Luka 21:16 - Katɔti Ɔku Kedee

¹⁶ Bina bawɔne ku banwani bananabi ku bina lɛlɔ bekyuli ku bina bakpana ndubo-mii buti bute. Na badubɔdu bina badi.

Luka 21:16 ပူးပေါင်းရင်းမြစ်များ

Yeremia 12:6

Awɔ ɔlati ƒula lɛlɔ bekyuli muedi báta bénye-ɔ lɛlɔ. Baabla ala anumi kemmo aani bɔyɔ na bada-a, nsu tanyonu lɛlɔ tete-ma lo. Ulu na baawia kalɛ na bakɛ-ɔ aani kalɛ kani na bekyuli bamba benye baawia kuƒi kɔmmɔ.

Yeremia 9:4

“Yeremia, ɔkɔ etemila kani na ƒula bakpana ku lɛlɔ bekyuli ƒui baasu taasiku-ɔ lɛlɔ. Anwuɔsu teti ƒula anu tasia-ma lɛlɔ.

Mateo 10:21

“Na uwi ɔmmɔ kemmo ni, bekyuli badi badubuti bana banwa alati bete na badu na ami ɔsu. Na bebi bati badi lɛnɔ badubɔbla lɛni na bana bebi lɛlɔ. Bebi badubɔta benye bana bawɔne lɛlɔ na bakya-ma kakya kalɛ na badu-ma.

Marko 13:12

“Bekyuli badubuti ama alati banwani bete banii badu. Na bebi bati lɛnɔ badubɔbla bana bebi lɛni kani. Bebi badubɔta benye bana bawɔne lɛlɔ na bakya-ma kakya kalɛ na badu-ma.

Luka 12:53

Ubi ɔti wata wenye bananabi lɛlɔ, na bananabi bata benye bana ɔti lɛlɔ. Bebi beni badubɔta benye bana belekubi lɛlɔ, na belekubi lɛnɔ bata benye bana beni lɛlɔ. Na begyieni badubɔta benye bana bebi bele lɛlɔ, na bebi bata benye bana begyieni lɛlɔ.”

Luka 21:15

Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.

Luka 21:17

Ukyuli biala ɔdubo-mii bukisi na ami ɔsu.

Batalane Kabla 12:2

Amu na ɔ́ya na békulo Yakobo lili ɔni ndi Yohane ɔnwani.

Batalane Kabla 7:59

Na uwi ɔni na bakya beebó-nwu atabi ni, Steƒano ɔ́kpali katɔ ɔ́su ɔnini, “Blɔti Yesu, ƒɔ mina kɔyu.”

Budie Taatina 12:11

Bula banwani bádi-nwu lɛlɔ ɔkɛnku Koƒonu Ubi ubugya lɛlɔ ku litemi geen lɛni kenye bédie lɛlɔ. Ɔsika bénye kagyumana ka beti bana ngba bakpa.

Budie Taatina 2:13

“Ngyi ka ɔma ɔni na bilie ndi likpo lɛni na Satan úse nwuna lɛga kadikɔ. Bɛ́siaku-mi kama kpakplaa. Na bítedie bina bɔƒɔtaadi atu na mina lɛlɔ ina uwi ɔni na bádu Antipa ɔni lɛnɔ nédie-mi litemi kenye ulu lɛlɔ na likpo lɛni na Satan ulie mmɔ.

Budie Taatina 6:9

Amu na Koƒonu Ubi ɔmmɔ ɔ́mami likpo lɛlɔndi. Na lɛ́nu ayu adi na katɔ ka enye lɛbi lɛni lɛlɔ na baakpá mmɔ kalɔ. Badi bekyuli bani ƒui na bádu ayu ka básu Katɔti litemi buni ɔsu. Ama ndi bani nédie ala ammɔ kenye na ulu lɛlɔ.