Luka 22:32 - Katɔti Ɔku Kedee

³² Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Luka 22:32 ပူးပေါင်းရင်းမြစ်များ

Mateo 18:3

Na ɔ́su-ma ɔnini, “Mɔɔsu-mii nnii si bítavumana udu na binwini aani banamu ni, bileduo Katɔ Ɔga Ɔma kudii.

Mateo 26:75

Na Petro únyimo lɛla lɛni Yesu ɔ́su ɔnini, “Asa na akɔkɔ ɔdubute kenye ni, adubɔsu kɔtɛ sɔɔn ka aaagyi-mi.” Anwuɔsu ɔ́lɛ keyi na útéwulo geen.

Marko 14:72

Kɔnakunwi ni, akɔkɔ ɔ́sɔ úte kenye kunyɔdi, na Petro únyimo ka Yesu ɔ́su-nwu ɔnini, “Asa na akɔkɔ ɔdubute kenye kunyɔdi ni, adubɔsu kɔtɛ ƒui ka aaagyi-mi.” Ka úbenu nwuna lɛlɔ kalɔ ni, kɔyɔ kúwi Petro na ɔ́da lɛdi údie na uuwulo.

Marko 16:7

Anwuɔsu biteesie na bitásu nwuna batɛyane ku Petro lɛnɔ bɛnii, ‘Yesu ɔtɔ-mii na Galilea. Mmɔ na bɛdubɔnu-nwu aani kalɛ na ɔ́su-mii úse.’ ”

Luka 8:13

Na ani nálɛ ébo atakpɛ lɛlɔ ni, ese aani bekyuli bani na bénu litemi lɛmmɔ na báƒɔ-ni ku ebiti mmɔ kani, nsu líteduo-ma lɛlɔ kemmo geen. Anwuɔsu baaƒɔ́ taadi uwi klukui kemmo kani. Na si uwi ɔni na bukpoku taanu bɔdi búbo ni, baayuɛ.

Yohane 14:19

Kébu blii na kayawi bekyuli basɔ balanu-mi. Nsu amii bɛdubo-mi bɔnu. Na ka nli ngba ɔsu ni, amii lɛnɔ bɛdubulie ngba.

Batalane Kabla 3:19

Anwuɔsu ni, binwini kama bɛkya ekpidi bɔbla na biti anumi bɛsia Unwoti lɛlɔ, kalɛ na waƒɔ bina ekpidi wedie-mii lɛlɔ na bɛkɛ bɔnwuna buɛɛ na Blɔti kudɔ, kalɛ watala Kristo Yesu wakya-mii aani bina Ɔƒɔne kalɛ.

Romaƒuɔ 8:32

Na si Katɔti útenye útada Ubidi mmomu úti-nwu ɔkpa na bula lili ni, bi ɔsu na ulete-bu ala ƒui ku kaƒɔ ƒaa ɔkɛnku Ubidi ɔmmɔ lɛlɔ?

Romaƒuɔ 8:34

Na ɔma ndubɔkana na ɔdu-ma kɔtɔ? Kristo Yesu ndi ukyuli ɔni nékpi, na ɔni nsɔ nsia ndi ka Katɔti ɔ́gyila-nwu ɔ́lɛku bekpine akɔ na ɔ́sɔ úbo uli ngba na ulie Katɔti kɔdianu na uuvele-nwu teete-bu.

Timoteo 2 2:18

Bénwini kama bákya litemi geen lɛmmɔ na bakya beeƒú baƒɔtaadine badi kasusu banii bula ngba bɔsɔ bɔta bubelieku Katɔti búubo búbavi.

Tito 1:1

Ami Paulo ɔni ndi Katɔti kabla ɔblane ku Yesu Kristo ɔtalane ni, ami muunweni-ɔ ɔku ɔmɛni. Katɔti ɔ́ƒuna-mi na ɔ́tala-mi ɔnii mbunku nwuna bekyuli baƒunadi bɔƒɔtaadi na lɛtɔnku-ma na banu litemi geen lɛni na bula bɔƒɔtaadi ulu ɔɔtina bati.

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Petro 1 1:1

Ami Petro ɔni ndi Blɔti Yesu Kristo ɔtalane muunweni ɔku ɔmɛni lite Katɔti baƒɔtaadine bani nátɔlɔ bana lɛma bésie belie Romaƒuɔ kɔlɔ kɔni ndi Ponto ku Galatia ku Kapadokia ku Asia ku Bitinia lɛlɔ.

Petro 1 1:13

Anwuɔsu ni, bɛda lɛlɔ bise bite kabla. Na binye kagyumana na bitaanu ulu teete lɛbuni lɛni na Katɔti ɔdubɔbla ute-mii lɛlɔ uwi ɔni na Yesu wasɔ webo wabaƒɔ-mii ngba.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.

Petro 2 3:14

Anwuɔsu ni, mina banwa, bina ƒui anu asia Blɔti limeyi lɛmmɔ bubo lɛlɔ. Na uwi ɔni binye bɛgya-nwu ni, bɛya na amii ku Katɔti ntɛ bɔdia na bilabla likpidi iye biláƒiɔ-nwu.

Yohane 1 2:19

Na bekyuli bamɛni bálɛ bula lɛkpa lɛmɛni kemmo, ɔsika baaadi bula badi. Na si bula bekyuli na badi ni, nka bamu bakya-bu akɔ. Nsu bana bɔtɔlɔ bɔmmɔ bɔ́tina geen ka bana akɔ ɔdi biala ɔɔɔdi bula badi.