32 Kawɔlɔkɔ ƒui ni, uleku ɔmmɔ ɔlati úbekpi.
Kaba kaba béebo bátɔlɔ, nsu alanu lɛla lɛdi bɔvumana geen lɛni.
Bayawine bagyi ka badubo bukpi nsu bekpine ama basɔ balasia lɛla lɛdi anu, ɔsika basɔ baaagyi lɛla lɛdi. Na basɔ beeebo lɛyuƒɔla lɛdi lɛnɔ. Na ukyuli ɔdi ɔsɔ ulényimo-ma muedi.
Ɔtɛdi lɛnɔ lɛni kani. Na lɛla lɛmmɔ kani nálɛku banwani maatɛ bamɛni ƒui. Bana ƒui békpi ɔni na ɔdi útawɔ.
Na ɔƒɛni ni, limeyi lɛni lɛlɔ na bekpine badubɔsɔ bata ni, ɔmani uleku na uleku ɔmmɔ wenwini ka bana ƒui béti-nwu dii?”
Katɔti ɔ́lɛ ugyii úse ka ukyuli ukpi kunwi pɛ kani, na ɔmmɔ kama na ɔtɛku-nwu litemi.
Na uwi ɔdi kama ni, kaba kammɔ bekyuli ƒui békpi na bása bɔtɔlɔ busie bana bati kudɔ. Na kaba kabambadi nási bákɔ ɔni na ama baaagyi Unwoti, na bátanu ala ani lɛnɔ na ɔ́bla úte Israel úbavi.
