Luka 2:1 - Katɔti Ɔku Kedee

¹ Na uwi ɔmmɔ kemmo ni, Ɔga Unengudi Kaesare Augusto úte ɔyikun ɔnii benweni bekyuli bani ƒui nkya Roma lɛga bɔdi kalɔ anyi.

Luka 2:1 ပူးပေါင်းရင်းမြစ်များ

Ester 10:1

Ɔga Ahasweros únyimi úte nwuna lɛga kadikɔ bekyuli bɔmmɔ ƒui ku bani na ɛpu ɔvi na baaƒɔ nwuna kalɔ kemmo bɔkya kayu kadi teete-nwu.

Mateo 22:17

Anwuɔsu, su-bu ƒula kasusu. Bula ɔda bubo buute kuƒi ka butaaƒɔ kuyi teete Romaƒuɔ Ɔga Unengudi munuu útalɛka butaaƒɔ?”

Mateo 24:14

Na bekyuli badubɔkɔ Katɔti lɛga bɔdi litemi buni lɛmmɔ lɛsa na kayawi ƒui kalɛ na ukyuli biala ɔkɛ kuƒi unu-ni asa na kawɔlɔkɔ kammɔ kedu.

Marko 14:9

Na muute-mii bɔti sɔsɔ ka kesi kesii na badubɔkɔ lɛsa na Katɔti litemi buni lɛlɔ na kayawi kamɛni ƒui ni, badubuti lɛla lɛni na uleku ɔmɛni ɔ́bla mɛni basu batina na beti beteenyimo-nwu.”

Marko 16:15

Ɔ́su-ma ɔnini, “Biteesie kayawi ƒui na bitákɔ Katɔti litemi buni lɛmɛni lɛsa na bekyuli ƒui akɔ.

Luka 2:3

Anwuɔsu ukyuli biala úsie nwuna ɔma úténweni lɛnyi.

Luka 2:5

Útiku Maria ɔni na bévele béte-nwu na ɔda kaƒɔ lɛnɔ.

Luka 3:1

Na lɛkwa leevu-lɛlɔndi lɛni na Ɔga Unengudi Kaesare Tiberio ɔɔdi lɛga ni, Kenye Udiene Yohane ɔni ndi Sakaria ubidi ɔ́kɛ linyesia lɛdi ɔ́siku Katɔti kudɔ uwi ɔni na uli ketele kemmo. Na Pontio Pilato ɔɔtɔnku aban na Yudea kalɔ lɛlɔ. Na Herode ɔɔdi Galilea kalɔ lɛlɔ. Na uwi ɔmmɔ kani kemmo ni, Herode ɔnwani Ƒilipo lɛnɔ ɔɔdi kalɔ kani baalɔ Iturea ku Trakoniti kalɛkɛ lɛlɔ. Na Lɛlɔ Ɔdine Lisania lɛnɔ ɔɔdi Abilene kalɔ lɛlɔ. Na uwi ɔmɛni kemmo ni, Hana ku Kaiaƒa badi Katɔti bakpane benengudi.

Batalane Kabla 11:28

Amu na bana akɔ unwi ɔni baalɔ Agabo ni, ɔ́ta únye na Katɔti Kɔyu ɔyikun kemmo na ɔ́su ɔnii kɔka kubendi kɔdi kɔdubo kayawi ƒui lɛlɔ. Ɔmɛni úbebo uwi ɔni na Klaudio ɔɔdi lɛga.

Batalane Kabla 25:11

Si lɛ́bla lɛla lɛni na ɔlɛka badu-mi ni, ndubɔtuna na badu-mi! Nsu si ńtaƒiɔ ni, útalɛka awɔ iye ukyuli bamba uti-mi ute bekyuli bamɛni ɔnii badu-mi. Anwuɔsu lɛ́da mina litemi mɔɔvá Ɔga Unengudi Kaesare anumi!”

Batalane Kabla 25:21

Nsu Paulo ɔnii ɔɔwia ka uti nwuna litemi ute Ɔga Unengudi Kaesare.”

Romaƒuɔ 1:8

Kudeedi ni, nkɛnku Yesu Kristo lɛlɔ mɔɔgyá mina Katɔti enu na bina ƒui lili, ɔsika kayawi bekyuli ƒui beenú kalɛ na bɛ́ƒɔ Kristo bɛ́di.

Ƒilipiƒuɔ 4:22

Katɔti bekyuli bani ƒui nkya mɛni beegyele-mii. Ɔni ntulo ndi bekyuli bani nkya Kaesare kaduli. Ɔsia lɛni.