Luka 19:13 - Katɔti Ɔku Kedee

¹³ Asa na watɔlɔ ni, ɔ́lɔ nwuna kabla bablane leevu ɔ́sala. Na úte ɔdi biala egulabi koƒo kunwi. Amu na ɔ́su-ma ɔnini, ‘Biti egulabi ammɔ bɛdi kuye na bɔnu kɔsia kɔni na ɔdi biala wakɛ.’

Luka 19:13 ပူးပေါင်းရင်းမြစ်များ

Mateo 25:16

Kabla ɔblane ɔni náƒɔ aƒo alɔ amɛni úsie kalɔ kɔnakunwi na útébo egulabi ammɔ únwini na ɔ́sɔ ɔ́kɛ aƒo alɔ ɔ́sia.

Mateo 25:20

Kabla ɔblane ɔni náƒɔ egulabi aƒo alɔ úti aƒo alɔ bamba ɔ́sia úboku na ɔ́su ɔnii, ‘Ati, éte-mi egulabi aƒo alɔ na lɛ́kɛ alɔ líbunku.’

Mateo 25:22

“Kabla ɔblane ɔni náƒɔ egulabi aƒo anyɔ lɛnɔ úbo na ɔ́su ɔnini, ‘Ati, éte-mi egulabi aƒo anyɔ na lɛ́kɛ aƒo anyɔ bamba líbunku.’

Mateo 25:24

“Amu na kabla ɔblane ɔni náƒɔ egulabi koƒo kunwi úbo na ɔ́su ɔnini, ‘Ati, ngyi ka adi ukyuli ɔni na ƒula litemi libo ɔkplu na eedé edula na kesii kani na átava adi. Na aaƒɛ edula kesii kani na átagya adi.

Luka 19:12

Na ɔ́su-ma ɔnini, “Dii ni, ɔnana ɔbune ɔdi ɔkya ɔni náta úsie kalɔ ɔgyu kakaaka ɔdi kemmo kalɛ na betése-nwu lɛga. Na ɔ́bla kasusu ka ɔmmɔ kama ni, ɔdubɔsɔ unwini ubo ɔma.

Luka 19:14

“Nsu ɔnana ɔmɛni ɔma bekyuli béteekisi-nwu, anwuɔsu bátala batu badi na básia-nwu kama banii batásu Ɔga Unengudi banii, ‘Bulayɔ ka ɔnana ɔmɛni unwini-bu ɔga.’

Yohane 12:26

Ukyuli biala ɔni mɔɔwia ka ɔbla-mi kabla ni, ɔdi ka ɔsiaku-mi. Na kesii kani na nlie ni, mmɔ na mina kabla ɔblane ɔmmɔ lɛnɔ welie. Na ukyuli biala ɔni mɔɔbla-mi kabla ni, mina Ɔti ɔdubute-nwu ɔbu.

Galatiƒuɔ 1:10

Na kabla kani na mɔɔbla mɛni ni, bɛɛkali bɛnii bekyuli bumwi na mɔɔwia? Munuu Katɔti bumwi na mɔɔwia? Munuu mɔɔbla-ka kalɛ na kaƒɔ kayɔ bekyuli? Na si bekyuli lɛyɔla kabla na mɔɔbla ni, nka lɛɛɛdi Kristo kabla ɔblane.

Yakobo 1:1

Ami Yakobo ɔni ndi Katɔti ku Blɔti Yesu Kristo kabla ɔblane muugyele amii Katɔti bekyuli ƒui bani négyingya bakya kayawi ekpo ekpo ƒui.

Petro 2 1:1

Ami Simon Petro ɔni ndi Yesu Kristo kabla ɔblane ku ɔtalane ni, ami muunweni ɔku ɔmɛni lite amii baƒɔtaadine ƒui bani na abu ku-mii ƒui bɔdi benwi ku Katɔti. Na ɔ́ya na bula ƒui bɔ́ƒɔ bula Ɔti ku Ɔƒɔne Yesu Kristo ɔni nse siin bɔ́di.