Luka 19:12 - Katɔti Ɔku Kedee

¹² Na ɔ́su-ma ɔnini, “Dii ni, ɔnana ɔbune ɔdi ɔkya ɔni náta úsie kalɔ ɔgyu kakaaka ɔdi kemmo kalɛ na betése-nwu lɛga. Na ɔ́bla kasusu ka ɔmmɔ kama ni, ɔdubɔsɔ unwini ubo ɔma.

Luka 19:12 ပူးပေါင်းရင်းမြစ်များ

Mateo 21:38

“Nsu uwi ɔni na lɛlɔ banune bamɛni bánu ubidi ɔmɛni ni, básu lɛlɔ banini, ‘Aanu kemo ɔlati ubidi ɔni ndi nwuna ala ɔdine. Bɛya na bɔdu-nwu na buƒie nwuna ala bɔƒɔ.’

Mateo 28:18

Amu na Yesu ɔ́kpɛ úde-ma na ɔ́su-ma ɔnini, “Katɔti úti katɔ ku kalɔ ɔyikun ƒui úte-mi.

Marko 12:1

Amu na Yesu úbo-ma lɛgba ɔnini, “Dii ni, ɔnana ɔdi úse adingyii kemo kadi. Na ɔ́gyi ɔba ɔ́mana-ka. Na úku ubu na kalɔ kammɔ ntɛ kesii kani na ɔdubo ebi ammɔ ntu butaamana teewi. Na ɔ́tu kesii kani nákuku kalɛ na benye mmɔ bataagyumana kemo kammɔ. Amu na úti kemo kammɔ úte kabla bablane badi ɔnii bataanu-ka lɛlɔ, na anwu ku-ma beti lɛla lɛni bákɛ mmɔ bele. Amu na ɔ́tɔlɔ úsie ulu.

Marko 16:19

Uwi ɔni na Blɔti Yesu ɔ́tɛmiku-ma mmɔ kama ni, Katɔti úti-nwu úsienku katɔ na útélie keliekɔ kenengudi kani nsiaku Ɔti kadi.

Luka 20:9

Amu na Yesu úbo bekyuli bammɔ lɛgba lɛmɛni ɔnini, “Dii ni, ɔnana ɔdi ɔ́bla adingyii kemmo kadi. Ka úsela ulu ɔdi utákya na uwi utu ɔsu ni, úti-ka ɔ́kya bekyuli badi enu ɔnii bataanu-ka lɛlɔ teete-nwu.

Luka 24:51

Na uwi ɔni kani na uute-ma kusɛ kusɛ mɛni ni, ɔ́tɔlɔ-ma kudɔ na Katɔti úti-nwu úsienku katɔ.

Yohane 18:37

Ka ɔ́su-nwu lɛni ni, Pilato úye-nwu ɔnini, “Anwuɔsu ɔga na adi?” Amu na Yesu ɔ́su-nwu ɔnini, “Awɔ mɔɔsu ka ɔga na ndi. Na ɔmɛni ɔsu geen na báwɔ-mi. Na líbo kalɔ kamɛni lɛlɔ kalɛ na mbedie litemi geen lɛtina. Na ukyuli biala ɔni nkɛnku litemi geen lɛmmɔ ni, uunú lɛla lɛni na mɔɔsu.”

Batalane Kabla 17:31

Ɔsika anwu údie limeyi lɛdi úse lɛni lɛlɔ na ukyuli ɔni na ɔ́ƒuna úse wabatɛku-bu litemi ɔ́si bula ɔbladu lɛlɔ. Na údie Ukyuli Ɔƒunadi ɔmɛni ɔ́tina-bu nwaa ɔ́si ɔni na ɔ́gyila-nwu ɔ́siku kekpine na ɔ́sɔ úbo úbelie ngba.”

Korintoƒuɔ 1 15:25

Ɔsika Kristo ɔdubo lɛlɔ butaadi wetédu ka Katɔti úti nwuna bekisine ƒui ɔ́kya Yesu lɛgba kalɔ.

Hebriƒuɔ 9:28

Lɛni kani na Kristo lɛnɔ úti lɛlɔ ɔ́kpa kunwi pɛ kani na údie bekyuli pii na bana ekpidi kemmo. Na ɔdubɔsɔ ubo kunyɔdi. Na ɔɔɔdi ɔni na ɔsɔ ubebo abi na ekpidi ɔsu. Mmomu kalɛ na uti ngba bɔƒɔ uboku bekyuli bani na benye bagya-nwu.

Petro 1 3:22

Kristo ɔmɛni nésie katɔ na ulie Katɔti kɔdianu. Na katɔ batu ku lɛlɔ badine ku kayaa bayikune ƒui bakya-nwu kalɔ.

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.