Luka 2:26 - Katɔti Ɔku Kedee

²⁶ na kúse-nwu kayi ka ulekpi wetédu lebo lɛni na ɔ́nu ka báwɔ Ukyuli Ɔƒunadi ɔni kenye na Katɔti ɔ́su úse.

Luka 2:26 ပူးပေါင်းရင်းမြစ်များ

Kɔgya 2:2

Kayawi baga bábla unwi na benye beekpóku awɔ ku ƒula Ukyuli Ɔƒunadi.

Kɔgya 2:6

“Sion Kɔbi kedee lɛlɔ na líse mina Ɔga Ɔƒunadi líse.”

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Yesaia 61:1

Unwoti Ɔyikune Ƒui Kɔyu kɔ́ƒɔ-mi lɛlɔ kemmo! Ɔsika ɔ́tala-mi ɔnii nkɔ litemi buni lɛsa nte bawabane. Na lɛbwi bani muunú ɔlɛ na bana kayi kemmo na basɔ beeebo lɛnunsia, na libo kudu lite bani na béƒie na bébo-ma lɛkpu ka badubɔkɛ bɔnwuna na balɛ kasuudikɔ mmɔ.

Amos 3:7

Na Katɔti ulábla lɛla lɛdi ntu ɔ́ka nwuna kenye udiene bɔsu.

Mateo 2:12

Nwuna kama ni, Katɔti ɔ́lɛ-ma na kɔna kemmo ɔnii basɔ batasia Herode kudɔ. Anwuɔsu básia ulu ɔbambadi lɛlɔ bésie bana kalɔ lɛlɔ.

Luka 2:29

“Unwoti, ɔƒɛni ni, ka ásia ƒula linyese anu ɔsu ni, akana na edie ami, ƒula kabla ɔblane, ulu na nteesie ku keyi buɛɛ.

Luka 9:27

Mɔɔsu-mii geen nnii bina akɔ badi na mɛni ni, belekpi wetédu uwi ɔni na Katɔti wedie nwuna lɛga bɔdi ɔyikun keyi na limeyi likplodi lɛmmɔ lɛlɔ.”

Yohane 1:41

Lɛla lideedi lɛni na Andrea ɔ́bla ndi ka úsie útáwia ɔnwani Simon na ɔ́su-nwu ɔnini, “Abu bɔ́nu Mesia ɔmmɔ,” iye Kristo. Na anyi ammɔ kalɔ budie ndi Ukyuli Ɔƒunadi.

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Yohane 4:29

“Bibo na bibanu ukyuli ɔni násu-mi ala ani ƒui na lɛ́bla na ngba kemmo! Ɔdubɔkana na wadi Katɔti Ukyuli Ɔƒunadi ɔmmɔ?”

Yohane 8:51

Mɔɔsu-mii geen nnii ukyuli ɔni madi ala ani na mɔɔtina mɛni lɛlɔ ni, ulekpi kudi kudii!”

Batalane Kabla 10:38

Na bínu lɛnɔ kalɛ na Katɔti ɔ́ƒuna Yesu ɔni nási Nasaret ɔni na úti nwuna Kɔyu úse-nwu likpo na úti ɔyikun lɛnɔ úte-nwu. Na ɔ́kɛ útaavi taabla lɛbuni na útaabwi bani ƒui na ayu ekpidi eekpóku, ɔsika Katɔti ɔsiaku-nwu.

Batalane Kabla 17:3

Na uudie lɛbibo lɛni na básu bése ka Kristo ɔdubo bɔnu ku kalɛ na ɔsɔ ɔdubɔta na ulie ngba ɔni na ɔsɔ ulekpi. Paulo ɔ́su-ma ɔnii, “Ukyuli ɔni lɛlɔ litemi mɔɔsu-mii mɛni ndi Yesu ɔni ndi Ukyuli Ɔƒunadi ɔmmɔ.”

Batalane Kabla 2:36

Anwuɔsu mɔɔyá na amii Israelƒuɔ bɛti ka ni, Katɔti nábla Yesu ɔni na amii bɛ́du mɛni ɔnii unwini Blɔti ku Ukyuli Ɔƒunadi.”

Batalane Kabla 9:20

Na uwi ɔmmɔ kani na úsie Yudaƒuɔ kɔsakɔ útásu Yesu lɛlɔ litemi ka Katɔti Ubidi na ɔdi.

Hebriƒuɔ 11:5

Ɔkɛnku Enok bɔƒɔtaadi lɛlɔ na Katɔti útiku-nwu ɔ́tɔlɔku ngba bɔmɛni kemmo ɔni na útekpi. Ɔdi biala útanu-nwu kesii kadi, ɔsika Katɔti útiku-nwu ɔ́tɔlɔku. Na asa na ɔdubutiku-nwu ɔtɔlɔku ni, ɔdi ukyuli ɔni na bémwi na Bunweni Kedee Ɔku kemmo ka nwuna lɛlɔ lɛ́da Katɔti kubiti.