Luka 21:34 - Katɔti Ɔku Kedee

³⁴ “Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Luka 21:34 ပူးပေါင်းရင်းမြစ်များ

Ala Kalɔ Buse 19:32

Ɔmɛni ɔsu ni, ya na bute bula ɔti ntɛ na ɔni ukpi na lisie ntátɛ-nwu kudɔ kalɛ na bula ɔti kaba kalayii.”

Ala Kalɔ Buse 19:35

Ɔmmɔ ɔsu béte bana ɔti ntɛ na ɔ́ni-mu úkpi usien ɔmmɔ lɛnɔ. Na ulekubi ɔnamudi lɛnɔ úsie útátɛ bana ɔti kudɔ. Na ɔƒɛni lɛnɔ ni, bana ɔti útati uwi ɔni na ulekubi ɔmmɔ úbatɛ-nwu kudɔ iye ɔ́ta ɔ́tɔlɔ.

Ala Kalɔ Buse 27:14

Ɔmmɔ ɔsu úsie na úti lɛna lɛmmɔ úboku uni na ɔ́nwa adila abuni ammɔ aani kalɛ na ɔti ɔɔyɔ́.

Kɔgya 35:8

Ya na ɔgbankpi uyu-ma ɔtu ɔni na baaagyi beeese. Na aya na kɔkpagyuɛ kɔni na bákywɛ-mi kudie-ma. Na banu beduo libu lɛni na ama alati béku bése-mi kemmo na bayii udu na mmɔ.

Agba 21:4

Anumi ani mɔɔnu ɔnusɛ ku kayi kani mɔɔtalaku lɛlɔ katɔ ku likyulikpi ala bɔbla ƒui adi likpidi.

Agba 23:20

Tasiaku ntɛ bekpine ku adikpi badine ɔbladu kama!

Etemila 9:12

Na lɛnɔ ni, ukyuli ɔdi ɔɔɔgyi uwi ɔni na nwuna uwi ɔdubo ubedu. Kalɛ na kabɛ keeduo agyakuo kemmo iye aasɛ ɔɔnú kamia ni, lɛni na uwi ukpidi uubo taabasiaku bekyuli aani kalɛ na baanú kakpagyuɛ.

Yesaia 28:7

Na Katɔti bakpane ku Katɔti kenye bediene ƒui benye baabla ntɛ ekpila na ntɛ kpakplaa bɔni ɔsu. Na baagbánta si baanu kɔyu kemmo ala iye baadi kasusu kpakplaa kadi na lɛla lɛdi lɛlɔ. Na ntɛ bɔ́ya na béƒu bakɛ.

Hosea 4:11

“Ntɛ bɔnani ku bɔwɔdi bɔ́ya na mina bekyuli kasusu kékpi-ma na basɔ belenu lɛla lɛdi kalɔ!

Lewiƒuɔ Ɔda Bubo 10:9

“Ɔkpane ɔdi biala, awɔ ku ƒula bebi bananabi ɔdi utani ntɛ bubulodi bɔni kemmo na bɔnyii bɔkya iye bɔbambadi bɔdi biala udu na uduo Unwoti Adi Kevo kammɔ kemmo, si ɔɔɔdi lɛni bɛdubo bukpi. Na bunyimi bɔmɛni lɛlɔ na bɛdubɔdi úti úsela uwi ƒui amii ku bina kaba kaba ƒui bekyuli.

Mateo 13:22

Na edula ani néduo ákya liyu livo akɔ ni, anya ndi bekyuli bani muunú litemi lɛmmɔ. Nsu ka béti kasusu pii básia kayawi kamɛni ala lɛlɔ ku lɛlakɛ ɔsu ni, litemi lɛmmɔ lílaƒɔ bana lɛlɔ kemmo na babla ala abuni.

Marko 13:9

“Ɔlɛka amii alati binye kagyumana. Badubuƒie-mii na beti-mii besienku litemi katɛkɔ. Badububo-mii na kasalakɔ. Na ami ɔsu ni, bɛdubunye baga ku lɛlɔ badine anumi, na bɛdubɔsu-ma Katɔti litemi buni lɛmɛni.

Marko 4:19

nsu kayawi liƒu bɔda ku lɛnungyie likpidi na sika lɛlɔ ku ɔlɔna ɔkwɛ adala akya-ma kayi kemmo. Ala amɛni ényimi litemi lɛmmɔ na litanwu ebi.

