Luka 18:14 - Katɔti Ɔku Kedee

¹⁴ Mmɔ na Yesu ɔ́su-ma ɔnini, “Mɔɔsu-mii nnii ka básɔ bénwini bésie kaduli ni, kuyi ɔƒɔne ɔmmɔ ɔ́bla sɛɛn na Katɔti anumi na ɔɔɔdi Ƒarisini ɔmmɔ. Ɔsika ukyuli biala ɔni na ɔ́bla nwuna lɛlɔ ukyuli ubendi ni, Katɔti ɔdububoku-nwu kalɔ. Na ukyuli biala ɔni na weboku lɛlɔ kalɔ ni, Katɔti ɔdubɔkɔliku-nwu katɔ.”

Luka 18:14 ပူးပေါင်းရင်းမြစ်များ

Hiob 22:29

Lɛlɔ katɔ bɔkɔliku ɔsu na Katɔti uuboku ukyuli kalɔ. Na anwu Katɔti ɔmmɔ kani mɔɔkɔliku ukyuli katɔ si úboku lɛlɔ kalɔ na ɔ́kpali-nwu.

Hiob 25:4

Ɔma ndubɔkana na ɔlɛ sɛɛn na Katɔti anumi, na likpidi lɛdi lilama-nwu lɛlɔ?

Hiob 9:20

Si ina ńtaƒiɔ ni, mina kenye etemila ndubo-mi budie bute na adu-mi kɔtɔ.

Kɔgya 138:6

Unwoti, ina ka eli katɔ katɔ mmɔ muedi ni, aanu bani muuboku lɛlɔ kalɔ kɔnyana. Na bani mɔɔkɔliku lɛlɔ katɔ ni, bana ablala lɛnɔ átabɛ-ɔ.

Kɔgya 143:2

Na tatɛku ami ƒula kabla ɔblane litemi. Ɔsika ukyuli ɔyawine biala na uli ngba na kalɔ kamɛni lɛlɔ uuuse siin na ƒula anumi.

Israelƒuɔ Bɔlɛ 18:11

Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Agba 15:33

Si aayia Unwoti ni, ɔɔtina kalɛ na áda anu. Na lɛlɔ kalɔ buboku mɔɔtɔ asa na ɔbu ɔɔsia.

Agba 18:12

Lɛlɔ bɔtina ku ukyuli tabu mɔɔgyú taatɔ asa na ukyuli ɔɔyii udu. Na lɛlɔ kalɔ buboku mɔɔtɔ asa na ɔbu ɔɔsia.

Agba 25:7

Nye na bakpali-ɔ bene banii, “Ni de kenengudikɔ mɛni,” utulo ka babɔku-ɔ batɔlɔku keliekɔ kenengudi kani na aanwanɛ ka elie ku kɔƒa. Tanu lɛla biala,

Agba 29:23

Ukyuli lɛlɔ katɔ bɔkɔliku muuboku nwuna kalɔ bubo. Na si éboku lɛlɔ kalɔ ni, bekyuli badubɔbu-ɔ na aƒɔ lɛnyi.

Agba 3:34

Na ɔɔpii bekyuli bani mɔɔpii bekyuli ka baatalaku lɛlɔ katɔ ɔsu. Mmomu uubunku bani muuboku lɛlɔ kalɔ.

Etemila 9:7

Di adila na ani na akya lɛlɔ kubiti, ɔsika Katɔti nése ɔmɛni úse úte ukyuli ɔ́si kukuuku.

Yesaia 45:25

Ami Unwoti ndubo bɔya na Israelƒuɔ badi lɛlɔ na lɛya na baƒɔ lɛnyi geen.”

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 66:2

Mina kɔnu nábla ani bɛɛnu mɛni ƒui na ébo éte kalɛ na ese. Ami Unwoti násu. “Bekyuli bani mɔɔyɔ́-mi kaƒɔ ni, ama ndi bani muuboku lɛlɔ kalɔ na bana ekpidi eeduo-ma, na lɛlɔ lɛɛtɔ́-ma ku bɔyia si bénu-mi lɛdi, na mina lɛlɔ kani na bana anu asia.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Habakuk 2:4

Ukyuli biala na ɔɔtalaku lɛlɔ katɔ ulelie ngba. Nsu bani mɔɔsiaku-mi kama siin ni, badubulie ngba na bana bɔƒɔtaadi kemmo.

