Luka 22:36 - Katɔti Ɔku Kedee

³⁶ Amu na Yesu ɔ́su-ma ɔnini, “Nsu ɔƒɛni ni, ukyuli ɔni mbo kavumi kadi iye koƒo kɔdi ni, uti ɔda. Na ukyuli ɔni neeebo kewii kadi ni, ɔdi ka uti nwuna awu ɔni na ɔɔkya taasia ɔtɔdi lɛlɔ uye, na usie utéye kewii kadi.

Luka 22:36 ပူးပေါင်းရင်းမြစ်များ

Mateo 10:10

Na ɔdi biala uteti koƒo utada aani ala bevelene kalɛ. Biteti awu iye lɛgbanvuo lɛbambadi lɛdi iye ugyii ɔdadi. Kabla ɔblane biala ni, nwuna kabla kemmo na ɔdubɔdi.

Luka 22:35

Amu na Yesu úye nwuna batɛyane ɔnini, “Uwi ɔdi návi ka lɛ́tala-mii na bɛɛɛda kavumi iye koƒo iye lɛgbanvuo lɛdi ni, bɛ́yaki lɛla lɛdi?” Amu na bédie kenye banii, “Bútayaki ina lɛlakpa linwi muedi.”

Luka 22:37

Na mɔɔsu-mii nnii Bunweni Kedee Ɔku kemmo litemi lɛni mɔɔsu lɛnii, ‘Baka-nwu bákya bekyuli bekpidi akɔ’ ni, ɔlɛka libo-nwu kemmo lɛni na mina lɛlɔ. Ɔsika lɛla lɛni na bénweni básiku-mi lɛlɔ ni, ɔlɛka ubo-nwu kemmo lɛni sɔsɔ.”

Luka 22:38

Mmɔ na batɛyane bammɔ básu-nwu banini, “Blɔti, nu! Aanu kuwii inyɔ mɛni!” Amu na údie kenye ɔnini, “Ɔmmɔ ɔ́bɔ.”

Yohane 15:20

Binyimo ka lɛ́su-mii nnii, ‘Ukyuli ɔni mɔɔbla ukyuli bamba kabla ni, uletulo nwuna unwoti.’ Si bekyuli békpoku-mi ni, bɛti ka badubo amii lɛnɔ bukpoku. Si bádi ala ani na lɛ́tina-ma lɛlɔ ni, badubɔdi amii adi lɛnɔ lɛlɔ.

Yohane 16:33

Ala amɛni na lɛ́su-mii kalɛ na kayi kasɔ kelékpoku-mii si biliku-mi. Kayawi bekyuli badubo bɔya na bibo abi. Nsu binye kpakplaa! Ɔsika lɛ́ɛdi kayawi kamɛni lɛbibo biala lɛlɔ.”

Tesalonikaƒuɔ 1 3:4

Bɛdubunyimo ka uwi ɔni na bɔkya-mii kudɔ ni, bɔ́lɛ-mii ɔmɛni lɛlɔ búse ka bukpoku bɔmɛni bɔdububo. Na aani kalɛ bɛgyi ni, úbo lɛni sɔsɔ.

Petro 1 4:1

Na ɔ́si ɔni na Kristo úbo abi na ɔlɔna kemmo na bula lili ɔsu ni, amii lɛnɔ bɛda lɛlɔ bise na biti kasusu kammɔ udu kani bɛda. Ɔsika ukyuli ɔni muubó abi na ɔlɔna kemmo ni, ɔɔɔda likpidi bɔbla taaya.