Luka 2:49 - Katɔti Ɔku Kedee

⁴⁹ Amu na Yesu údie kenye ɔnini, “Bi ɔsu na bɛkɛ bɛɛwia-mi taavi? Bɛɛɛgyi bɛnii mina Ɔti kesii na ɔlɛka lɛkya yoo?”

Luka 2:49 ပူးပေါင်းရင်းမြစ်များ

Kɔgya 40:8

O mina Unwoti Katɔti, ƒula ɔda bubo bɔkya-mi kayi kemmo.”

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Mateo 21:12

Yesu úsie útéduo Katɔti kakpakɔ na ɔ́gya bekyuli bani nkya mɔɔdi kuye na mmɔ ɔ́lɛku kaduli kammɔ kemmo. Údi kasiakɔ kani lɛlɔ na bekyuli bani mɔɔvumana kɔlɔ bamba egulabi teete bekyuli mmɔ úbo. Na údi bani muuyé babloduma lɛnɔ eboku úbo.

Luka 2:48

Ɔtɔtɔ ɔ́gyu nwuna bawɔne ka bánu-nwu lɛni. Na uni úye-nwu ɔnini, “Ubi, bi ɔsu na ábla-bu lɛmɛni udu? Ami ku ƒula ɔti ƒui búduo lɛƒɛda kemmo na bɔkɛ bɔɔví taawia-a.”

Yohane 4:34

Yesu ɔ́su-ma ɔnini, “Mina adila ndi ka lɛbla anwu ɔni nátala-mi lɛƒɔyɔ na lɛwɔlɔ kabla kani na úte-mi ka mbabla.

Yohane 5:17

Nsu Yesu ɔ́su-ma ɔnini, “Mina Ɔti uubunku bekyuli limeyi ndi limeyi, na ɔlɛka ami lɛnɔ lɛbla lɛni kani.”

Yohane 5:36

“Nsu kenye kani na mbo na medie ni, ketulo Yohane ɔdi ƒui. Kabla lidu lɛni na Ati úte-mi ka mbawɔlɔ na kana lɛlɔ na nnye ni, aka muudie taatina ka Anwu nátala-mi.

Yohane 6:38

Ɔsika ńtasi katɔ ńtebo nnii mɔɔbla ami ɔlati lɛƒɔyɔ. Mmomu líbo nnii mbabla anwu ɔni nátala-mi lɛƒɔyɔ.

Yohane 8:29

Na anwu ɔni nátala-mi ni, unyeku-mi. Na útada-mi útese, ɔsika mɔɔbla lɛla lɛni mɔɔyɔ́-nwu kaƒɔ uwi biala.”

Yohane 9:4

Si uwi ɔni na kadi kátasa tɔ ni, ɔdi ka butaabla Katɔti ɔni nátala-mi kabla. Ɔƒɛ ɔdubo bɔsa ɔni na ukyuli biala ɔsɔ ulakana lɛla lɛdi biala bɔbla.