Luka 22:5 - Katɔti Ɔku Kedee

⁵ Ebiti áda-ma, na básu-nwu ka badubɔƒɔ-nwu kayu kadi.

Luka 22:5 ပူးပေါင်းရင်းမြစ်များ

Luka 22:4

Anwuɔsu Yuda úsie Katɔti bakpane benengu ku Katɔti kakpakɔ lɛlɔ banune benengu kudɔ. Na bátɛmi básiku ulu ɔni lɛlɔ na ɔdubɔvi asa na beƒie Yesu lɛlɔ.

Luka 22:6

Na Yuda lɛnɔ únu kalɔ lɛni. Anwuɔsu úse kalɔ ɔɔwia uwi ɔbuni ɔni lɛlɔ na weti Yesu wakya-ma enu.

Batalane Kabla 1:18

“Nsu ɔ́bla likpidi na ɔ́ƒɔ egulabi ani na béti bétéye kalɔ kani lɛlɔ na útékpi. Mmɔ ka úbuli ni, ɔ́bwɛ na nwuna aƒɔla ƒui álɛ éwi keyi.

Batalane Kabla 8:20

Amu na Petro ɔ́su-nwu ɔnini, “Awɔ ku ƒula egulabi ƒui bɛdubɔnuku-ni. Takali anii adubɔkana Unwoti litela buye ku egulabi.

Petro 2 2:15

Bédeyi bɔƒɔtaadi ulu ɔmmɔ ƒui, na báyii ulu. Basiaku Boer ubidi Bileam ɔbladu kama ɔni mɔɔbla ala ekpidi teeti taakɛ egulabi.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Yuda 1:11

Bɔbuɛ muute-ma! Ɔsika ulu ɔni lɛlɔ na Kain ɔ́vi ni, nwuna lɛlɔ kani na ama lɛnɔ bakɛ. Na bányonu lɛlɔ na belie ngba bukpidi bɔni na ukyuli ɔni baalɔ Bileam úlie ka baawia kayawi lɛkɛ ɔsu. Báta bénye Katɔti ɔda bubo lɛlɔ aani kalɛ na Koran ɔ́bla. Na badubɔyii udu aani Koran ɔmmɔ kalɛ.