Luka 20:17 - Katɔti Ɔku Kedee

¹⁷ Yesu ɔtɛ anu ɔ́nu-ma na úye-ma ɔnini, “Bi na Bunweni Kedee bɔmɛni kalɔ bɔɔtina bɔni mɔɔsu bɔnii, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ’?

Luka 20:17 ပူးပေါင်းရင်းမြစ်များ

Kɔgya 118:22

Lɛtabi lɛni na batune béni báva ni, ani nébenwini lɛtabi lɛni náƒɔ kuye lítulo na atabi ƒui akɔ.

Yesaia 28:16

Unwoti ɔnini, “Binu! Lɛ́ƒuna lɛtabi lɛni náƒɔ kuye na Sion, na ɔdi lɛtabi kpakplaa lɛni mabala kowodu likpo. Na ukyuli biala ɔni maƒɔ madi ni, enu alaƒɛ-nwu kudii.

Sakaria 10:4

“Na baƒonu bamɛni kemmo na ndubo ɔtɔnkune bɔƒuna bani ndubo ɔkplu bɔyu geen aani atabi kpakplaa ani na béti bábala kowodu ekpo iye kevo abuli ewele iye ekpola.

Sakaria 3:9

Yosua, líti lɛtabi lɛdi lɛ́va-a anumi na lɛtabi lɛmmɔ libo lɛƒɛnyi maatɛ. Na ndubo lɛla lɛdi bunweni bɔsia lɛtabi lɛmmɔ lɛlɔ. Na limeyi linwi lɛdi lɛlɔ kani na ndubo kalɔ kamɛni bekyuli ekpidi ani na bábla báƒiɔ-mi buti bɔkyiɛ-ma.

Mateo 21:42

Na Yesu ɔ́su-ma ɔnini, “Bínu na Bunweni Kedee Ɔku kemmo ka ni, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ. Katɔti nábla lɛla bonwu lɛmɛni. Na lɛ́ƒɔ-bu anu geen!’ ”

Marko 10:23

Yesu únwini ɔ́nu nwuna batɛyane ɔ́mana na ɔ́su-ma ɔnini, “Ubo ɔkplu geen asa na balakɛne badubɔkana na beduo Katɔti lɛga bɔdi kemmo.”

Marko 12:10

Ngyi ka bɛ́ka Bunweni Kedee Ɔku kemmo kesii kani na ɔ́su ɔnii, “ ‘Lɛtabi lɛni na batune béni báva banii lɛɛɛdia ni, ani mmomu nébenwini lɛtabi lɛni náƒɔ kuye litulo na atabi ƒui akɔ.

Marko 3:5

Yesu únwini ɔ́nu bana ƒui na kɔnyi kemmo, ɔsika livo líƒi-nwu na bana ukyulikpana kebunku tete ɔsu. Amu na ɔ́su ɔlɛne ɔmɛni ɔnii, “Nene kɔnu boku.” Únene kɔnu. Na kɔnakunwi ni, nwuna kɔnu kɔ́ba-nwu.

Luka 19:41

Ɔni na Yesu ɔ́ni úde Yerusalem úbu na ɔ́nu ɔma ɔmmɔ ni, úwulo na nwuna lili.

Luka 22:37

Na mɔɔsu-mii nnii Bunweni Kedee Ɔku kemmo litemi lɛni mɔɔsu lɛnii, ‘Baka-nwu bákya bekyuli bekpidi akɔ’ ni, ɔlɛka libo-nwu kemmo lɛni na mina lɛlɔ. Ɔsika lɛla lɛni na bénweni básiku-mi lɛlɔ ni, ɔlɛka ubo-nwu kemmo lɛni sɔsɔ.”

Luka 22:61

Mmɔ na Blɔti únwini na ɔ́nu Petro ɔnusɛ. Amu na Petro únyimo ka Blɔti ɔ́su-nwu ɔnini, “Asa na akɔkɔ wete kenye usien ɔmɛni ni, adubɔsu kɔtɛ ƒui ka aaagyi-mi.”

Luka 24:44

Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Yohane 15:25

Na ala amɛni ƒui ni, ɔlɛka ebo-nwu kemmo lɛni kalɛ kani na bénweni bése na Bunweni Kedee Ɔku kemmo banini, ‘Beekisi-mi keeke.’

Batalane Kabla 4:11

Na Yesu ɔmmɔ lɛlɔ na Bunweni Kedee bɔɔsu taasiku bɔnii, “ ‘Lɛtabi lɛni na amii batune bíni bɛ́va ni, ani nébo líbenwini lɛtabi lɛni náƒɔ kuye lítulo na atabi ƒui akɔ.’

Eƒesoƒuɔ 2:20

Amii lɛnɔ bise aani kowodu kɔni na bátu bálɛ kpakplaa kɔni na batalane ku kenye bediene bammɔ bátu. Na Kristo ɔlati ndi kowodu kalɔ lɛtabi lɛni nda kowodu kɔmmɔ.

Petro 1 2:6

Ɔsika Bunweni Kedee Ɔku ɔ́su ɔnini, “Binu! Lɛ́ƒuna lɛtabi lɛni náƒɔ kuye, na líti mɔɔbala Sion kowodu likpo. Na ukyuli biala ɔni maƒɔ-nwu madi ni, kɔƒa kulékpo-nwu kudii.”