Luka 20:47 - Katɔti Ɔku Kedee

⁴⁷ Beesié bekpinele kudɔ ka betébunku-ma, nsu baatɔ́lɔ-ma taaƒɔ-ma ala. Na baakpali katɔ gyɔlɔɔ taabu bekyuli kɔdɔlɔ. Anwuɔsu bana kɔtu bɔni bɔdubɔkɔ katɔ butulo ƒui!”

Luka 20:47 ပူးပေါင်းရင်းမြစ်များ

Yesaia 10:2

Na balátɛ litemi ulu lɛlɔ teete bawabane ku bekpinele ku bekpinebi kalɛ kɔnu kutuku-ma bana ala lɛlɔ.

Esekiel 22:7

Bina akɔ ɔdi biala ulabu nwuna bawɔne. Na bɛɛnya bekyuli bani ndi baƒɔ lɛnɔ taakyaku bekpinebi ku bekpinele.

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Amos 2:7

Na bébo bawabane báva kalɔ na bédi bani na mɔɔwia kebunku bése kɔmadɔ. Na báya na bekyuli balábu mina lɛnyi lɛni nse kedee, ɔsika ubi ku ɔti ƒui baatɛ ugblebi unwi kudɔ na baayá na mina lɛnyi liisé lɛlɔ.

Mika 2:2

Biiƒie mmo ku lɛtɔ lɛni na bɛɛwia taaƒɔ. Bɛɛnya bekyuli taakya na bɛɛƒɔ́ bana kɔduli ku kalɔ.

Mika 2:8

Unwoti ɔnini, “Bɛ́da mina bekyuli aani bekisine kalɛ. Na bɛɛbla ala aani si bibo ɔyikun ka bɛbla lɛla biala. Na use aani ama bani nási kekpokɔ na bédie-ma adala ani na bakya ɔni na baaagyi beeese.

Mika 3:2

Nsu bɛ́ƒuna ka bitaabla likpidi bitulo lɛbuni. Na use aani kalɛ na beedie bekyuli ɔku ku ngba ku ngba. Na baanwí bana ɔlɔna taamami ekubi lɛlɔ.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Mateo 23:14

Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Biisié bekpinele kudɔ ka bitébunku-ma, nsu bɛɛtɔ́lɔ-ma taaƒɔ-ma ala. Na bɛɛkpali katɔ gyɔlɔɔ taabu-ma kɔdɔlɔ. Ɔmɛni ɔsu ni, bina kɔtu bɔni bɔdubɔkɔ katɔ bubu!

Marko 12:40

Beedie bekpinele kɔkpana. Na kama ni, beeƒie-ma ala ƒui taaƒɔ. Na beetile Katɔti atu si baakpali katɔ, ɔsika baatɛmi gyɔlɔɔ teeti taatina lɛlɔ. Bana kɔtu bɔni bɔdubo bumomo butulo bekyuli bakladi bɔdi ƒui!”

Luka 12:1

Ka bekyuli mpim mpim badi bábasa mmɔ ɔni na baanya lɛlɔ muedi ni, Yesu ɔ́ka nwuna batɛyane bɔsu ɔnini, “Binye kagyumana kaduɛ na Ƒarisiƒuɔ ɔkɔ ablala ani muuƒú bekyuli mmɔ lɛlɔ.

Luka 20:46

“Binye kagyumana bite lɛlɔ kaduɛ na ɔda bubo ala batinane lɛlɔ. Bekyuli bamɛni baayɔ́ busie taavi na bakya bana lɛwu bonwu bonwu. Na baayɔ́ ka bekyuli beteebo kalɔ teegyele-ma na kuyeya. Ama mɔɔyɔ́ kuliekɔ kunengudi bulie na Yudaƒuɔ kasalakɔ ku kuliekɔ kɔbuni na emeyi kadikɔ.

Luka 21:1

Na kakpakɔ mmɔ ni, Yesu ɔ́talaku anumi na ɔ́nu kalɛ na balakɛne beeti bana etela taabakya kakpakɔ kavumi kemmo.

Tesalonikaƒuɔ 1 2:5

Bɛgyi kaduɛ ka ɔɔɔdi kenyemini etemila na búti búboku-mii. Na bútasu-mii litemi buni lɛmɛni kalɛ na bɔkɛ kɔsia kɔdi bɔsiku-mii kudɔ. Na Katɔti ɔlati ndubunye-bu litemi lɛmɛni kama.

Tito 1:16

Ama alati baasu banii baabu Katɔti, nsu bana ablala alátina lɛni. Badi bekyuli bani muusé lɛlɔ na balábu lɛla lɛdi na bátamanku lɛbuni lɛdi lɛnɔ bɔbla.

Yakobo 3:1

Banwa, bina pii bitenwini litemi buni ala batinane. Bɛgyi ka abu bani mɔɔtina ala ni, Katɔti ɔdubɔtɛku-bu litemi utulo bakladi.