Luka 22:38 - Katɔti Ɔku Kedee

³⁸ Mmɔ na batɛyane bammɔ básu-nwu banini, “Blɔti, nu! Aanu kuwii inyɔ mɛni!” Amu na údie kenye ɔnini, “Ɔmmɔ ɔ́bɔ.”

Luka 22:38 ပူးပေါင်းရင်းမြစ်များ

Mateo 26:51

Na bani nsiaku Yesu mmɔ kemmo unwi ɔ́ni nwuna ɔkɛɛ ɔ́kpa na úbeyi ɔkpane unengudi kabla ɔblane kɔtu úkulo.

Luka 22:36

Amu na Yesu ɔ́su-ma ɔnini, “Nsu ɔƒɛni ni, ukyuli ɔni mbo kavumi kadi iye koƒo kɔdi ni, uti ɔda. Na ukyuli ɔni neeebo kewii kadi ni, ɔdi ka uti nwuna awu ɔni na ɔɔkya taasia ɔtɔdi lɛlɔ uye, na usie utéye kewii kadi.

Luka 22:49

Uwi ɔni na batɛyane bani nkya mmɔ ku Yesu bánu lɛla lɛni ndubo bɔlɛ ni, béye Yesu banini, “Blɔti, buteebeyi-ma ku bula kuwii?”

Yohane 18:36

Mmɔ na Yesu ɔ́su-nwu ɔnini, “Mina lɛga bɔdi bútasi kalɔ kamɛni lɛlɔ. Si banii kalɔ kamɛni lɛlɔ lɛga bɔdi na lɛdi ni, nka mina basiakune badubukpo bete-mi kalɛ na neeeduo Yudaƒuɔ benengu enu kemmo. Nsu ni, ɔɔɔdi lɛni na use. Mina lɛga bɔdi lɛ́si kesii bamba.”

Tesalonikaƒuɔ 1 5:8

Nsu abu bani nkya bukeye kemmo ni, bɛya na bɔda lɛlɔ kaduɛ. Na buti bula bɔƒɔtaadi ku bula bɔyɔ butaagyumana lɛlɔ aani kalɛ na kekpo adala aagyumana ukpone. Na butaasia anu ka Blɔti ɔdubɔƒɔ-bu, aani kalɛ na kekpo kabwa kaagyumana ukpone lili.

Petro 1 5:9

Binye kpakplaa na bina bɔƒɔtaadi kemmo na bitile-nwu kuƒi, ɔsika abi amɛni udu kani na bina bakpana baƒɔtaadine bani nkya kayawi mɛni ƒui beebó.