Luka 2:51 - Katɔti Ɔku Kedee

⁵¹ Amu na Yesu ɔ́siaku-ma na bátɔlɔ bésie Nasaret, na úboku lɛlɔ kalɔ úte-ma. Na ala amɛni ƒui éduo uni kasusu kemmo úsie ɔgyu.

Luka 2:51 ပူးပေါင်းရင်းမြစ်များ

Ala Kalɔ Buse 37:11

Ɔmmɔ ɔsu nwuna lɛlɔ líbo liigyie nwuna banwani anumi, nsu ɔti úti litemi lɛmɛni ɔ́kya kasusu kemmo.

Kɔgya 119:11

Lɛ́klibi ƒula litemi lɛ́kya mina kayi kemmo kalɛ na naaabla likpidi lɛdi naaaƒiɔ-ɔ.

Daniel 7:28

Ala ani na lɛ́nu na línu lɛnɔ kawɔlɔkɔ mɛni. Na ɔ́bla-mi dɛye dɛye ku liƒu, na ɔkya-mi kasusu kemmo kpoo.

Mateo 12:46

Uwi ɔni na Yesu ɔkya uutemiku bekyuli bammɔ ni, nwuna banwani ku uni bébo bébenye keyi banii baawia ka batɛmiku-nwu.

Mateo 3:15

Nsu Yesu údie kenye ɔnini, “Awɔ nu kalɔ na bɔbla-nwu lɛni ɔƒɛni asa. Ɔsika ɔmɛni ndubɔya na bɔbla Katɔti lɛƒɔyɔ.” Anwuɔsu Yohane únu kalɔ.

Marko 1:9

Uwi útetu asa na Yesu ɔ́si ɔma ɔni baalɔ Nasaret na Galilea kalɔ lɛlɔ úbo, na ɔ́ƒɔ Yohane ntu bɔkpila ɔdi na Yordan kemmo.

Marko 6:3

Ɔɔɔdi anwu ndi Maria ubidi ɔni ndi ligyii ɔnwine? Munuu ɔɔɔdi Yakobo ku Yose ku Yuda ku Simon banwani na ɔdi? Na nwuna banwani belekubi lɛnɔ nkya mɛni!” Anwuɔsu bekyuli bamɛni béni-nwu.

Luka 18:37

Amu na básu-nwu banii, “Yesu Nasareni nási ɔɔví.”

Luka 2:19

Nsu Maria únyimo ala amɛni ƒui, na úti-nya lɛlɔ kasusu úsie ɔgyu.

Luka 2:39

Na ka Yoseƒ ku Maria báwɔlɔ bana ɔdi bɔbla aani kalɛ na Katɔti ɔda bubo ɔku ɔ́tina kalɛ ni, bénwini bésie bana ɔma Nasaret na Galilea kalɔ lɛlɔ.

Luka 4:16

Ɔmmɔ kama ni, Yesu úsie Nasaret kesii kani na bátumini-nwu ɔ́si lɛnamu uwi. Na lɛnwunameyi lɛlɔ ni, úsie Yudaƒuɔ kasalakɔ aani kalɛ kani na ɔɔyɔ́ bɔbla. Na ɔ́ta únye ka utaaka Bunweni Kedee Ɔku kemmo ala.

Luka 4:23

Na Yesu ɔ́su-ma ɔnini, “Ngyi ka bɛdubo-mi lɛgba lɛmɛni bunyimene bɛnii, ‘Uvone, bwi awɔ ɔlati ƒula lɛlɔ.’ Na bɛsɔ bɛdubo-mi bɔsu lɛnɔ bɛnii, ‘Ala ani udu na búnu ka ábla na Kapernaum ni, bla-nya na awɔ ɔlati ƒula ɔma.’ ”

Eƒesoƒuɔ 5:21

Na biboku lɛlɔ kalɔ bite bina lɛlɔ na kalɛ na bɛɛbu Kristo ɔsu.

Petro 1 2:21

Na ɔmɛni na Katɔti ɔ́lɔ-mii ɔnii bibabla. Ɔsika Kristo ɔlati úbo abi na bina lili na ɔ́tina-mii ɔnii bɛsia nwuna kasiakɔ.