuni bute-nwu na ute-nwu kenyekɔ kenengudi ku ɔyikun na kalɛ na úbo abi útédu ku kukpi kemmo na ɔ́ƒɔ kayu na bekyuli ƒui lili ɔsu. Báka-nwu bákya bekyuli bekpidi akɔ. Ɔsika bekyuli pii ekpidi na ɔ́ƒɔ ɔ́sia lɛlɔ, na úti lɛlɔ ɔ́kpa na bana lili, na ɔ́ƒɔ-ma ngba.

Mateo 11:25

Uwi ɔmmɔ kemmo ni, Yesu ɔ́sɔ ɔ́kpali katɔ ɔnini, “Ati, katɔ ku kalɔ Unwoti, mɔɔgyá-a enu. Éti ala amɛni ábɛla banundane ku bakutine, na édie-nya átina bani nétesie anumi na lɛlati lɛdi kemmo.

Mateo 11:26

Sɔsɔ Ati, lɛni na aayɔ́ ka ɔlɛ.”

Mateo 5:44

Nsu ɔƒɛni ni, ami mɔɔsu-mii nnii bɛyɔ bina bekisine na bɛkpali katɔ bite bekyuli bani muukpóku-mii.

Marko 15:24

Amu na bekpone bammɔ bákana-nwu bámana ugyii lɛlɔ mmɔ. Na bátu egulabi bánu asa na béti nwuna lɛwu béle béte lɛlɔ kalɛ na bati ɔdi biala ku nwuna lɛla.

Luka 22:42

Na ɔ́su ɔnini, “Ati, si átuna ni, na aƒɔ lɛbibo ɔɔƒɛɛ ɔmɛni na mina kudɔ. Nsu ni, tabla mina lɛyɔla, mmomu bla ƒula lɛdi.”

Yohane 17:9

Mɔɔkpali katɔ na bana lili, na ɔɔɔdi kayawi bekyuli ƒui lili. Mmomu bani na éti éte-mi lili, ɔsika awɔ ɔdi na badi.

Yohane 19:11

Mmɔ ni, Yesu údie kenye ɔnini, “Nka alákɛ ɔyikun ɔdi na mina lɛlɔ si ɔɔɔdi Katɔti néte-ɔ kuƒi kɔmmɔ. Anwuɔsu ukyuli ɔni néti-mi ɔ́kya-a kɔnu kemmo ni, ɔ́bla likpidi útulo-ɔ.”

Batalane Kabla 16:28

Nsu ka Paulo ɔ́nu ɔ́ti lɛla lɛni na ɔ́yɔ ka ɔbla lɛlɔ ɔsu ni, ɔ́kpali-nwu ɔ́su ɔnini, “Tabla! Bula ƒui bɔkya mɛni.”

Batalane Kabla 3:17

“Banwa, ngyi ka tati tati ɔsu na amii ku bina benengu bɛ́bla lɛla lɛmɛni udu.

Batalane Kabla 7:60

Amu na ɔ́lɛ akɔnkɔ na ɔ́sɔ ɔ́kpali katɔ ɔ́su ɔnini, “Unwoti, teti bɔƒiɔ bɔmɛni tete-ma, énu!” Na ka útemi ɔ́su lɛni ɔ́wɔlɔ ni, ɔ́lɛ úbo kalɔ na ɔ́yula.

Romaƒuɔ 12:14

Bekyuli bani muukpóku-mii ni, bite-ma kusɛ kusɛ. Bite-ma kusɛ kusɛ na bitewida-ma.

Korintoƒuɔ 1 2:8

Kayawi kamɛni bayikune ɔdi biala útati lɛnunda lɛmɛni. Ɔsika si bɔti na báti-ni ni, nka bátakana Blɔti bátamana ugyii lɛlɔ.

Korintoƒuɔ 1 4:12

Na bɔɔbla kabla kpakplaa na buutú lɛlɔ. Si bekyuli béwida-bu ni, abu buute-ma kusɛ kusɛ. Ina dɛ na basiaku-bu beekpóku-bu ni, bɔɔkya ɔkplu.

Timoteo 1 1:13

Ina ka líkpoku-nwu na lɛ́tɛmi enyekpi ku edumi na nwuna lɛlɔ dii asa na ḿbenwini kayi ni, Katɔti ɔ́nu-mi kɔnyana. Ɔsika uwi ɔmmɔ kemmo ni, ńtaƒɔ-nwu tɔ ńtadi na ńtati lɛla lɛni lɛnɔ na ńtaabla.

Petro 1 3:9

Biteti likpidi bitaƒɔ bani mɔɔbla-mii ekpidi kayu, iye bidumi bani muudumi-mii. Na mmomu bivele Katɔti na ute-ma keyi buɛɛ. Ɔsika ɔmɛni na Katɔti ɔɔwia ka bɛbla. Na ɔ́su bula ƒui úse ka ɔmɛni ɔsu na ɔdubute-bu keyi buɛɛ.