Luka 21:21 - Katɔti Ɔku Kedee

²¹ Uwi ɔmmɔ ni, bekyuli bani ƒui nkya Yudea ni, ɔdi ka bekeli besie abi lɛlɔ. Na bekyuli bani ƒui nkya ɔma bonwu ɔmmɔ kemmo ni, ɔdi ka batɔlɔ. Na bekyuli bani ƒui nkya akpaklɔ ku lɛma lɛni na amadɔ ni, betesie ɔma bonwu ɔmmɔ kemmo.

Luka 21:21 ပူးပေါင်းရင်းမြစ်များ

Ala Kalɔ Buse 19:17

Ka bálɛ ɔma ɔmmɔ kemmo kani na batu bammɔ kemmo unwi ɔ́su-ma ɔnini, “Ɔdi biala ukeli momoomo na udie lɛlɔ na ɔgbankpi ɔni ndubo bɔlɛ kemmo. Na ɔdi utenwini utanu kama. Na ɔdi lɛnɔ utasu ɔnii uudí unye na kalɔ ntɛ mmɔ kesii kadi. Bikeli siin biteesie abi lɛlɔ. Si ɔɔɔdi lɛni bɛdubo bɔkywi!”

Ala Kalɔ Buse 19:26

Uwi ɔni na ala amɛni aalɛ́ ni, Lot ulekudi únwini ɔ́nu kama. Amu na únwini mma lɛbanta bonwu linye ulu ntɛ.

Agba 22:3

Ukyuli ɔbuni ɔni mɔɔsia nwuna lɛlɔ anu ni, ɔɔnu ɔgbankpi ɔni mebo taatualaku anumi na uunye lɛlɔ kagyumana. Na bani na bana kasusu kásɔ ni, bɔkɛ kani na baakɛ gyoli gyoli teetéduo ɔgbankpi ku lɛbibo kemmo.

Yeremia 35:11

Na uwi ɔmɛni kemmo kani na úbebo úte ka bulie Yerusalem, ɔsika Ɔga Nebukadnesar ku nwuna bekpone béƒie aku kalɔ kani náka kámana ƒui báƒɔ.”

Yeremia 37:12

Ɔmmɔ ɔsu lɛ́bla kasusu ka mɔɔtɔlɔ Yerusalem linwini lisie Benyamin kɔdua kalɛkɛ lɛlɔ na ami lɛnɔ ntáƒɔ mina ɔtɔ kemmo kalɔ kadikɔ kani medu-mi.

Yeremia 6:1

Unwoti ɔ́su ɔnini, “Amii Benyamin kɔdua bekyuli, bikeli bɛlɛ Yerusalem na bɛƒɔ bina ngba. Na bɛvwi lise na Tekoa ɔma kemmo na bɛsala ogya ɔni madi kati bute ogya na Bet-Hakerem. Uwi ɔsɔ uletu asa na ɔgbankpi ɔdubɔsi kalɔ kammɔ katɔ kakɛ ubeyu-mii ɔtu.

Bumomo Bɔka 16:26

Mmɔ na útébo Israelƒuɔ ɔda ɔnini, “Bɛta bina kuliekɔ mɛni na bɛkpɛ bɛlɛ bekyuli bekpidi bamɛni nvo kudɔ. Na ɔdi biala uteti nwuna kɔnu utetuku bekyuli bammɔ lɛla lɛdi kalɛ na ɔgbankpi ɔmmɔ ɔdi uletuku ɔdi ɔ́si bana likpidi ɔsu.”

Mateo 2:1

Uwi ɔni na Herode ɔɔdi lɛga ni, báwɔ Yesu na ɔma ɔni baalɔ Betlehem na Yudea kalɔ lɛlɔ. Na uwi ɔmmɔ kani kemmo ni, benengu bani mɔɔtɛya ala ani mɔɔlɛ́ na ayabi lɛlɔ taati badi bási ɔƒɛ katukɔ bébo Yerusalem.

Mateo 24:16

Uwi ɔmmɔ ni, amii bani nkya Yudea ni, ɔdi ka bikeli bisie abi lɛlɔ.

Marko 13:15

Ukyuli ɔni nnye nwuna ɔtɔ lili iye lɛsa lili ni, ɔsɔ uteti kasusu ɔnii ɔɔyu ubo kalɔ ubeti lɛla lɛdi ɔsiku nwuna ɔtɔ kemmo ɔnii uuti ɔda.

Budie Taatina 18:4

Na línu lɛdi bamba ka lɛ́si katɔ mmɔ na lɛɛsu lɛnini, “Mina bekyuli, bɛvi bɛlɛ ɔma ɔmmɔ kemmo kalɛ na bilabla ekpidi ani na ɔɔbla, na ɔgbankpi ɔni mebo nwuna bekyuli lɛlɔ ulebo amii lɛnɔ lɛlɔ!