Luka 19:9 - Katɔti Ɔku Kedee

⁹ Mmɔ na Yesu ɔ́su-nwu ɔnini, “Ɔmwi ni, ngba bɔƒɔ búbo búbedu kaduli kamɛni kemmo. Ɔsika ukyuli ɔmɛni lɛnɔ ɔdi Abraham kaba kemmo ubi.

Luka 19:9 ပူးပေါင်းရင်းမြစ်များ

Luka 13:16

Na ɔƒɛni ni, bɛɛnu Abraham kaba kemmo ubi nnye mɛni ɔni na Satan úbo lɛkpu akwa leevu-maane sɔɔn mɛni. Ɔɔɔdia ka baƒɛnimi-nwu abuli ammɔ na lɛnwunameyi lɛlɔ?”

Luka 13:30

Na bekyuli bani ndi bekplodi ni, badubunwini bedeedi. Na bani ndi bedeedi ni, badubunwini bekplodi.”

Luka 16:24

Amu na ɔ́kpali ɔnii, ‘Ati Abraham! Nu-mi kɔnyana na aya na Lasaro uti lɛnimi ɔkya ntu bɔdi kemmo na udu ubo-mi unyemi lɛlɔ na lɛlɔ lɛbla-mi buɛɛ. Ɔsika lɛlɔ lɛɛkywí-mi na ogya ɔmɛni kemmo!’

Luka 16:30

“Mmɔ na ɔlakɛne ɔmmɔ údie kenye ɔnini, ‘Ati Abraham, belénu-ma litemi! Nsu si banii ukyuli ɔdi ɔ́si kekpine mɛni úsie-ma kudɔ ni, badubunu-nwu litemi na benwini kama bakya bana ekpidi.’

Luka 2:30

Ami ɔlati mina anumi ánu Ɔƒɔne

Luka 3:8

Bɛtina na bina ɔbladu kemmo ka bínwini kama bɛ́kya bina alaekpidi. Na bitakali ka Abraham kaba kemmo bebi bɛdi ɔsu ni, Katɔti ɔɔɔdubo-mii kɔtu bɔni. Mɔɔsu-mii nnii Katɔti ɔkana udie kaba ɔsiku atakpɛ amɛni kemmo ute Abraham.

Romaƒuɔ 4:16

Anwuɔsu ni, linyese lɛmɛni lɛdanku bɔƒɔtaadi, na ɔdi kama kekpokɔ ute bekyuli na Katɔti kaƒɔbuni kani na ɔ́bla bekyuli bani ƒui ndi Abraham bawɔ. Na ɔɔɔdi bani na Katɔti úte ɔda bubo bɔmmɔ lɛti pɛ ndi-nwu bawɔ. Mmomu bani nsiaku Abraham bɔƒɔtaadi bɔmmɔ kama lɛnɔ. Ɔsika ni, Abraham ɔdi baƒɔtaadine ƒui ɔti.

Galatiƒuɔ 3:14

Na Kristo ɔ́bla ɔmɛni kalɛ na kusɛ kusɛ ɔni na Katɔti ɔ́su úse ka wasiaku Abraham mmɔ ɔsiaku bani naaadi Yudaƒuɔ lɛnɔ kama ɔkɛnku Kristo Yesu lɛlɔ. Na ɔkɛnku bɔƒɔtaadi bɔmmɔ lɛlɔ ni, na abu lɛnɔ bɔkɛ Katɔti linyese lɛni ndi nwuna Kɔyu.

Galatiƒuɔ 3:29

Anwuɔsu si bɛdi Kristo ɔdi ni, na bɛdi Abraham kaba bebi, na bɛdi Katɔti linyese lɛmmɔ ala badine.

Galatiƒuɔ 3:7

Anwuɔsu bɛnu bɛti ka bekyuli bani mbo bɔƒɔtaadi ni, ama ndi Abraham bebi.

Petro 1 2:10

Uwi ɔdi kemmo ni, bɛɛɛdi Katɔti bekyuli. Anwuɔsu Katɔti útanu-mii kɔnyana. Nsu ɔƒɛni ka bɛdi nwuna bekyuli ɔsu ni, Katɔti ɔɔnu-mii kɔnyana.