Luka 19:29 - Katɔti Ɔku Kedee

²⁹ Uwi ɔni na ɔ́kpɛ uudé Betƒage ku Betania na Inɔ Egyii Kɔbi kudɔ ni, ɔ́tala nwuna batɛyane inyɔ ɔnii bataatɔ.

Luka 19:29 ပူးပေါင်းရင်းမြစ်များ

Sakaria 14:4

Ɔdubusie utáwia kenyekɔ na Nnɔ Egyii Kɔbi lili na Yerusalem ɔƒɛ katukɔ kakɛ. Na kɔbi kɔmmɔ kɔdubɔbwɛ kemmo kule akpa anyɔ usie ɔvi ɔni ku ɔni, na ɔdubɔbla kɔwɛ bonwu ɔsi ɔƒɛ katukɔ úsie ɔƒɛ kanukɔ.

Mateo 21:17

Ɔmmɔ kama ni, Yesu ɔ́tɔlɔ bakpane benengu ku ɔda bubo ala batinane bammɔ kudɔ na úsie útéduo Betania útátɛ.

Luka 19:30

Mmɔ na ɔ́su-ma ɔnini, “Biteesie ɔma ɔni nkya-mii lɛtɔtɔ mmɔ kemmo. Na si biiduo-nwu kemmo ni, bɛdubɔnu ebuo ala utine ubi ɔdi ka bébo-nwu báda mmɔ. Na ukyuli ɔdi útelie-nwu lɛlɔ kudii. Bɛƒɛnimi-nwu na biti-nwu biboku mɛni.

Luka 19:37

Uwi ɔni na Yesu ɔ́kpɛ úde Yerusalem na likpo lɛni na ulu ɔmmɔ úti ɔ́yu Inɔ Egyii Kɔbi lɛlɔ ni, nwuna batɛyane pii bammɔ bése kalɔ baagyá Katɔti enu na beete yiidu ku kɔvanu momoomo na ala ebendi ani na bánu ɔsu.

Luka 21:37

Na emeyi ammɔ kemmo ƒui ni, Yesu úti útaatina bekyuli bammɔ ala na Katɔti kakpakɔ. Na useyi uwi ni, ɔɔtɔlɔ teesie Inɔ Egyii Kɔbi lɛlɔ.

Luka 22:39

Yesu ɔ́vi ɔ́lɛ ɔma ɔmmɔ kemmo na ɔ́tɔlɔ úsie Inɔ Egyii Kɔbi lɛlɔ aani kalɛ na ɔɔyɔ́ bɔbla. Na batɛyane bammɔ lɛnɔ básiaku-nwu.

Luka 24:50

Amu na ɔ́tɔnku-ma na bálɛ Yerusalem ɔma kemmo bésie Betania. Mmɔ na ɔ́kɔliku nwuna enu katɔ na úte-ma kusɛ kusɛ.

Batalane Kabla 1:12

Nwuna kama ni, batalane bammɔ bénwini bási kɔbi kɔni baalɔ Inɔ Egyii Kɔbi lɛlɔ mmɔ, bésie Yerusalem ɔma kemmo. Na ɔ́si mmɔ útédu ɔma kemmo mmɔ ni, wabla liluku linwi.