Luka 2:4 - Katɔti Ɔku Kedee

⁴ Amu na Yoseƒ lɛnɔ ɔ́ta ɔ́si Nasaret ɔma na Galilea kalɔ lɛlɔ úsie Betlehem na Yudea kalɔ lɛlɔ kesii kani na báwɔ Ɔga Dawid. Yoseƒ úsie mmɔ ɔsika ɔdi Dawid kaba kemmo ubi.

Luka 2:4 ပူးပေါင်းရင်းမြစ်များ

Ala Kalɔ Buse 35:19

Ɔmmɔ kama ni, Rahel úkpi na báva-nwu na Eƒrata ulu lɛlɔ mmɔ kesii kani baalɔ Betlehem.

Ala Kalɔ Buse 48:7

Na uwi ɔni na línwini lɛ́si Mesopotamia kalɔ lɛlɔ ni, ḿbasiaku ɔgbankpi. Na uwi ɔni na bɔkɛ ulu na kébu blii na buduo Eƒrata na kesii kani lɛnɔ baalɔ Betlehem na Kanaan kalɔ lɛlɔ ni, mina uleku Rahel úbekpi na líduo kɔnyana. Anwuɔsu lɛ́va-nwu na kuludɔ mmɔ.”

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Mateo 1:20

Ka ɔ́bla kasusu kamɛni na útátɛ ni, Katɔti ɔtu ɔdi údie lɛlɔ ɔ́tina-nwu na kɔna kemmo, na ɔ́su-nwu ɔnini, “Yoseƒ, Dawid kaba kemmo ubi, tayia ka eti Maria aani ƒ'ulekudi kalɛ. Ɔsika kaƒɔ kani na ɔda mɛni ni, Katɔti Kɔyu ɔyikun kemmo na ɔ́si.

Mateo 2:23

Na ka úduo mmɔ ni, útélie ɔma ɔni baalɔ banii Nasaret. Na bana mmɔ bulie ɔ́ya na Katɔti kenye udiene litemi lɛni na ɔ́su úse ɔnii, “Bekyuli badubɔlɔ-nwu banii Nasareni,” úbo úte lɛni sɔsɔ.

Luka 2:3

Anwuɔsu ukyuli biala úsie nwuna ɔma úténweni lɛnyi.

Luka 2:5

Útiku Maria ɔni na bévele béte-nwu na ɔda kaƒɔ lɛnɔ.

Luka 4:16

Ɔmmɔ kama ni, Yesu úsie Nasaret kesii kani na bátumini-nwu ɔ́si lɛnamu uwi. Na lɛnwunameyi lɛlɔ ni, úsie Yudaƒuɔ kasalakɔ aani kalɛ kani na ɔɔyɔ́ bɔbla. Na ɔ́ta únye ka utaaka Bunweni Kedee Ɔku kemmo ala.

Yohane 1:46

Natanael údie kenye ɔnini, “Dɛ! Bɔsi na lɛla lɛbuni lɛdi lɛdubɔsi Nasaret ntu?” Ƒilipo ɔ́su-nwu ɔnini, “Awɔ bo, na abanu!”

Yohane 7:42

Ɔɔɔdi bɔsu na Bunweni Kedee Ɔku ɔ́su ka Ukyuli Ɔƒunadi ɔmmɔ wasi Ɔga Dawid kaba kemmo na Betlehem ɔma kesii kani na Dawid ɔ́si yoo?”

Rut Keliela Ɔku 1:19

Amu na beleku inyɔ bamɛni básiaku lɛlɔ bétédu Betlehem. Na ka béduo Betlehem ni, owogyo ubendi ɔdi úwi ɔma ɔmmɔ kemmo na ama ɔsu. Na beleku bani nkya ɔma ɔmmɔ kemmo beeye banini, “Naomi geen mɛni?”

Rut Keliela Ɔku 2:4

Na uwi útetu asa na Boas ɔlati ɔ́si Betlehem na ɔ́da ɔ́lɛ kemo mmɔ. Na ɔ́kya kabla bablane bammɔ kenye ɔnini, “Blɔti ulieku-mii.” Na kabla bablane bammɔ lɛnɔ bédie kenye banini, “Blɔti ute-ɔ kusɛ kusɛ.”

Rut Keliela Ɔku 4:11

Amu na benengu bammɔ ku bekyuli bani ƒui nli mmɔ básu banini, “Ɛɛn, bɔdi kenye bediene bute-ɔ. Na buuvele Unwoti bɔnii ulekubi ɔni ndubo ubelie-ɔ kaduli mmɔ ni, ɔbla-nwu aani Rahel ku Lea kalɛ. Rahel ku Lea bamɛni náwɔ bebi pii béte Israel. Na buuvele bɔnii kɛ akɛla pii na Eƒrata ɔtɔ ɔni kemmo na Unwoti ɔ́bla-a ukyuli ɔni náƒɔ kuye na Betlehem.

Rut Keliela Ɔku 4:17

Amu na liku bekyuli beleku bani nli mmɔ básu banini, “Naomi ɔ́kɛ ubi ɔnanabi.” Na beleku bammɔ básia ubi ɔmmɔ lɛnyi banii Obed. Na Obed ɔmɛni náwɔ Yisai, na Yisai lɛnɔ ɔ́wɔ Dawid.

Samuel 1 16:1

Na uwi ɔmmɔ kemmo ni, Unwoti úye Samuel ɔnini, “Uwi ɛlɛ na adubo bulie buteewulo kɔnyana na Saul lɛlɔ butálɛ? Líni nnii ɔsɔ utadi lɛga na Israel. Ta na eyile ƒula lise ku nnɔmii na ayu ulu eteesie Betlehem ɔma kemmo na ɔnana ɔni baalɔ banii Yisai kesii. Nwuna bebi akɔ na lɛ́ɛƒuna ukyuli ɔni madi mina ɔga líse.”

Samuel 1 16:4

Samuel ɔ́bla lɛla lɛni na Unwoti ɔ́su-nwu. Na ka údu Betlehem ni, ɔma benengu bammɔ báyia geen na béye-nwu banini, “Buɛɛ na ɔdi bɔdi?”

Samuel 1 17:12

Na Saul lɛga bɔdi uwi kemmo ni, unengu ɔdi ɔ́kya na baalɔ-nwu Yisai. Ɔdi Eƒrat kɔdua ukyuli na ulie Betlehem na Yuda kalɔ lɛlɔ, na ɔ́ɔbi geen. Ubo bebi bananabi maane. Na bebi bammɔ akɔ unwi ndi Dawid.

Samuel 1 17:58

Mmɔ na Saul úye Dawid ɔti lili. Na Dawid údie kenye ɔnini, “Ƒula kabla ɔblane Yisai ubidi na ndi. Na ɔ́si Betlehem.”

Samuel 1 20:6

Na si ƒ'ɔti úye-mi lili ɔnii wɛ na lɛ́vi ni, na asu-nwu ka lívele-ɔ kuƒi nnii muukeli lisie mina ɔma na Betlehem na ami ku mina ɔtɔ kemmo bekyuli ƒui bɔbla lɛkwa ndi lɛkwa kawɔlɔkɔ ɔdi akpala bɔsala.