Luka 2:47 - Katɔti Ɔku Kedee

⁴⁷ Na bani nénu-nwu ala kenye budie ni, ɔ́bla-ma dɛye dɛye na lɛlati bonwu lɛni udu na ɔda uudie ala ani beeye-nwu kenye ɔsu.

Luka 2:47 ပူးပေါင်းရင်းမြစ်များ

Kɔgya 119:99

Na muunú-mu kalɔ teetulo bani mɔɔtina-mi ala ammɔ muedi. Ɔsika muuduo-mu kemmo uwi biala.

Mateo 13:54

Na úsie útéduo nwuna ɔma. Mmɔ na ɔ́tina ala na bana kasalakɔ. Na bekyuli bani nénu ala ani na ɔ́tina ni, ɔ́bla-ma dɛye dɛye. Amu na béye lɛlɔ banini, “Wɛ na ɔ́kɛ nwuna lɛlati lɛmɛni ɔ́siku? Na wɛ na ɔ́kɛ ɔyikun ɔni na ɔda ɔɔbla akɔla budie taatina amɛni udu?

Mateo 22:33

Na ka bekyuli pii bammɔ bénu ala amɛni ni, bana kasusu kábla kalɛ kadi na ala ani na Yesu ɔ́tina ɔsu.

Mateo 7:28

Ka Yesu ɔ́su ala amɛni ƒui ɔ́wɔlɔ ni, nwuna ala bɔtina bɔ́bla-ma dɛye dɛye.

Marko 1:22

Ɔ́bla bekyuli bani nénu nwuna ala bɔtina kalɛ kadi, ɔsika uuuse aani ama bani baatina ɔda bubo. Mmomu ni, ɔɔtina ala ku ɔyikun taasiku nwuna kayi kemmo.

Marko 11:18

Bakpane benengudi ku ɔda bubo ala batinane bani nkya mmɔ bénu etemila ani na Yesu ɔ́su. Anwuɔsu báwia ulu ɔni lɛlɔ na nka basia na badu-nwu. Nsu baayia-nwu ɔ́si kalɛ na lɛlɔ lɛɛyɔ́ bekyuli ƒui na nwuna ala bɔtina ɔsu.

Marko 6:2

Na lɛnwunameyi lɛlɔ ni, úsie ɔkya ɔɔtina litemi buni na kasalakɔ mmɔ. Amu ka nwuna ɔma bekyuli pii bésie béténu-nwu ala bɔtina ni, ɔ́bla-ma kalɛ kadi. Beeye lɛlɔ banii, “Wɛ na ɔ́tɛya ɔmɛni udu ɔ́siku? Bi lɛlati udu béte-nwu asa na ɔɔkana akɔla amɛni udu bɔbla?

Luka 2:18

Amu na bekyuli bani ƒui nénu baƒonu badane bamɛni etemila ni, ɔ́bla-ma kalɛ kadi.

Luka 2:46

Na limeyi lɛtɛdi lɛlɔ ni, bátánu-nwu na Yudaƒuɔ kakpakɔ ka anwu ku Yudaƒuɔ ala batinane badi belie. Mmɔ na ɔkya uunú bana ala ani na baasu na uuye-ma etemila ekpo ekpo teenu.

Luka 4:22

Na nwuna etemila ani na ɔɔsu áda-ma kayi geen, na kalɛ na unyemi lɛnɔ ɔɔta-nwu útakɔsi na ɔ́bla-ma dɛye dɛye. Na béye lɛlɔ banini, “Ɔɔɔdi Yoseƒ ubidi ɔmmɔ na ɔdi mɛni yoo?”

Luka 4:32

Na nwuna butemi ku ɔyikun ɔsu ni, nwuna ala bɔtina bɔ́bla bekyuli bammɔ dɛye dɛye.

Yohane 7:15

Ala bɔtina bɔmɛni bɔ́bla Yudaƒuɔ bammɔ dɛye dɛye, na baasu banii, “Wɛ na kebi kamɛni kásiku lɛlati lɛmɛni udu ka útesie ala katɛyakɔ kadi?”

Yohane 7:46

Amu na ama bédie kenye banini, “Bútenu ka ukyuli ɔdi ɔtɛmi aani ukyuli ɔmɛni kudii!”