Luka 22:17 - Katɔti Ɔku Kedee

¹⁷ Ɔmmɔ kama ni, Yesu úti ɔɔƒɛɛ na ɔ́gya Katɔti enu. Na ɔ́su ɔnini, “Bɛƒɔ ɔmɛni na bɛni bite lɛlɔ.

Luka 22:17 ပူးပေါင်းရင်းမြစ်များ

Kɔgya 116:13

Ndubuti ɔɔƒɛɛ ku ntɛ minimini etela mbakpa lite Unwoti na lɛgya-nwu enu ka ɔ́ƒɔ-mi ngba ɔsu.

Kɔgya 23:5

Aayá muuwi lɛlɔ buɛɛ taadi adila abuni teemo uwi ɔni na mina bekisine benye baanu. Eewi-mi nnɔmii lili na aanu-mi lɛlɔ geen aani kalɛ na baabla lɛƒɔ teete ɔbune. Na áya na mina ɔɔƒɛɛ úyi ku atu.

Yeremia 16:7

Ukyuli ɔdi uleti adila iye ntɛ bɔdi uleboku ulabasia kekwa bablane badi kɔnu na bana ɔti iye uni ɔdi kukpi kemmo.

Mateo 14:19

Na ɔ́su bekyuli bammɔ ƒui ɔnii belie kalɔ na livo lɛmmɔ lɛlɔ mmɔ. Amu na úti bodobodo ɛlɔ ku kɔkpaku inyɔ bɔmmɔ na ɔ́talaku anumi ɔ́nu katɔ na ɔ́gya Katɔti enu. Na ɔ́bwɛ bodobodo ɔmmɔ kɔkɛ kɔkɛ úte nwuna batɛyane. Na batɛyane bammɔ lɛnɔ béti béte bekyuli bammɔ.

Mateo 15:36

Na úti bodobodo maatɛ ku kɔkpaku kɔmmɔ na ɔ́gya Katɔti enu, na ɔ́bwɛ ɔdi biala kɔkɛ kɔkɛ na úti úte nwuna batɛyane. Na ama lɛnɔ béle-nwu béte bekyuli bammɔ.

Mateo 26:26

Uwi ɔni na Yesu ku nwuna batɛyane belie baadi ni, úti bodobodo. Na ka ɔ́gya Katɔti enu ni, ɔ́bwɛ-nwu kɔkɛ kɔkɛ na úle-ku úte-ma. Ɔ́su ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Marko 14:22

Uwi ɔni na badaku bɔdi ni, Yesu úti bodobodo ɔdi. Na ka ɔ́gya Katɔti enu ɔ́wɔlɔ ni, ɔ́bwɛ-nwu kɔkɛ kɔkɛ na úle úte nwuna batɛyane. Na ɔ́su-ma ɔnini, “Bɛƒɔ ɔmɛni na bɛdi. Ɔmɛni ndi mina ɔlɔna.”

Luka 22:19

Amu na úti bodobodo ɔdi na ɔ́gya Katɔti enu. Na ɔ́bwɛ-nwu kɔkɛ kɔkɛ na úti úte-ma. Na ɔ́su-ma ɔnini, “Ɔmɛni ndi mina ɔlɔna ɔni na ndubuti lɛkpa lite Katɔti na bina lili. Bɛbla ɔmɛni na biti bitaakali-mi.”

Luka 9:16

Yesu úti bodobodo ɛlɔ ku kɔbɛ inyɔ bɔmmɔ na ɔ́kɔliku anumi ɔ́nu katɔ. Amu na ɔ́gya Katɔti enu úte-ma, na ɔ́bwɛ-nwu kɔkɛ kɔkɛ na úti úte nwuna batɛyane ɔnii beti bele bete bekyuli bammɔ.

Romaƒuɔ 14:6

Ukyuli ɔni mɔɔbu limeyi lɛdi ni, Blɔti na uute ɔbu. Na ukyuli ɔni na adila adi lɛnɔ na ɔɔdi ni, Blɔti na uute ɔbu, ɔsika ɔ́gya Katɔti enu na ana lili. Na ukyuli ɔni néni na uládi adila adi lɛnɔ ni, ɔɔbla lɛni teeti taabu Blɔti. Na ɔɔgyá Katɔti enu.

Korintoƒuɔ 1 10:16

Ɔɔƒɛɛ ɔni na buuti taagya Katɔti enu ni, unye ute Blɔti ubugya. Na bodobodo ɔni na bɔɔbwɛ si bɔɔdi Blɔti adila kedee ni, ɔɔtina ka abu ku Kristo bɔɔbla unwi.

Korintoƒuɔ 1 11:23

Ɔsika lɛla lɛni na lɛ́ƒɔ lɛ́siku Blɔti kudɔ ni, ani kani na lɛ́tina-mii. Na usien ɔmmɔ asa na badubɔkya-nwu kakya ni, úti bodobodo,

Lɛkpa Ulu 8:10

Si bɛ́di na bímo ni, binyimo na biti linugya bite bina Unwoti Katɔti ɔkɛnku kalɔ kabuni kani na úti úte-mii ɔsu.

Samuel 1 9:13

Na si bíduo ɔma ɔmmɔ kemmo kani ni, bɛdubo-nwu bɔnu asa na weti wataakɔ utádi na kesii kani na lɛkpabi lɛmmɔ linye. Na bekyuli bammɔ baaadubo bɔdi tɔ wetédu uwi ɔni na úbo, ɔsika anwu na ɔdi ka úti enu ɔ́sia adila ammɔ lɛlɔ úwi-nya kusɛ kusɛ, asa bekyuli bani na bálɔ béboku mmɔ bese kalɔ ku bɔdi. Bɛkɔ bisie mmɔ, na bɛdubɔkana na bɛnu-nwu uwi ɔmɛni lɛlɔ.”