Luka 23:16 - Katɔti Ɔku Kedee

¹⁶ Anwuɔsu ndubɔya na bebo-nwu kugyiimi na lɛda-nwu lɛnyonu.”

Luka 23:16 ပူးပေါင်းရင်းမြစ်များ

Yesaia 53:5

Nsu ɔkɛnku bula ekpidi ɔsu na bébo-nwu ulikplu kemmo bákya-nwu ɔlɛ lɛlɔ na báƒɛ-nwu lɛlɔ ekpo ƒui kpɛtɛ kpɛtɛ. Na lɛbibo lɛmɛni kemmo na ɔ́sia na ɔ́ƒɔ ngba úte abu na bɔ́kɛ bɔnwuna.

Mateo 27:26

Amu na Pilato ɔ́nyonu Baraba úte-ma. Na ka ɔ́ya na béti kɔbuli kɔni na bélii básala na bébo Yesu kaduɛ ni, ɔ́nyonu-nwu úte aban bekpone ɔnii bakana-nwu bamana ugyii lɛlɔ.

Marko 15:15

Ka Pilato ɔɔyɔ́ ka ebiti ada-ma ɔsu ni, ɔ́nyonu Baraba úte-ma. Na ɔ́ya na bébo Yesu kaduɛ ku kɔbuli kɔni na bélii básala, na úti-nwu úte bekpone ɔnii batákana-nwu bamana ugyii lɛlɔ.

Luka 23:17

Na Kukpi Lili Bɔvia bɔdi emeyi biala kemmo ni, ɔdi Pilato kabla ka ɔnyonu ɔtɔ batɛne akɔ unwi ute-ma.

Luka 23:22

Mmɔ na Pilato ɔ́sɔ ɔ́su-ma kɔtɛdi ɔnini, “Na bi likpidi na ɔ́bla? Ńtanu lɛla lɛni na ɔ́bla na mɔɔdú-nwu kukpi kɔtɔ! Ndubɔya na bebo-nwu kugyiimi na lɛnyonu-nwu.”

Luka 6:37

“Bitababla bitatɛku bekyuli litemi, na Katɔti lɛnɔ ulatɛku-mii litemi. Bitadu bekyuli kɔtɔ, na Katɔti lɛnɔ uládu-mii kɔtɔ. Biti bɛkyiɛ bekyuli, na Katɔti lɛnɔ weti wakyiɛ-mii.

Batalane Kabla 16:37

Amu na Paulo ɔ́su beƒiene bammɔ ɔnini, “Bébo-bu na bekyuli ƒui anumi ɔni bátatɛku-bu litemi lɛdi asa na béti-bu bátákya aban ɔtɔ kemmo. Nsu ni, Romaƒuɔ na bɔdi! Na ɔƒɛni na baawia ka bɔbɛ bɔtɔlɔ? Kudii! Ya ama alati bebo bebedie-bu!”