Luka 22:37 - Katɔti Ɔku Kedee

³⁷ Na mɔɔsu-mii nnii Bunweni Kedee Ɔku kemmo litemi lɛni mɔɔsu lɛnii, ‘Baka-nwu bákya bekyuli bekpidi akɔ’ ni, ɔlɛka libo-nwu kemmo lɛni na mina lɛlɔ. Ɔsika lɛla lɛni na bénweni básiku-mi lɛlɔ ni, ɔlɛka ubo-nwu kemmo lɛni sɔsɔ.”

Luka 22:37 ပူးပေါင်းရင်းမြစ်များ

Yesaia 53:12

Unwoti ɔdubɔƒɔ kayu kabuni bute-nwu na ute-nwu kenyekɔ kenengudi ku ɔyikun na kalɛ na úbo abi útédu ku kukpi kemmo na ɔ́ƒɔ kayu na bekyuli ƒui lili ɔsu. Báka-nwu bákya bekyuli bekpidi akɔ. Ɔsika bekyuli pii ekpidi na ɔ́ƒɔ ɔ́sia lɛlɔ, na úti lɛlɔ ɔ́kpa na bana lili, na ɔ́ƒɔ-ma ngba.

Marko 15:27

Na bákana beyune inyɔ lɛnɔ bámana ligyii lɛlɔ mmɔ bébunku Yesu. Unwi ɔ́ma-nwu kɔdianu kakɛ, na unwi lɛnɔ ɔ́ma-nwu kɔmiinu kakɛ.

Marko 15:28

Ɔmɛni úbo úte lɛni kalɛ na bénweni bése na Bunweni Kedee Ɔku kemmo banini, “Bádu-nwu bébunku ekpidi bablane.”

Luka 18:31

Yesu útiku batɛyane leevu-inyɔ bammɔ úsienku kɔmadɔ na ɔ́su-ma ɔnini, “Binu! Búsela Yerusalem, kesii kani na ala ani na Katɔti kenye bediene bénweni básiku ami, Ukyuli Ɔyawine Ubi, lɛlɔ adububo ete lɛni.

Luka 22:22

Na ami, Ukyuli Ɔyawine Ubi, ndubo bukpi aani kalɛ na Katɔti ɔ́lɛ ugyii úse. Nsu ni, bɔbuɛ muute ukyuli ɔni makya-mi kakya.”

Luka 22:36

Amu na Yesu ɔ́su-ma ɔnini, “Nsu ɔƒɛni ni, ukyuli ɔni mbo kavumi kadi iye koƒo kɔdi ni, uti ɔda. Na ukyuli ɔni neeebo kewii kadi ni, ɔdi ka uti nwuna awu ɔni na ɔɔkya taasia ɔtɔdi lɛlɔ uye, na usie utéye kewii kadi.

Luka 22:52

Amu na Yesu ɔ́su bakpane benengu ku kakpakɔ lɛlɔ banune benengu ku kadi benengu bani nébo mmɔ banii bebeƒie-nwu ɔnini, “Bi ɔsu na ɔlɛka biti ligyii ku lɛkɛɛ bibo aani si ɔkantankpine na ndi?

Luka 23:32

Uwi ɔmmɔ ni, bekpone bétiku banana bekpidi inyɔ badi bésela batádu ku Yesu.

Luka 24:27

Na Yesu údie ala ammɔ kalɔ úte-ma ɔ́si ala ani na bénweni bákya Bunweni Kedee Ɔku kemmo ɔ́si Mose ɔku ku ala ani ƒui na Katɔti kenye bediene bénweni ɔkɛnku anwu Yesu ɔmmɔ lɛlɔ.

Yohane 10:35

Na bɔgyi ka lɛla lɛni na bénweni bákya Bunweni Kedee Ɔku kemmo ni, lɛdi litemi geen lɛni nse lísela uwi ƒui. Na mmɔ na Katɔti ɔ́lɔ bekyuli bani na ɔ́ya básu nwuna litemi buni ɔnii, ‘Bise aani Katɔti.’

Yohane 17:4

Lɛ́kɔliku ƒula lɛnyi katɔ na bekyuli akɔ na kalɔ lɛlɔ. Na lɛ́wɔlɔ kabla kani na éte-mi ka mbabla.

Korintoƒuɔ 2 5:21

Kristo útabla likpidi lɛdi. Nsu bula alaekpidi lili ɔsu na Katɔti úti-nwu ɔ́bla alaekpidi ɔblane. Na ɔmɛni maya na abu bani mablaku-nwu unwi ni, bɔbla siin na Katɔti anumi.

Galatiƒuɔ 3:13

Na Kristo nébo úbada-bu údie ewida kemmo. Na anwu nébenwini ewidala úte-bu. Ɔsika bénweni banii, “Ewida asiaku ukyuli ɔni na badubuti baƒala ugyii lɛlɔ.”