Luka 2:32 - Katɔti Ɔku Kedee

³² Ɔdi bukeye bɔni ndubudie ƒula lɛyɔla keyi ute bekyuli bani naaadi Yudaƒuɔ. Na ɔdubuti ɔbu uboku ƒula kadi bekyuli Israelƒuɔ akɔ.”

Luka 2:32 ပူးပေါင်းရင်းမြစ်များ

Kɔgya 85:9

Geen ni, unye ka ɔƒɔ bekyuli bani ƒui mɔɔkpá-nwu kalɛ na ukeye na bula akɔ na kalɔ lɛlɔ mɛni.

Yesaia 11:10

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Yesaia 4:2

Nsu na uwi ɔni mebo kemmo ni, bekyuli bani na Unwoti ɔdubɔya na balɛ sɛɛn babla aani kugyii kagba kawɔdi kani mɔɔdia bɔnu na keekeye na kana ebi ndubɔya na Israelƒuɔ bani nébu mmɔ baƒɔ lɛnyi na beteekeye.

Yesaia 45:25

Ami Unwoti ndubo bɔya na Israelƒuɔ badi lɛlɔ na lɛya na baƒɔ lɛnyi geen.”

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”

Yesaia 49:9

Na ndubɔsu bani na béƒie bátɔlɔku nnii ‘Bɛlɛ-ma lɛlɔ bɔdi kalɔ na bɛkɛ bɔnwuna. Na amii bani nkya kasuudikɔ ni, bɛlɛ bibo bukeye kemmo!’ “Na badubɔbla aani baƒonu bani nnye kɔbi lɛlɔ baakun livo.

Yesaia 51:4

Unwoti ɔnini, “Amii ndi mina kadi bekyuli, anwuɔsu binu-mi litemi. Na ala ani na mɔɔtina kadi ƒui bekyuli ɔdubɔya na mina ɔda bubo buti ala bɔbla ulu siin lɛlɔ uboku-ma na unwini bukeye ute-ma na bana keliela kemmo.

Yesaia 60:19

Na bɛ́sɔ bilawia ɔƒɛ iye kɔbuli bukeye bɔdi na ɔƒiiwi iye usien, ɔsika ami Unwoti ɔlati bukeye ndubo-mii buteewi úsela uwi ƒui.

Yesaia 9:2

Bekyuli bani na nka beli baabla ala na lɛdisa kemmo badubɔnu bukeye. Na bani na belie kukpi ɔgbankpi kemmo ni, Katɔti bukeye bɔdubuwi-ma lɛlɔ.

Yeremia 2:11

Kadi bekyuli badi bávumana bana baƒiɔ dii ina ka baƒiɔ badi beeebo ɔyikun? Nsu mina kadi bekyuli bávumana mina bukeye ku ɔbu béte ala keeke ani neeebo kɔsia.

Sakaria 2:5

Unwoti úse kenye ka anwu ɔlati ndubo kowodu kɔni maka mamana Yerusalem bunwini na utaagyumana-nwu, na anwu kani ndubulie ɔma ɔmmɔ ntɛntɛ na uteekeye na ɔma unengudi ɔmmɔ kemmo.”

Luka 2:10

nsu Katɔti ɔtu ɔmmɔ ɔ́su-ma ɔnini, “Bitayia. Líboku-mii linyesia lɛbuni lɛni ndubuti lɛlɔyɔ ku ebiti geen ute bekyuli ƒui.

Luka 2:31

ɔni na áya na úbo na kadi bekyuli ƒui anumi.

Batalane Kabla 26:23

Na ani ndi ka Mesia ɔni ndi Ukyuli Ɔƒunadi ɔdubo ubebo abi. Na anwu ndubɔbla ukyuli udeedi ɔni maka bɔta bɔlɛ bekpine akɔ, na ɔdubuti bukeye uboku Yudaƒuɔ ku bani naaadi Yudaƒuɔ ƒui.”

Batalane Kabla 28:28

Amu na Paulo ɔ́wɔlɔ-ma bɔtɛmiku ɔnini, “Ɔlɛka lɛsu-mii na bɛti ka ni, bekyuli bɔƒɔ litemi lɛmɛni ni, béeti-ni béselaku bani naaadi Yudaƒuɔ. Na ama ni, badubɔƒɔ-ni!”

Korintoƒuɔ 1 1:31

Ɔmɛni ɔsu na Bunweni Kedee Ɔku ɔɔsu ɔnii, “Ukyuli ɔni mɔɔkun lɛmɛnɛ ni, ɔkun lɛmɛnɛ na lɛla lɛni na Blɔti ɔ́bla lɛlɔ.”

Budie Taatina 21:23

Na ɔma ɔmmɔ uláwia ɔƒɛ ɔdi iye kɔbuli ka ute bukeye bɔdi, ɔsika Katɔti bukeye ndi-nwu bukeye, na ɔma ɔmmɔ asogya ndi Koƒonu Ubi ɔmmɔ.