Luka 10:41

Amu na Yesu ɔ́su-nwu ɔnini, “Marta! Nu kalɛ na eekpóku lɛlɔ na ala pii lɛlɔ.

Luka 12:40

Anwuɔsu na ɔlɛka amii lɛnɔ binye kagyumana, ɔsika ami Ukyuli Ɔyawine Ubi ndububo mbeyu-mii lɛtu.”

Luka 17:3

Anwuɔsu bɛsia ala ani na bɛɛbla anu. “Na si ƒula ɔkpana ɔ́bla-a likpidi lɛdi ni, dɔnku-nwu. Na si úkpi kɔtɔ ni, na eti akyiɛ-nwu.

Luka 21:35

Na ɔdubɔbla aani kalɛ na kakpagyuɛ keedie ebuo. Na ukyuli biala ulálɛ-nwu kemmo.

Luka 21:8

Yesu ɔ́su-ma ɔnini, “Binye kagyumana na ukyuli ɔdi utatɔlɔ-mii. Bekyuli pii bani mɔɔsu banii ami mina kenye na beedie ni, badubo na bábasu banii, ‘Ami na ɔdi,’ na ‘Uwi ɔmmɔ úudu’. Nsu bitasiaku-ma kama.

Luka 8:14

Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya.

Korintoƒuɔ 1 5:11

Mmomu lɛla lɛni mɔɔtina ndi ka ukyuli ɔni na ɔɔlɔ lɛlɔ ɔnii ɔnwa ɔƒɔtaadine nsu ɔɔdi kɔsɔnɔ iye ubo lɛnungyie iye ɔɔkpá baƒiɔ iye ɔɔlɔ bekyuli anyikpi iye uukpi ntɛ iye uuyú ni, awɔ ku-nwu bitabla lɛla lɛdi bitasala. Na bitakya kɔnu lɛkyami linwi kemmo bitadi muedi.

Galatiƒuɔ 5:20

ku lɛƒiɔkpa ku kabɔ bɔdu ku bekyuli bukisi ku kekpo ku bekyuli bani muukpó kogyulo ku kɔnyi buti ku awɔ lɛti lɛkɛ ku unyeƒi ku lɛlɔ bule akpa akpa

Lɛkpa Ulu 29:19

Na bɛnu kaduɛ na bina akɔ ɔdi ɔni muunú bunyimi bɔmɛni ɔmwi limeyi lɛmɛni ulátɔlɔ lɛlɔ na anwu lɛti ɔsia ulu ɔni na ɔɔyɔ́ lɛlɔ na ɔsu lɛlɔ ɔnini, “Ɔdubɔdia bute-mi na ulu ɔni lɛlɔ na nkɛ mɛni.” Si ɔdi ɔ́bla lɛni ni, ɔdubɔya na bina ƒui bɛkywi bɛsa.

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Petro 2 3:10

Nsu Blɔti limeyi likplodi lɛmmɔ ni, lɛdubo-bu buyu bɔtu. Na bɔdubunu kɔku bonwu kɔdi. Na kayaa kadubo bɔyii udu. Na ala ani ƒui nkya kayaa mmɔ ni, adubɔkywi kede kede! Na kalɔ ku kana ala ƒui adubo bɔyii.

Petro 2 3:14

Anwuɔsu ni, mina banwa, bina ƒui anu asia Blɔti limeyi lɛmmɔ bubo lɛlɔ. Na uwi ɔni binye bɛgya-nwu ni, bɛya na amii ku Katɔti ntɛ bɔdia na bilabla likpidi iye biláƒiɔ-nwu.

Budie Taatina 3:3

Ɔmɛni ɔsu ni, binyimo lɛla lɛni na bátina-mii na bínu lɛnɔ, na bɛda-ni kaduɛ na bina ekpidi eduo-mii na binwini kama bɛkya-nya. Nsu si bítagyinya ni, ndubo-mii kudɔ aani uyune kalɛ na biláti uwi ɔni kemmo na meti mada malɛ-mii lɛlɔ.

Samuel 1 25:36

Uwi ɔni na Abigail ɔ́sɔ únwini útéduo kaduli ni, Nabal ku anwu badi belie baadi taani aani ɔga mɔɔdi limeyi. Na ɔ́ɔni-mu sɔsɔ na aatí ka bɔsia-nwu anumi. Anwuɔsu Abigail útasu-nwu lɛla lɛdi useyi uwi ɔmmɔ útédu ka kadi kégye.