Luka 2:40 - Katɔti Ɔku Kedee

⁴⁰ Ubi ɔmmɔ ɔ́lɛ lili na ɔ́kɛ lɛlɔ ɔkplu, na ɔ́da anu geen. Na nwuna lɛlɔ lɛ́da Katɔti kubiti.

Luka 2:40 ပူးပေါင်းရင်းမြစ်များ

Kɔgya 22:9

Nsu awɔ náƒɔ mina uni kɔwɔ uwi ɔni baawɔ-mi. Na ɔ́si uwi ɔni na mmu ndi ubiwɔ na mɔɔnyimi lɛnyii ni, étedie-mi atu.

Kɔgya 45:2

Awɔ mɔɔdia bɔnu teetulo bayawine bebi ƒui akɔ. Na lɛƒɔndia etemila akya-a kenye kemmo geen, anwuɔsu na Unwoti Katɔti úte-ɔ kusɛ kusɛ úsela uwi ƒui kemmo.

Luka 1:80

Amu na ubi ɔmmɔ ɔ́lɛ lili na nwuna kayi kasia Katɔti lɛlɔ kpakplaa. Na ketele ntɛ kani na úlie úti útédu uwi ɔni na ɔ́da ɔ́lɛ Israel kadi anumi.

Luka 2:47

Na bani nénu-nwu ala kenye budie ni, ɔ́bla-ma dɛye dɛye na lɛlati bonwu lɛni udu na ɔda uudie ala ani beeye-nwu kenye ɔsu.

Luka 2:52

Na Yesu úbalɛ lili na lɛnunda ku ɔlɔna kemmo, na ɔ́ƒɔ lɛnyi na bekyuli ku Katɔti ƒui anumi.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Batalane Kabla 4:33

Na batalane bamɛni bákɔ Unwoti litemi lɛsa ku kayi geen básiku Blɔti Yesu bɔta bɔlɛ bekpine akɔ lɛlɔ. Na Unwoti keyi buɛɛ ku kusɛ kusɛ ɔkya-ma akɔ.

Eƒesoƒuɔ 6:10

Na kawɔlɔkɔ ni, bɛya na Katɔti ɔyikun ɔkya-mii ɔkplu.

Timoteo 2 2:1

Na awɔ, mina ubi, kya ɔkplu na bula unwi bɔbla ku Kristo na nwuna lɛƒɔndia lɛni na ubo ute-bu kemmo.

Litemi Batɛne 13:24

Amu na uleku ɔmɛni úbawɔ ubi ɔnanabi na ɔ́sia-nwu lɛnyi ɔnii Simson. Na ɔnanabi ɔmɛni ɔ́lɛ lili na Unwoti úte-nwu kusɛ kusɛ.

Samuel 1 2:18

Nsu uwi ɔmmɔ ƒui ni, na ubi Samuel ɔkya Katɔti kakpakɔ mmɔ ɔɔbla nwuna kabla. Na ɔkya bakpane awu ɔƒualadi kedee.

Samuel 1 2:21

Unwoti ɔ́bla Hana lɛƒɔndia sɔsɔ na ɔsɔ úbada kaƒɔ na ɔ́wɔ bebi bananabi ɛtɛ ku belekubi inyɔ. Na uwi ɔmmɔ kemmo ni, Katɔti anumi ásia Samuel lɛlɔ na ɔ́lɛ lili geen na kakpakɔ mmɔ.

Samuel 1 2:26

Na uwi ɔmmɔ kemmo ƒui ni, Samuel ɔɔlɛ́ lili geen na nwuna lɛlɔ lɛɛda Unwoti ku bekyuli bammɔ ƒui ebiti.

Samuel 1 3:19

Kalɛ kani na Samuel ɔɔbi lɛlɔ teebu ni, lɛni na Unwoti ɔsiaku-nwu. Na ala ani ƒui na ɔɔsu ni, eebo-nwu kemmo lɛni, na ɔdi ulásia kɔmadɔ.