Luka 20:24 - Katɔti Ɔku Kedee

²⁴ “Biti sika ɔƒualadi ubi ɔmmɔ bɛtina-mi. Ɔma bɔtaa ku lɛnyi nsia mɛni?”

Luka 20:24 ပူးပေါင်းရင်းမြစ်များ

Mateo 18:28

“Amu ka ɔnana ɔmɛni ɔ́lɛ ni, útánu nwuna kabla ɔblane ɔkpana ɔni nda-nwu abuli atɛ lɛyuƒɔla kayu. Amu na úƒie-nwu na ɔ́da-nwu limɔ ɔ́mana momoomo na ɔ́su-nwu ɔnini, ‘Ƒɔ-mi kayu kani na ada-mi!’

Mateo 20:2

Kemo ɔlati ku kabla bablane bénu lɛlɔ kalɔ ka badubɔƒɔ limeyi lɛyuƒɔla, na bátɔlɔ bésie-nwu kemo.

Mateo 22:20

Mmɔ na Yesu úye-ma ɔnini, “Ɔma na báta básia mɛni, na ɔma lɛnyi nsia mɛni?”

Marko 12:16

Béti béte-nwu. Amu na úye-ma ɔnini, “Ɔma lili ku lɛnyi bávɔ básia mɛni?” Mmɔ na bédie kenye banini, “Romaƒuɔ Ɔga Unengudi Kaesare na ɔdi.”

Luka 2:1

Na uwi ɔmmɔ kemmo ni, Ɔga Unengudi Kaesare Augusto úte ɔyikun ɔnii benweni bekyuli bani ƒui nkya Roma lɛga bɔdi kalɔ anyi.

Luka 20:22

Ɔmɛni ɔsu bɔɔwia ka bɔti si ɔdia ka buteeyi kuyi teete Romaƒuɔ Ɔga Unengudi iye ɔɔɔdia?”

Luka 20:23

Nsu Yesu ɔ́ɔnu bana lɛkwɛ likpidi ɔ́ti na ɔ́su-ma ɔnini,

Luka 20:25

Amu na bédie kenye banini, “Ɔga Unengudi Kaesare ɔdi na ɔdi.” Mmɔ na Yesu ɔ́su-ma ɔnini, “Bɛƒɔ lɛla biala lɛni ndi Ɔga Unengudi ɔdi bite Ɔga Unengudi. Na bɛƒɔ lɛla biala lɛni ndi Katɔti lɛdi bite Katɔti.”

Luka 23:2

Mmɔ na bése baadá-nwu kenye banini, “Búƒie ukyuli ɔmɛni ka ɔ́kpanku bula kadi ɔɔvínku ulu ukpidi lɛlɔ. Na ɔɔsu-ma ɔnii basɔ bataƒɔ kuyi betete Romaƒuɔ Ɔga Unengudi. Na ɔ́su lɛnɔ ɔnii anwu ndi Katɔti Ukyuli Ɔƒunadi na ɔnii ɔdi ɔga lɛnɔ.”

Luka 3:1

Na lɛkwa leevu-lɛlɔndi lɛni na Ɔga Unengudi Kaesare Tiberio ɔɔdi lɛga ni, Kenye Udiene Yohane ɔni ndi Sakaria ubidi ɔ́kɛ linyesia lɛdi ɔ́siku Katɔti kudɔ uwi ɔni na uli ketele kemmo. Na Pontio Pilato ɔɔtɔnku aban na Yudea kalɔ lɛlɔ. Na Herode ɔɔdi Galilea kalɔ lɛlɔ. Na uwi ɔmmɔ kani kemmo ni, Herode ɔnwani Ƒilipo lɛnɔ ɔɔdi kalɔ kani baalɔ Iturea ku Trakoniti kalɛkɛ lɛlɔ. Na Lɛlɔ Ɔdine Lisania lɛnɔ ɔɔdi Abilene kalɔ lɛlɔ. Na uwi ɔmɛni kemmo ni, Hana ku Kaiaƒa badi Katɔti bakpane benengudi.

Batalane Kabla 11:28

Amu na bana akɔ unwi ɔni baalɔ Agabo ni, ɔ́ta únye na Katɔti Kɔyu ɔyikun kemmo na ɔ́su ɔnii kɔka kubendi kɔdi kɔdubo kayawi ƒui lɛlɔ. Ɔmɛni úbebo uwi ɔni na Klaudio ɔɔdi lɛga.

Batalane Kabla 26:32

Amu na Agripa ɔ́su Ƒesto ɔnini, “Nka bɔkana bɔnyonu-nwu si ɔɔɔdi ka úti litemi lɛmɛni ɔ́siaku Kaesare lɛlɔ ɔsu.”

Ƒilipiƒuɔ 4:22

Katɔti bekyuli bani ƒui nkya mɛni beegyele-mii. Ɔni ntulo ndi bekyuli bani nkya Kaesare kaduli. Ɔsia lɛni.