Luka 20:16 - Katɔti Ɔku Kedee

¹⁶ Mɔɔyá na bɛti ka ɔdububo ubadu kemmo lɛlɔ banune bammɔ ƒui na uti kemmo kammɔ ɔkya lɛlɔ banune babambadi lɛkɔkɔ.” Ka bekyuli bammɔ bénu lɛni ni, básu banii, “Oowo! Utebo lɛni!”

Luka 20:16 ပူးပေါင်းရင်းမြစ်များ

Mateo 21:34

Uwi ɔni na egyiibi ammɔ édu bude ni, kemo ɔlati ɔmɛni ɔ́tala nwuna kabla bablane ɔnii batáƒɔ nwuna kadikɔ beboku-nwu.

Mateo 21:41

Bédie kenye banini, “Ɔdubɔdu bekyuli bekpidi bammɔ ulikplu kemmo na uti kemo kammɔ ute lɛlɔ banune babambadi bani ndubuti edula beboku-nwu si údu edula ɔƒɛwi.”

Mateo 22:7

Ɔga ɔmmɔ ɔ́kɛ kɔnyi geen, na ɔ́tala nwuna bekpone na bátádu bekyuli badune bammɔ ƒui na bákyula bana ɔma.

Marko 12:9

Amu na Yesu úye benengu bammɔ ɔnini, “Bi na bɛɛkali ka ɔnana ɔmɛni ɔdubɔbla? Ndubo-mii bɔsu! Ɔdubusie mmɔ utádu kabla bablane bammɔ na uti kemo kamɛni ɔkya bekyuli bamba lɛkɔkɔ.

Luka 19:27

Na ɔƒɛni ni, mina bekisine bani na banii nka baláwia ka bese-mi lɛga ni, bɛkpanku-ma biboku mɛni na bɛdu-ma na mina anumi.’ ”

Luka 20:15

Anwuɔsu báni-nwu bálɛku ɔba ɔmmɔ kemmo na bádu-nwu.” Mmɔ na Yesu úye-ma ɔnini, “Bi na kemmo ɔlati ɔmmɔ ɔdubo kemmo lɛlɔ banune bammɔ bɔbla?

Batalane Kabla 13:46

Amu na Paulo ku Barnaba bése kayi na básu-ma banini, “Ɔlɛka bɔsu Katɔti litemi buni lɛmɛni buti bute Yudaƒuɔ kudeedi. Na ka bíni litemi lɛmɛni na bɛ́su bɛnii bilayɔ ngba bɔƒɔ bɔmɛni ɔsu ni, búti-ni búselaku bani naaadi Yudaƒuɔ.

Romaƒuɔ 11:1

Anwuɔsu muuye ɔƒɛni nnii Katɔti úni nwuna bekyuli? Oowo. Kudi kudii! Ami ɔlati Yudani na ndi na Abraham kaba kemmo, na lɛ́si Benyamin ɔtɔ kemmo.

Romaƒuɔ 11:11

Na muuye lɛnɔ nnii uwi ɔni na Yudaƒuɔ bétulo na bébuli ni, báyii ku udu na basɔ balakana bɔta? Oowo! Kudii! Mmomu ɔ́si bana bɔƒiɔ ɔsu ni, ngba bɔƒɔ búbedu bekyuli bani naaadi Yudaƒuɔ kalɛ na ɔya anumi egyie Yudaƒuɔ.

Romaƒuɔ 3:31

Anwuɔsu bi na ɔmɛni ɔɔtina? Ɔɔtina ka bɔ́da ɔda bubo bɔmmɔ buse ka bɔƒɔtaadi bɔ́ƒɔ-mu kenye ɔsu? Kudii! Mmomu lɛla lɛni na ɔda bubo bɔmmɔ bɔdanku geen na bɔɔkɔliku katɔ.

Romaƒuɔ 3:4

Kudii! Ina ukyuli biala ɔdi ɔkɔ ɔnyine muedi ni, bɛya bɔti ka Katɔti ɔɔdi nwuna litemi lɛlɔ. Lɛni na bénweni na Bunweni Kedee Ɔku kemmo banini, “Lɛla biala lɛɛtina ka ƒula kenye etemila adi litemi geen. Na aatɛku bekyuli ƒui litemi ulu siin lɛlɔ.”

