Luka 2:41 - Katɔti Ɔku Kedee

⁴¹ Lɛkwa ndi lɛkwa ni, Yesu bawɔne beesié Yerusalem taatádi limeyi lɛni baalɔ banii Kukpi Lili Bɔvia Limeyi.

Luka 2:41 ပူးပေါင်းရင်းမြစ်များ

Israelƒuɔ Bɔlɛ 12:11

“Na bɛda lɛlɔ asa bise kalɔ ku bɔdi, na bɛkya bina lɛwu ku agbanvuo na bɛwia bina ugyii ɔdadi bɛda. Na ɔlɛka bɛdi adila ammɔ pla pla. Ɔsika usien ɔmmɔ ɔdi Unwoti Kukpi Lili Bɔvia Limeyi.

Israelƒuɔ Bɔlɛ 12:14

“Bidie limeyi lɛmɛni bise bitaadi uwi ƒui amii ku bina kaba kemmo bebi ƒui, ɔsika ɔdi lɛla bonwu lɛni na ami Unwoti lɛ́bla líte-mii.

Israelƒuɔ Bɔlɛ 34:23

Kɔtɛ na eteebo mina anumi taabakpa ami Unwoti ɔni ndi Israelƒuɔ Katɔti.

Lewiƒuɔ Ɔda Bubo 23:5

Kɔbuli kudeedi kɔni ndi Abib limeyi leevu-linedi lɛlɔ useyi uwi si ɔƒɛ úsela kanukɔ ni, na bise kalɔ bitaadi Unwoti Kukpi Lili Bɔvia Limeyi.

Bumomo Bɔka 28:16

“ ‘Na limeyi leevu-linedi biala na kɔbuli kudeedi lɛlɔ ni, ɔlɛka badi Unwoti Kukpi Lili Bɔvia Limeyi.

Luka 2:42

Amu ka Yesu ɔ́ƒɔ akwa leevu-anyɔ ni, básɔ bésie Yerusalem aani kalɛ na baabla kukuuku kalɛ.

Yohane 11:55

Uwi ɔmmɔ kemmo ni, Yudaƒuɔ Kukpi Lili Bɔvia Limeyi bɔdi ɔ́ɔkpɛ úde. Na bekyuli pii bási kalɔ kammɔ ekpo ƒui bésie Yerusalem bátátaabla lɛlɔ bɔƒɔ ɔdi ɔmmɔ batáklibi lɛlɔ bete limeyi lɛmmɔ bɔdi.

Yohane 13:1

Amu na limeyi lɛni na kadi kégye ndi Kukpi Lili Bɔvia Limeyi lɛmmɔ ni, Yesu ɔ́ti ka uwi údu ka ɔtɔlɔ kayawi kamɛni lɛlɔ uteesie ɔti kudɔ. Na ka ɔɔyɔ́ ama bani náƒɔ-nwu bádi ƒui na kayawi kamɛni lɛlɔ ɔsu ni, ɔɔwia ka ɔtina-ma kalɛ na ɔɔyɔ́-ma geen.

Yohane 2:13

Lebo lɛmmɔ ni, uwi ɔdaku budu ka badi Yudaƒuɔ Kukpi Lili Bɔvia Limeyi, na Yesu lɛnɔ úsie Yerusalem.

Yohane 6:4

Uwi ɔmmɔ ni, Yudaƒuɔ Kukpi Lili Bɔvia Limeyi bɔdi uwi ɔdaku budu.

Lɛkpa Ulu 12:11

Na Unwoti ɔlati ɔdubudie kesii kadi use na bitaakpa-nwu. Na mmɔ na bɛdubuti bina akpala ani ƒui na úbo-mii ɔda biboku. Na akpala ammɔ ndi akpala akyuladi ku akpala bamba ku bina akɛla lɛkpa leevudi ku bina etela ku etela ani bíse kenye ka bɛdubute Unwoti.

Lɛkpa Ulu 12:18

Bɛnu ka amii ku bina bebi ku bina kabla bablane banana ku beleku ku Lewiƒuɔ bani nlie bina lɛma ni, bɛ́di akpala ammɔ na Unwoti Katɔti anumi na kesii kani na ɔdubɔtina-mii. Na lɛlɔ litaayɔ-mii na ala ani bɛ́kɛ mmɔ ɔsu.

Lɛkpa Ulu 16:16

Na lɛkwa biala kemmo ni, Israelƒuɔ ƒui banana ɔlɛka bebo Unwoti anumi kɔtɛ babakpa-nwu na kesii kani na ɔ́su úse ka bitaakpa-nwu mmɔ. Na emeyi ani badubɔdi mmɔ ndi Bodobodo Ɔni Néteƒu Limeyi ku Edula Bɔƒɛ Limeyi ku Kevo Kemmo Bulie Emeyi. Na ukyuli ɔdi utebo Katɔti anumi mmɔ ku enukplu.

Samuel 1 1:21

Ka lɛkwa línwini na uwi ɔmmɔ ɔ́sɔ údu ni, Elkana ku nwuna kaduli bekyuli ƒui béti akpala na bésie batákpa Katɔti.

Samuel 1 1:3

Lɛkwa ndi lɛkwa ni, Elkana ɔɔsí nwuna ɔma mmɔ teesie Silo kesii kani na uusié taatákpa Unwoti Katɔti Ɔyikune Ƒui. Na mmɔ na Unwoti Katɔti bakpane inyɔ badi bákya na badi Eli bebi. Ama baalɔ Hoƒni ku Pinehas.