Luka 2:14 - Katɔti Ɔku Kedee

¹⁴ “Ɔbu ku bumwi ute Katɔti na katɔ kakaaka ƒui, na keyi buɛɛ kasiaku bayawine ƒui bani na Katɔti ɔɔyɔ́!”

Luka 2:14 ပူးပေါင်းရင်းမြစ်များ

Yesaia 44:23

Bidie lɛnu ku ebiti, amii bani nkya katɔ ƒui ku bani nkya kalɔ lɛlɔ, ɔsika Unwoti nábla ala amɛni. Na abi ku lɛku kemmo egyii ƒui asalaku-mii na lɛlɔyɔ lɛnu lɛmɛni kemmo. Unwoti údie nwuna kadi bekyuli Israelƒuɔ, na ɔ́tina kalɛ na uukeye na badubo-nwu bɔbu.

Yesaia 49:13

Bɛsu katɔ ku kalɔ bɛnii beteedie lɛnu na bataatɔ ku ebiti. Na bibo ɔda bite abi ammɔ lɛnɔ ƒui bɛnii ama lɛnɔ bebunku na beteedie lɛnu. Ɔsika Unwoti bekyuli bébo abi nsu ɔƒɛni amu ɔ́nu-ma kɔnyana na ɔ́yala-ma kɔƒɔ.

Yesaia 57:19

Na lɛya na bese kalɔ beteedie lɛnu teemwi-mi. Na mɔɔsu kpakplaa nnii wɛ na ɔdi ulie iye wɛ na uuulie ni, ami Unwoti ndubɔbwi ɔdi biala na ɔkɛ keyi buɛɛ.

Mika 5:5

Ɔsika anwu ɔmmɔ geen ndanku keyi buɛɛ ku atu bɔyɔ bammɔ. Si Asiriaƒuɔ békpo-bu kalɛ kalɛ na bébile-bu kalɔ ku bula baga kesii dɛ ni, abu lɛnɔ bula batɔnkune baƒunadi badi badubɔtɔnku-bu na bɔdubukpoku-ma budie kasi.

Mateo 21:9

Amu na bekyuli bani ntɔ ku bani nkpɛ ƒui bése kalɔ baava taasu banii, “Yiidu! Ɔga Dawid Uwɔ ɔmmɔ ɔ́si ɔdubo o-o! Bimwi anwu ɔni ndubo na Blɔti lɛnyi kemmo! Hosiana!”

Luka 1:79

Na ɔya na bukeye bɔmɛni bɔsi katɔ buwi bekyuli bani nli kasuudikɔ na kukpi liƒu lɛɛda-ma kalɛ na ɔkpanku-bu ɔvinku keyi buɛɛ ulu lɛlɔ.”

Luka 19:38

Na básu banii, “Bimwi Ɔga ɔni nási ɔdubo na Blɔti lɛnyi kemmo! Na keyi buɛɛ kaƒɔ Katɔ Ɔga Ɔma ƒui! Hosiana!”

Luka 2:13

Kɔnakunwi ni, Katɔti batu lɛkpa bonwu lɛdi lɛ́si kayaa lɛ́da lɛ́lɛ-ma lɛlɔ na líbebunku ɔtu ɔmɛni na bakya beemwi Katɔti banii,

Luka 2:15

Na uwi ɔni na Katɔti batu bamɛni bátɔlɔ-ma kudɔ na básɔ bénwini bésie katɔ ni, baƒonu badane bamɛni básu lɛlɔ banii, “Bɛya na busie Betlehem butánu ala ani nálɛ na Unwoti údie ɔ́tina-bu mɛni.”

Luka 3:22

Na Katɔti Kɔyu kɔ́yu kúbo kúbelie-nwu lɛlɔ aani abloduma kalɛ. Amu na bénu Katɔti lɛdi ka lɛ́si katɔ lɛnini, “Awɔ ndi mina Ubi Ɔyɔne. Aaƒɔ́-mi anu geen.”

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Yohane 17:4

Lɛ́kɔliku ƒula lɛnyi katɔ na bekyuli akɔ na kalɔ lɛlɔ. Na lɛ́wɔlɔ kabla kani na éte-mi ka mbabla.

Yohane 3:16

“Ka Katɔti ɔɔyɔ́ bayawine geen ɔsu ni, úti Ubidi unwi pɛ ɔmmɔ úte. Na ukyuli biala ɔni mɔɔƒɔ́-nwu taadi ni, ulayii. Mmomu ɔdubɔkɛ ngba bɔni nsɔ naaadubo bɔsa kudii.

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Romaƒuɔ 5:1

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Eƒesoƒuɔ 1:9

kaƒɔ káyɔ-nwu ka údie nwuna kasusu kemmo abɛla ƒui ɔ́tina-bu. Ani na ɔ́su úse ka ɔdubɔbla ɔkɛnku Kristo lɛlɔ.

Eƒesoƒuɔ 2:4

Nsu ka Katɔti ɔɔnu-bu kɔnyana pii na nwuna bɔyɔ bɔni na ubo úte-bu lɛnɔ bumomo ɔsu ni,

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Ƒilipiƒuɔ 2:11

Na ukyuli biala ɔdubudie kenye ɔnii Yesu Kristo ndi Blɔti. Na beti bumwi bete Unwoti Katɔti.

Ƒilipiƒuɔ 2:13

Ɔsika Katɔti ɔkya-mii akɔ ɔɔbla kabla na bina akɔ uwi biala kalɛ na ɔbla-mii na bɛkana na bɛdi ala ani na ɔ́su-mii lɛlɔ.

Koloseƒuɔ 1:20

Na ɔkɛnku Ubidi ɔmmɔ lɛlɔ na Katɔti ɔ́klibi anwu ku ala ani nkya katɔ ku kalɔ ƒui ntɛ. Na ɔ́ya na bɔ́kɛ keyi buɛɛ ɔkɛnku Ubidi ɔmmɔ ubugya ɔni néwiakun na ugyii ɔni lɛlɔ na bákana-nwu bámana ɔsu.

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Budie Taatina 5:13

Na línu ka ala ani ƒui na Katɔti údie na katɔ ku kalɔ ku kekpine ku ɛpu ku kayawi beedie ɔnu banini, “Linugya ku ɔbu ku bumwi ku ɔyikun na beete anwu ɔni nlie lɛgaboku lɛlɔ ku Koƒonu Ubi ka ɔ́si ɔƒɛni úsela ƒui.”