Romaƒuɔ 3:6

Na si buse na use aani kalɛ na baakali ni, bi lɛlɔ na Katɔti ɔdubunye ɔtɛku bayawine ƒui litemi?

Romaƒuɔ 6:15

Na bi na bɔdubo bɔsu? Ka bɔɔɔkya ɔda bubo kalɔ na Katɔti lɛƒɔndia kalɔ mmomu na bɔkya ɔsu ni, ɔlɛka butaabla ekpidi? Oowo. Kudii!

Romaƒuɔ 6:2

Oowo! Kudii! Ɔsika búkpi, na likpidi lɛsɔ liládi-bu lɛlɔ! Na bi ɔsu na ɔ́sɔ ɔlɛka bulie butaabla ala ekpidi?

Romaƒuɔ 7:13

Anwuɔsu bɔtina na ɔmɛni ɔda ɔnii lɛla lɛni ndia néboku-mi kukpi? Kudii! Mmomu kalɛ na bɔnu likpidi bɔbla bɔti ka bɔdi likpidi ɔsu ni, likpidi bɔbla bɔkɛnku lɛla lɛni ndia lɛlɔ na búti kukpi búboku-mi. Na ɔkɛnku ɔda bubo bɔmɛni lɛlɔ ɔsu ni, likpidi bɔbla buudie muna udu geen keyi.

Romaƒuɔ 7:7

Na ɔmɛni ɔsu ni, bi na ɔdi ka bɔsu? Bɔsu na bɔsu bɔnii Katɔti ɔda bubo bɔdi likpidi? Kudii! Geen ni, ɔkɛnku ɔda bubo bɔmɛni lɛlɔ na bɔɔtí lɛla lɛni ndi likpidi. Si ɔda bubo bɔmɛni bútasu bɔnii, “Taya na anumi egyie-ɔ na ukyuli ɔdi ala lɛlɔ” ni, na nka lɛɛɛgyi lɛla lɛni ndi lɛnungyie likpidi.

Romaƒuɔ 9:14

Ɔmɛni ɔsu ni, bi na ɔdi ka bɔsu ɔƒɛni? Bɔsu na bɔsu bɔnii Katɔti ulábla ala ulu lɛlɔ? Kudii! Ɔɔɔdi lɛni na use.

Korintoƒuɔ 1 6:15

Bɛgyi ka bina ɔlɔna ɔdi Kristo ɔlɔna kakɛ kadi. Na útamanku ka eti Kristo ɔlɔna kakɛ kadi atámanaku ukyuli ɔni ndi lɛyalɛ ala ɔblane lɛlɔ.

Galatiƒuɔ 2:17

“Bɔɔwia ka Katɔti ɔklibi abu ku-nwu ntɛ ɔkɛnku Kristo lɛlɔ. Nsu si ɔni na bɔɔbla lɛni badi baanu-bu aani ala ekpidi bablane ka buládi ɔda bubo bɔmmɔ lɛlɔ ɔsu ni, ɔɔtina ka Kristo mɔɔkya likpidi bɔbla ogya? Oowo, kudii!

Galatiƒuɔ 3:21

Bɔtina na ɔmɛni ɔda ka ɔda bubo bɔmmɔ bɔ́ta bunye Katɔti linyese lɛmmɔ lɛlɔ? Oowo, kudii! Ɔsika si béti ɔda bubo bɔmmɔ béte ukyuli kalɛ na ɔkɛ ngba ni, na agyi anii ukyuli ɔdubɔbla siin ku Katɔti si ɔ́di ɔda bubo bɔmmɔ lɛlɔ.

Galatiƒuɔ 6:14

Ami ni, mina lɛmɛnɛ lɛni ndubɔkun kani ndi kukpi kɔni na Yesu Kristo úkpi na ugyii lɛlɔ. Na ɔkɛnku nwuna kukpi na ugyii lɛlɔ ɔsu use aani si líkpi na kayawi ala kudɔ aani kalɛ kani na kayawi ala ékpi na mina anumi.