Luka 18:12 - Katɔti Ɔku Kedee

¹² Muulie kɔka emeyi anyɔ na Kwasida unwi kemmo. Na muuti mina lɛkɛ lɛkpa leevudi teeboku-ɔ.’

Luka 18:12 ပူးပေါင်းရင်းမြစ်များ

Baga 2 10:16

Na Yehu ɔ́su-nwu ɔnini, “Siaku-mi na awɔ ɔlati anu ku ƒula anumi kalɛ na mbo kogyoklo nte Unwoti kabla.” Amu na bana inyɔ ƒui bélie ɔpɔnkɔ kɛɛkɛ ɔmmɔ bésie Samaria.

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Malakai 3:8

Amii bekyuli bamɛni ni, biiyú ami, bina Katɔti. “Nsu mɛni lɛnɔ buye na biiye bɛnini, ‘Dɛ na buuyú-ɔ?’ “Na bɛgyi nwaa ka akpala ani na beeti teeboku-mi ku ala lɛkpa leevudi lɛni ndi ami ɔdi ni, biiyú-nya.

Bumomo Bɔka 18:24

Mmomu Israelƒuɔ ala lɛkpa leevudi lɛni beeti teeboku Unwoti aani akpala ndubɔbla bana kadikɔ. Ɔmɛni ɔsu na lɛ́su nnii, ‘Beeebo kadikɔ kadi na Israelƒuɔ akɔ.’ ”

Bumomo Bɔka 23:4

Mmɔ na Katɔti útásiaku Bileam na Bileam ɔ́su Katɔti ɔnini, “Lɛ́klibi akpabi maatɛ líse. Na lɛkpabi biala lɛlɔ lɛ́du ɔmantɛ akɔ ku koƒonu lɛ́sia-ni lɛlɔ liti lɛ́bla akpala.”

Mateo 5:20

Anwuɔsu mɔɔsu-mii nwaa nnii asa na bɛdubɔkana na biduo Katɔ Ɔga Ɔma ni, ɔdi ka bilie siin kalɛ na Katɔti ɔɔwia bitulo ɔda bubo ala batinane ku Ƒarisiƒuɔ.

Mateo 6:1

“Bɛnu kaduɛ kalɛ na bilabla lɛbuni bɛnii bekyuli banu-mii. Ɔsika si bɛ́bla lɛni ni, Katɔti ulaƒɔ-mii kayu kadi na Katɔ Ɔga Ɔma.

Mateo 6:16

“Na si biilie kɔka ni, bitabla anumi nyanyaanya aani anumi lɛlɔ bekyuli kalɛ. Baanyina anumi kalɛ na ukyuli biala ɔnu-ma ɔti ka beelie kɔka sɔsɔ. Mɔɔsu-mii nwaa nnii báaƒɔ bana lɛyuƒɔla ƒui báwɔlɔ.

Mateo 6:5

“Na si bɛɛkpali katɔ ni, bitabla ala aani anumi lɛlɔ bekyuli kalɛ. Ama baayɔ́ ka bata benye Yudaƒuɔ kasalakɔ ku ɔma kemmo ekpo ekpo asa bakpali katɔ kalɛ na bekyuli ƒui banu-ma. Mɔɔsu-mii geen nnii báakɛ bana lɛyuƒɔla biala ƒui.

Mateo 9:14

Amu na Ntu Ɔkpilane Yohane basiakune bébo bébeye Yesu banini, “Bi ɔsu na abu ku Ƒarisiƒuɔ buulie kɔka uwi uwi, na ƒula batɛyane ama belemonku kɔka bulie?”

Luka 11:42

“Bɔbuɛ muute amii Ƒarisiƒuɔ! Biiti bina edula lɛkpa leevudi ku kevoma kutu akyala ƒɛƒɛɛ aani evete lidu lidu teete Katɔti. Nsu biiní ka utalɛka bɛnu bekyuli anumi bɛbla ala, na bilayɔ Katɔti lɛnɔ. Amɛni na ɔdi ka bɛbla bibunku ala ani na bɛdaku, na ɔɔɔdi ka bɛda ɔdi bise.

Luka 17:10

Lɛni kani na use ute amii lɛnɔ. Si bɛ́bla ala ani ƒui na lɛ́su-mii nnii bɛbla ni, bɛsu bɛnii, ‘Kabla bablane kani na bɔdi. Na bɔ́bla lɛla lɛni kani na ɔdi ka bɔbla.’ ”

Romaƒuɔ 3:27

Na bi lɛlɔ na bɔdubɔkana lɛmɛnɛ bɔkun ka ani na bɔ́bla asa na bɔ́kɛ bɔƒɔ? Ku lɛla! Ɔsika ukyuli ulábla siin ka ɔɔdi ɔda bubo bɔmmɔ lɛlɔ ɔsu. Mmomu ɔkɛnku bɔƒɔtaadi lɛlɔ kani na Katɔti ɔɔklibi abu ku-nwu ntɛ.

Korintoƒuɔ 1 1:29

Ɔmɛni ndubɔya na ukyuli biala ulakana lɛlɔ katɔ bɔtalaku na Katɔti anumi.

Galatiƒuɔ 1:14

Na anumi égyie-mi étulo mina ligyekpa na ntɔ-ma na Yudaƒuɔ bɔkpa ulu ɔmmɔ kemmo. Na mina bati kuuku ɔdi kama kani na mina kasusu kasia kpakplaa ka lɛbla.

Eƒesoƒuɔ 2:9

Na útasi bina kabla kadi lɛnɔ kemmo kalɛ na ɔdi ɔkun lɛmɛnɛ lɛdi.

Timoteo 1 4:8

Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.

Samuel 1 15:13

Ka Samuel útásiaku-nwu ni, Saul náka-nwu kenye bɔkya ɔnini, “Katɔti kusɛ kusɛ ɔsiaku-ɔ, ɔsika lísie ńtábla lɛla lɛni na ásu-mi.”