Luka 2:36 - Katɔti Ɔku Kedee

^36-37 Amu na uleku ɔdi ɔni ndi Katɔti kenye udiene ɔkya mmɔ na baalɔ-nwu banii Hana. Na nwuna ɔti Ƒanuel ɔ́si Aser kaba kemmo. Akwa maatɛ kani na úlie kɔgya asa na ɔgyani úkpi. Na ɔdi ukpinele ɔni na ɔ́ɔbi lɛlɔ geen. Ɔbla akwa liti ku avlaatɛ-ine sɔɔn mɛni. Uusié Yudaƒuɔ kakpakɔ mmɔ uwi ndi uwi teetémwi Katɔti usien ku ɔƒɛ na ɔɔkpali katɔ na uulie kɔka lɛnɔ.

Luka 2:36 ပူးပေါင်းရင်းမြစ်များ

Ala Kalɔ Buse 30:13

Na Lea ɔ́su ɔnini, “Lɛlɔ lɛɛyɔ́-mi geen!” Na ɔ́sia ubi ɔmmɔ lɛnyi ɔnii Aser, na nwuna kalɔ ndi lɛlɔyɔ.

Baga 2 22:14

Na ɔkpane Hilkia ku Ahikam ku Akbor ku Saƒan ku Asaia bésie uleku Kenye Udiene Hulda ɔni nli Yerusalem ɔvi unyɔdi kudɔ. Na ɔgyani baalɔ banii Salum, na ɔti baalɔ Tikwa. Na nwuna nana ɔti baalɔ Harhas, na anwu mɔɔnu kakpakɔ kammɔ lɛnu batune lɛwu lɛlɔ. Na básu uleku Kenye Udiene ɔmmɔ lɛla lɛni nálɛ.

Hiob 5:26

Adubulie abi lɛlɔ geen ku ɔyikun aani kalɛ edula eenye kemo taabi teegyie asa na baƒɛ-nya.

Kɔgya 92:14

Na ina ábi lɛlɔ muedi adubo butaanwu, ɔsika ebo ntu na eedie evete wɔwɔɔwɔ.

Israelƒuɔ Bɔlɛ 15:20

Amu na Katɔti Kenye Udiene Miriam ɔni ndi Mose ɔnwani ulekubi úti nwuna kabontobi na Israel beleku básiaku-nwu, na ama lɛnɔ bada bana ɔdi na baakunku na baatɔ́.

Esekiel 13:17

“Esekiel, ɔyawine ubi, du Israel beleku kɔtɔ. Ama bani mɔɔkɔ́ lɛsa na ala ani na ama alati bana kasusu kátina-ma lɛlɔ.

Luka 2:35

Na ɔdubo bekyuli bamɛni kasusu kani nábɛ keyi budie. Na ɔkɛ ɔmɛni ɔsu ni, adubunu ɔlɛ aani kalɛ na kewii kaatu ukyuli kayi.”

Luka 2:38

Uwi ɔmmɔ kani kemmo ni, anwu lɛnɔ úbo na úti linugya úte Katɔti, na útemi ɔ́siku ubi ɔmmɔ lɛlɔ úte bekyuli bani ƒui nnye baanu Katɔti ulu ka waƒɔ Yerusalem.

Batalane Kabla 2:18

Na emeyi amɛni kemmo ni, ndubuti mina Kɔyu lite mina kabla bablane banana ku beleku muedi, na badubudie-mi kenye.

Batalane Kabla 21:9

Na ubo bebi begblebi ine bani neeelie agya na badi Katɔti kenye bediene.

Korintoƒuɔ 1 11:5

Na uleku ɔni mɔɔkpali katɔ iye ɔɔkɔ́ Katɔti litemi buni lɛsa na kakpakɔ na útamana lɛdiku lili ni, ɔɔkya ɔgyani kɔƒa. Na kavumana kadi keeebo anwu ku uleku ɔni nékpeyi lili na ɔɔɔda lɛlɔ ntɛ.

Korintoƒuɔ 1 12:1

Na ɔƒɛni ni, na ala ani ndanku Katɔti Kɔyu etela lɛlɔ ni, banwa, mɔɔyɔ́ ka bɛti litemi geen lɛni nkya-nya kemmo.

Timoteo 1 3:2

Na baƒɔtaadine ɔtɔnkune ni, ɔlɛka ɔbla ukyuli ɔni na litemi lɛdi lɛɛɛda-nwu, na úti uleku unwi, na ɔ́da anu, na ɔda lɛlɔ, na bekyuli baabu-nwu. Ɔɔbla lɛƒɔ na ɔdi ala ɔtinane buni.

Timoteo 1 5:9

Teti ukpinele ɔni nátaƒɔ tɔ akwa liti ku leevu lɛnyi tebunku bekpinele lɛkpa lɛni nkya baƒɔtaadine bammɔ akɔ. Na ɔni nsia ni, ukpinele ɔni néduo lɛkpa lɛmmɔ kemmo ɔlɛka ɔbla uleku ɔni nélie kɔgya kunwi.

Yosua 19:24

Kalɔ kalɔndi ni, Yosua ka ɔtu egulabi ni, késie Aser kaba lɛlɔ.

Budie Taatina 7:6

Na mpim leevu-inyɔ bási Aser kaba kemmo. Na mpim leevu-inyɔ bási Naƒtali kaba kemmo. Na mpim leevu-inyɔ bási Manase kaba kemmo.

Litemi Batɛne 4:4

Na uwi ɔmmɔ kemmo ni, Debora ɔni ndi Unwoti Kenye Udiene na ɔdi Lapidot ulekudi ni, anwu mɔɔtɛ Israelƒuɔ etemila.

Samuel 1 1:2

Elkana úti beleku inyɔ. Unwi baalɔ Hana na unyɔdi baalɔ Penina. Na Penina ubo bebi, nsu Hana ɔdi udinkɔ.