Luka 21:25 - Katɔti Ɔku Kedee

²⁵ “Akɔla ala budie taatina adubo butaalɛ na ɔƒɛ ku kɔbuli ku ayabi anumi. Na kalɔ lɛlɔ bekyuli ƒui badubɔyila lɛnunsia biala. Na bɔyia bonwu bɔdubɔkya bekyuli lɛlɔ kemmo na kalɛ na ɛpu uudie lɛdi na uukpóku lɛlɔ ɔsu.

Luka 21:25 ပူးပေါင်းရင်းမြစ်များ

Kɔgya 46:3

Ina ɛpu ɔmmɔ ƒui mɔɔnwanɛ lɛlɔ na ɔɔta teebo na ɔɔkunku abi ammɔ dɛ muedi ni, liƒu lɛɛɛdubo-bu bɔda

Yesaia 13:10

Na kayaa ayabi lidu ƒui asɔ elekeye. Na ɔƒɛ ɔni nátu ɔdubo lɛnɔ adubɔbla suu. Lɛni kani na kɔbuli lɛnɔ kɔsɔ kɔɔɔdubo bukeye.

Yesaia 17:12

Binu bekyuli lisu kɔnyi kɔku kɔni ndubo, kɔku kɔni nse aani ɛpu ɔni mɔɔnwanɛ lɛlɔ, na uubó teebewi utubili! Binu kalɛ na badubo ku kudu ku kɔnyi.

Yesaia 24:23

Na kadi ƒui Unwoti ɔdubɔdi lɛga na Sion Kɔbi lɛlɔ ku Yerusalem ku bana benengu ƒui anumi na udie nwuna lɛgadi bukeye keyi. Na nwuna bukeye bɔya na kɔbuli ku ɔƒɛ bukeye bɔbla suu aani kalɛ na kɔƒa kuukpó ukyuli.

Yesaia 5:30

Na limeyi lɛmmɔ ni, badubɔnwini bakya-ma, aani kalɛ na ɛpu ɔɔnwini. Na liƒlukutu suu lɛdi ku kɔnyana kɔdubɔƒɔ Israel ƒui, na ɔkɛnku ɔmmɔ ɔsu basɔ balanu bukeye bɔdi.

Yesaia 51:15

Ndubo bana ƒui bubunku, ɔsika ami ndi bina Unwoti Katɔti Ɔyikune Ƒui. Na ami mɔɔyá na ɛpu uubó lɛdi ku kɔku.

Yeremia 4:23

Ɔmɛni kama ni, lɛ́nu lɛ́mana kalɔ kammɔ ƒui lɛlɔ na lɛ́nu ka kese ƒue, na alanu ngba lɛla lɛdi na kesii kadi. Ɔƒɛ ku kɔbuli ku ayabi ƒui áyii.

Daniel 12:1

“Uwi ɔmmɔ kemmo ni, ƒula kadi bekyuli ɔgyumanane unengu ƒui, Mikael ɔni na Katɔti ɔdubɔtala ni, ɔdubɔta ubo. Na lɛbibo kpakplaa lɛni udu nétebo tɔ kudii ɔ́si kalɔ kesekɔ lɛdubɔlɛ. Na ukyuli biala ɔni na nwuna lɛnyi lɛkya ngba ɔku kemmo ni, ɔdubo-nwu bɔgyumana.

Mika 7:4

Bekyuli babuni ƒui bani na bakya-ma akɔ muedi betulo liyu alakpi ani náka ámana lɛla lɛdi. Kenye bediene ku bani mɔɔnu bana ablala taasu béte bɔti ka bana bɔkyula uwi údu na bábla gyuma gyuma na béƒu ku bɔyia.

Mateo 24:29

“Na lɛbibo emeyi ammɔ kama ni, ɔƒɛ ɔdubɔbla suu, na kɔbuli kɔsɔ kulekeye lɛnɔ, na ayabi adubɔnu asi katɔ, na kayaa ɔyikun ƒui ɔdubɔkunku.

Mateo 27:45

Amu na kalɔ kammɔ ƒui kábla suu ɔ́si lɛdɔ leevu-inyɔ uwi útalɛ lɛdɔ ɛtɛ kemmo.

Marko 13:24

“Na emeyi ani ndububo na lɛbibo lɛmɛni kama ni, “ ‘ɔƒɛ ulekeye kaduɛ, na kɔbuli lɛnɔ kulekeye.

Marko 13:26

“Amu na bekyuli badubɔnu ami, ɔni ndi Ukyuli Ɔyawine Ubi, ka ndubɔda lɛlɛ kayaa na kemmo. Na ndububo ku Katɔti ɔyikun ku bukeye bonwu.

Marko 15:33

Ɔƒiiwi ni, kalɔ kammɔ ƒui kábla suu. Na ɔmɛni ɔ́bla lɛni laa útédu lɛdɔ ɛtɛ kemmo.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Luka 21:26

Bekyuli badubo butaayila na liƒu ɔsu uwi ɔni na béti benye bagya lɛla lɛni ndubɔlɛku kayawi kemodi kammɔ lɛlɔ. Ɔsika ala ani nkya kayaa asɔ elenye ana kenyekɔ, na lɛla biala ɔbladu ɔvumana.

Batalane Kabla 2:19

Na ndubɔya akɔla budie taatina ataalɛ na kayaa ku kalɔ lɛlɔ ƒui. Bɛdubɔnu ubugya ku ogya ku uyɔ pii.

Budie Taatina 20:11

Ɔmmɔ kama ni, lɛ́nu lɛgaboku bonwu ƒuala ƒuala lɛdi ka Katɔti ulie-ni lɛlɔ. Na ka ɔ́da ɔ́lɛ ni, kalɔ ku katɔ ƒui káyii na asɔ alánu-ka lɛla lɛdi na kesii kadi.