Mateo 23:12

Na ukyuli ɔni na ɔɔtalaku lɛlɔ katɔ ni, Katɔti ɔdubɔyula-nwu kalɔ. Na ukyuli ɔni muuboku lɛlɔ kalɔ ni, Katɔti ɔdubɔtalaku-nwu katɔ.

Mateo 5:3

“Lɛlɔ litaayɔ bekyuli bani nánu báti ka Katɔti lɛti lɛlɔ na basia anu. Ama ndubuduo Katɔti Lɛga Kadikɔ.

Luka 1:52

Úboku baga benengudi ƒui kalɔ, na ɔ́kɔliku bani néboku lɛlɔ kalɔ katɔ.

Luka 10:29

Nsu ka ɔda bubo ala ɔtinane ɔmɛni ɔɔwia ka ute lɛlɔ ubo ɔsu ni, ɔ́sɔ úye Yesu ɔnini, “Ɔma ndi mina ukyulikpana?”

Luka 14:11

Ɔsika ukyuli biala ɔni makɔli lɛlɔ katɔ ni, Katɔti ɔdububoku-nwu kalɔ. Na ukyuli biala ɔni meboku lɛlɔ kalɔ ni, Katɔti ɔdubɔkɔliku-nwu katɔ.”

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Romaƒuɔ 3:20

Anwuɔsu ni, ɔɔɔdi ɔda bubo bɔmmɔ kama bɔsiaku mɔɔyá na ukyuli ɔbla siin na Katɔti anumi. Mmomu ni, ɔda bubo bɔmɛni bɔɔyá na bekyuli baatí ka baabla likpidi.

Romaƒuɔ 4:5

Nsu na Katɔti kudɔ ni, ukyuli ɔni néteti anu útasia nwuna kabla lɛlɔ mmomu na úti nwuna anu ɔ́sia Katɔti lɛƒɔndia lɛlɔ ni, Katɔti ɔɔnu ukyuli ukpidi ɔmmɔ ka use siin.

Romaƒuɔ 5:1

Na ɔƒɛni ni, ka Katɔti ɔ́bla-bu siin ɔkɛnku bula bɔƒɔtaadi lɛlɔ ɔsu ni, Katɔti úte-bu keyi buɛɛ ɔkɛnku Blɔti Yesu Kristo lɛlɔ.

Romaƒuɔ 8:33

Na ɔma ndubɔwia Katɔti bekyuli baƒunadi litemi? Katɔti ɔlati uudie-ma kenye ka bɔƒiɔ bɔdi buuubo-ma lɛlɔ.

Galatiƒuɔ 2:16

Nsu bɔgyi ka Katɔti ɔɔsɔku anwu ku ukyuli ntɛ taaklibi ɔkɛnku bɔƒɔtaadi bɔni na ukyuli ubo na Yesu Kristo lɛlɔ kani ɔsu. Na ɔɔɔdi ɔda bubo bɔkukudi bɔmmɔ lɛlɔ bɔdi ɔsu. Abu lɛnɔ bɔ́ƒɔ Kristo Yesu bɔ́di ɔsu na Katɔti ɔ́klibi abu ku-nwu ntɛ ɔkɛnku bula bɔƒɔtaadi na Kristo kemmo ɔsu. Na ɔɔɔdi ɔni na bɔɔdi ɔda bubo bɔkukudi bɔmmɔ lɛlɔ ɔsu. Ɔsika Katɔti útaklibi anwu ku ukyuli ɔdi ntɛ na ɔda bubo bɔkukudi bɔmmɔ lɛlɔ bɔdi ɔsu.

Yakobo 4:10

Biboku lɛlɔ kalɔ bite Blɔti, na ɔdubɔtalaku-mii katɔ.

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”

Samuel 1 1:18

Amu na Hana údie kenye ɔnini, “Ati, mɔɔgyá-a enu na ƒula kenye kani na ásu ɔsu. Ubo-nwu kemmo lɛni.” Na ɔ́gyu ɔ́tɔlɔ útáwia lɛla lɛdi ɔ́kya kenye na kayi káyɔ-nwu.