Luka 19:17 - Katɔti Ɔku Kedee

¹⁷ “Mmɔ na Unwoti ɔmmɔ úte-nwu mbo ɔnii, ‘Ábla-nwu kaduɛ! Kabla ɔblane ɔbuni na adi! Ka áda kabla blii suɛ kamɛni ulu lɛlɔ ɔsu ni, ndubuti-ɔ linyene lɛma linengudi leevu kenye.’

Luka 19:17 ပူးပေါင်းရင်းမြစ်များ

Ala Kalɔ Buse 39:4

Yoseƒ lɛlɔ lɛ́da-nwu kubiti geen. Anwuɔsu úti Yoseƒ únwini ukyuli ɔni na ɔɔtala na ɔɔbla nwuna kaduli ala teete-nwu ɔni na Potiƒar lɛla biala lɛkya-nwu enu kemmo.

Agba 27:18

Kabla bablane bani mɔɔnu kɔdingyii kɔdi lɛlɔ bebo kuƒi ka badi-ku ebi. Lɛni kani na kabla bablane bani mɔɔgyumana kabla ɔlati ɔdi kabla ka katɛ ni, badubo lɛyuƒɔla bɔƒɔ.

Mateo 25:21

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Luka 16:10

“Ukyuli ɔni mɔɔda ala ani nse blii suɛ na ulu lɛlɔ ni, ɔdubɔda ala enengudi lɛnɔ na ulu lɛlɔ. Na ukyuli ɔni naaasia ulu lɛlɔ ku ala ani nse blii suɛ ni, ulasia ulu lɛlɔ ku ala enengudi lɛnɔ.

Luka 19:16

“Kabla ɔblane udeedi úbo na ɔ́su-nwu ɔnini, ‘Ati, lɛ́kɛ egulabi aƒo leevu lɛ́sia unwi ɔni na éte-mi mmɔ lɛlɔ.’

Luka 19:18

“Kabla ɔblane unyɔdi lɛnɔ úbo na úbasu-nwu ɔnini, ‘Ati, lɛ́kɛ egulabi aƒo alɔ lɛ́sia unwi ɔni néte-mi lɛlɔ!’

Luka 22:30

Bɛdubɔdi na bɛni na mina adila kadikɔ na mina lɛga kadikɔ. Na bɛdubulie bagaboku lɛlɔ na bɛdi Israel kaba leevu-inyɔ kɔmmɔ lɛlɔ.”

Romaƒuɔ 2:29

Mmomu ukyuli ɔni ndi Yudani geen ndi ukyuli ɔni mɔɔtina na nwuna ablala kemmo ka úti nwuna kayi úte Katɔti. Na ɔɔɔkɛnku ɔlɔna ɔni na békulo na ɔda bubo ɔdi kenye lɛlɔ. Mmomu ɔkɛnku Katɔti Kɔyu lɛlɔ. Na ɔɔɔdi ukyuli ɔyawine mɔɔkɔliku ukyuli ɔmmɔ lɛnyi katɔ, mmomu Katɔti.

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Timoteo 2 2:10

Ɔmɛni ɔsu na mɔɔƒɔ́ lɛla biala teebweli na Katɔti bekyuli baƒunadi ɔsu, kalɛ na ama lɛnɔ bakɛ bɔƒɔ bɔni na Yesu Kristo lɛlɔ kani na bɔɔsia na buuti ngba ƒui lɛlɔ bɔyɔ teete-bu.

Petro 1 1:7

Ala ani ndubɔsiaku-mii ndubɔtina kalɛ na bɛ́ƒɔ bɛ́di geen. Sika ugyiedi ɔni muubie muedi ni, ogya kemmo na beeti-nwu taakya taanu-nwu taati kalɛ na ɔdia. Anwuɔsu bina bɔƒɔtaadi bɔni náƒɔ kuye butulo sika ugyiedi ɔmɛni ni, ɔlɛka bakɔku-mu banu asa na bɔkana bunye kpakplaa. Na si bina bɔƒɔtaadi bɔmmɔ bɔ́kana na búnye ni, Katɔti ɔdubumwi-mii na ɔtalaku-mii katɔ, na ɔbu-mii na Yesu bɔsɔ bubo limeyi lɛmmɔ lɛlɔ.

Petro 1 5:4

Na uwi ɔni na Kristo ɔni ndi Baƒonu Ɔdane Unengudi ƒui wada walɛ ni, na wete-mii kagabwa kani muukeye na kana udu ulávumana.

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.