Luka 18:32 - Katɔti Ɔku Kedee

³² Bekyuli badubuti-mi bakya bekyuli bani naaadi Yudaƒuɔ enu kemmo na beti-mi babla lɛmala. Badubo-mi budumi na betuo lisuo bewi-mi lɛlɔ.

Luka 18:32 ပူးပေါင်းရင်းမြစ်များ

Yesaia 50:6

Mɔɔda mina kama teese na beebó kugyiimi na baagyɔ-mi keduo linwini. Na ina ka bédumi-mi na bétuo lisuo béwi-mi anumi muedi ni, ńtedeyi ńtesie kɔmadɔ kesii bamba kadi.

Yesaia 52:14

Liƒu bonwu lɛ́da bekyuli pii na lɛla lɛni nálɛku-nwu ɔsu. Na bani ƒui nánu-nwu ni, liƒu lɛ́da-ma lítulo, ɔsika úbo abi na nwuna bɔnu bɔsɔ bulátina aani si ukyuli na ɔsɔ ɔdi muedi.

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Mika 5:1

Yerusalemƒuɔ, bekpone bekisine báka bámana-a na báƒiɛmi Israel ɔtɔnkune ugyii anumi.

Mateo 16:21

Ɔ́si uwi ɔmmɔ kemmo ni, Yesu úse kalɔ ɔɔsu nwuna batɛyane bammɔ nwaa ɔnii, “Ɔlɛka lisie Yerusalem na ntébo abi na kadi benengu ku bakpane benengu ku ɔda bubo ala batinane enu kemmo. Badubɔdu-mi. Nsu limeyi lɛtɛdi lɛlɔ ni, Katɔti ɔdubɔgyila-mi ɔlɛku kekpine na nsɔ mbelie ngba.”

Mateo 20:19

Na ama bani naaadi Yudaƒuɔ badubuti-mi babla lɛmala, na bebo-mi, na bakana-mi bamana ugyii lɛlɔ na likpi. Nsu emeyi atɛ kama ni, Katɔti ɔdubɔgyila-mi ɔlɛku bekpine akɔ.”

Mateo 22:6

Na babambadi lɛnɔ béƒie kabla bablane bammɔ na bébo-ma na bádu-ma.

Mateo 26:67

Amu na bétuo lisuo béwi-nwu anumi na bébo-nwu. Na badi lɛnɔ báƒiɛmi-nwu lɛtugya.

Mateo 27:2

Bébo-nwu kɔgba na béti-nwu bátákya Romaƒuɔ aban unengu Pilato enu kemmo.

Marko 14:65

Bana akɔ badi bése kalɔ beetuo lisuo teewi Yesu. Na bényimi-nwu anumi, na badaku-nwu bubo ku bana enu. Na bakya baasu-nwu banini, “Ka agyi ala ƒui ni, su-bu ukyuli ɔni nébo-ɔ!” Amu na bagyumanane badi bétiku Yesu bátɔlɔku, na bétébo-nwu.

Marko 15:1

Ɔtanta tutuutu ni, bakpane benengu bátása ku Yudaƒuɔ benengu ku ɔda bubo ala batinane ku litemi batɛne ƒui. Ka béti litemi lɛmɛni lɛlɔ kasusu ku kalɛ na badubɔbla-ni ni, bényimi Yesu na bétiku-nwu bátɔlɔku bésienku aban unengu ɔni baalɔ Pilato kudɔ.

Luka 18:33

Badubo-mi bubo na badu-mi. Nsu na emeyi atɛ kama ni, ndubɔsɔ lɛta lɛsi bekpine akɔ.”

Luka 23:1

Amu na bana ƒui báta na bétiku Yesu bésienku Pilato kudɔ.

Luka 23:11

Herode ku nwuna bekpone báma Yesu na bédumi-nwu. Na béti awu gyɔlɔɔ ɔbuni ɔdi bákya-nwu aani ɔga kalɛ, na básɔku-nwu bémene Pilato.

Luka 23:35

Na uwi ɔmmɔ ni, bekyuli bammɔ ƒui benye mmɔ baanu. Na Yudaƒuɔ batɔnkune bammɔ benye baamá Yesu taasu banini, “Ɔ́ƒɔ bekyuli bamba ngba, anwuɔsu ɔlɛka ɔƒɔ anwu ɔlati bɔdi lɛnɔ si anwu ndi Ukyuli Ɔƒunadi ɔni na Katɔti úse likpo úse na bɔnu ɛ-ɛ!”

Yohane 18:22

Ka Yesu ɔ́su-nwu lɛla lɛmɛni ɔ́wɔlɔ ni, bagyumanane bammɔ akɔ unwi úbo-nwu kɔnu ɔtugya na úye Yesu ɔnini, “Ɔkpane Unengudi na eedie kenye lɛni?”

Yohane 18:28

Amu na ɔtanta tutuutu ni, bákpanku Yesu básiku Kaiaƒa kudɔ mmɔ, na béti-nwu bésienku Romaƒuɔ aban unengudi kaduli. Nsu Yudaƒuɔ bammɔ béteduo mmɔ, ɔsika na bana ɔda bubo kenye ni, bátayɔ ka beduo mmɔ na ɔya bana lɛlɔ lise lɛlɔ ka badubo Kukpi Lili Bɔvia Limeyi bɔdi ɔsu.

Yohane 18:30

Amu na bédie kenye banini, “Si ɔɔɔdi likpidi bonwu lɛdi na ɔ́bla ni, nka bulakpanku-nwu buleboku ƒula kudɔ.”

Yohane 18:32

Na ala amɛni álɛ lɛni kalɛ na litemi lɛni na Yesu ɔ́su ɔ́siku kukpi kɔni udu na ɔdubo bukpi lɛlɔ ubo ute lɛni sɔsɔ.

Yohane 18:35

Amu na Pilato údie kenye ɔnini, “Aabu anii Yudani na ndi? Awɔ ɔlati ƒula kadi bekyuli ku bakpane benengu néti-ɔ bábakya-mi kɔnu. Bi na ábla?”

Batalane Kabla 2:23

Nsu na Ɔti bɔyɔ ku kakali kemmo ni, ɔ́nyonu-nwu úte-mii na bɛ́kɛ ekpidi bablane lɛlɔ na bɛ́du-nwu uwi ɔni na bɛ́kana-nwu bɛ́mana ugyii lɛlɔ.

Batalane Kabla 3:13

Ɔsika Unwoti úti ɔbu úte Ubidi Yesu. Na Unwoti ɔmɛni ndi Abraham ku Isak ku Yakob lɛnɔ Ɔti. Na anwu kani ndi bula bati kuuku lɛnɔ Unwoti. Ubidi Yesu ɔmmɔ na amii bíti bíte bɛnii badu. Na bíni-nwu na Pilato anumi bɛnii bɛɛɛgyi-nwu ina ka Pilato ɔ́yɔ ka ɔnyonu-nwu.