Luka 21:26 - Katɔti Ɔku Kedee

²⁶ Bekyuli badubo butaayila na liƒu ɔsu uwi ɔni na béti benye bagya lɛla lɛni ndubɔlɛku kayawi kemodi kammɔ lɛlɔ. Ɔsika ala ani nkya kayaa asɔ elenye ana kenyekɔ, na lɛla biala ɔbladu ɔvumana.

Luka 21:26 ပူးပေါင်းရင်းမြစ်များ

Yesaia 5:30

Na limeyi lɛmmɔ ni, badubɔnwini bakya-ma, aani kalɛ na ɛpu ɔɔnwini. Na liƒlukutu suu lɛdi ku kɔnyana kɔdubɔƒɔ Israel ƒui, na ɔkɛnku ɔmmɔ ɔsu basɔ balanu bukeye bɔdi.

Lewiƒuɔ Ɔda Bubo 26:36

“ ‘Na bina akɔ bani nébu ni, ndubuti liƒu geen lɛkya-ma kayi na kaƒɔ kesii kani na bakya bana bekisine akɔ mmɔ, na si ina ɔƒɛƒɛɛ nébo livete lɛdi ɔɔvínku muedi ɔdubɔya na beteekeli aani ukyuli ɔdi mɔɔbɔku-ma. Na badubo bukeli aani kewii na bada baabɔku-ma na bebuli ina ka ɔdi ɔɔɔsiaku-ma.

Mateo 24:29

“Na lɛbibo emeyi ammɔ kama ni, ɔƒɛ ɔdubɔbla suu, na kɔbuli kɔsɔ kulekeye lɛnɔ, na ayabi adubɔnu asi katɔ, na kayaa ɔyikun ƒui ɔdubɔkunku.

Marko 13:25

Ayabi adubɔbla aani si bɔnu na ada taasiku katɔ, na katɔ ala ƒui adubɔkunku.’

Luka 21:25

“Akɔla ala budie taatina adubo butaalɛ na ɔƒɛ ku kɔbuli ku ayabi anumi. Na kalɔ lɛlɔ bekyuli ƒui badubɔyila lɛnunsia biala. Na bɔyia bonwu bɔdubɔkya bekyuli lɛlɔ kemmo na kalɛ na ɛpu uudie lɛdi na uukpóku lɛlɔ ɔsu.

Luka 21:27

Ɔmmɔ kama ni, ami Ukyuli Ɔyawine Ubi ndubɔda lɛlɛ kayaa na kemmo na mina ɔyikun bonwu ku bukeye kemmo.