Luka 23:25 - Katɔti Ɔku Kedee

²⁵ Na ɔ́nyonu ukyuli ɔni na baayɔ́ úte-ma. Na ɔdi ukyuli ɔni na litemi batɛne bákya ɔtɔ na lɛsɛ ku ukyuli bɔdu ɔsu. Na ɔ́nyonu Yesu ɔ́kya-ma enu kemmo na batáblaku-nwu kalɛ na baayɔ́.

Luka 23:25 ပူးပေါင်းရင်းမြစ်များ

Ester 3:11

Amu na Ɔga Ahasweros ɔ́su Haman ɔnini, “Bekyuli bammɔ ku bana sika ƒui ɔkya-a enu kemmo, anwuɔsu bla-ma lɛla lɛni na ánu ka lɛ́manku.”

Mateo 27:26

Amu na Pilato ɔ́nyonu Baraba úte-ma. Na ka ɔ́ya na béti kɔbuli kɔni na bélii básala na bébo Yesu kaduɛ ni, ɔ́nyonu-nwu úte aban bekpone ɔnii bakana-nwu bamana ugyii lɛlɔ.

Marko 15:15

Ka Pilato ɔɔyɔ́ ka ebiti ada-ma ɔsu ni, ɔ́nyonu Baraba úte-ma. Na ɔ́ya na bébo Yesu kaduɛ ku kɔbuli kɔni na bélii básala, na úti-nwu úte bekpone ɔnii batákana-nwu bamana ugyii lɛlɔ.

Luka 23:2

Mmɔ na bése baadá-nwu kenye banini, “Búƒie ukyuli ɔmɛni ka ɔ́kpanku bula kadi ɔɔvínku ulu ukpidi lɛlɔ. Na ɔɔsu-ma ɔnii basɔ bataƒɔ kuyi betete Romaƒuɔ Ɔga Unengudi. Na ɔ́su lɛnɔ ɔnii anwu ndi Katɔti Ukyuli Ɔƒunadi na ɔnii ɔdi ɔga lɛnɔ.”

Luka 23:24

Anwuɔsu Pilato úkulo litemi lɛmmɔ kemmo kalɛ na bekyuli bammɔ baawia.

Luka 23:26

Bekpone bákpanku Yesu bátɔlɔku. Na ɔni bakɛ ulu bésela ni, bátásiaku Kireneni ɔdi baalɔ Simon ka ɔ́si lɛkpaklɔ lɛdi ɔdubo Yerusalem. Bédi-nwu bényene na bénye-nwu lɛlɔ banii ɔƒɔ ugyii ɔni na Yesu uti mmɔ uti na ɔsiaku-nwu kama.

Luka 23:5

Nsu bénye kpakplaa bébu na básu banii, “Nwuna ala ani na ɔɔtina éti lɛsɛ éboku Yudea bekyuli ƒui akɔ. Úse ɔmɛni kalɔ na Galilea, na úubo úbedu mɛni lɛnɔ.”

Yohane 18:40

Amu na bana ƒui báva básu banini, “Oowo! Ɔɔɔdi anwu, mmomu Baraba!” Na Baraba ɔmɛni ɔdi bekyuli ɔdune.

Yohane 19:16

Ka básu lɛni ni, Pilato úti Yesu úte-ma ɔnii batákana-nwu bamana ugyii lɛlɔ.

Batalane Kabla 3:14

Bíni ukyuli ɔbuni mmomu, na bɛ́tuna bɛnii ɔnyonu bekyuli ɔdune na ukyuli ɔbuni ɔmmɔ kenye.

Samuel 1 12:13

Bɛɛnu ɔga ɔni na bɛ́ƒuna na bívele ka bese bete-mii. Unwoti úse ɔga ɔmmɔ úte-mii, na utaadi-mii lɛlɔ.