Luka 18:1 - Katɔti Ɔku Kedee

¹ Yesu úbo nwuna batɛyane lɛgba lɛdi ɔ́tina-ma ɔnii ɔlɛka bataakpali katɔ uwi biala na ɔɔɔdi ka enu aƒɛ-ma.

Luka 18:1 ပူးပေါင်းရင်းမြစ်များ

Kɔgya 102:17

Na ɔdubunu bawabane ƒui bɔkpali na ɔbla ala ani beevele-nwu ute-ma.

Kɔgya 27:13

Mmu muusé kayi ka ndubulie ngba na kalɔ kamɛni lɛlɔ na lɛnu lɛti kalɛ na Unwoti lɛƒɔndia lɛsiaku-mi.

Kɔgya 65:2

Ati, awɔ muunú bekyuli ƒui bɔkpali si beevele-ɔ ala anwuɔsu na ukyuli biala ɔdubo kenye budie na nwuna alaekpidi lɛlɔ.

Kɔgya 86:3

Nu-mi kɔnyana, ɔsika awɔ na muuwulo taakpali uwi ndi uwi.

Yesaia 40:31

Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Yesaia 62:7

ka lɛbla na Yerusalem ɔkɛ ɔlɔkplu na ɔƒɔ lɛnyi na kesi kesii.

Yeremia 29:12

Na bɛdubo bunwini kama bubo-mi kudɔ na bivele-mi bɛnii mbunku-mii na ndubunu-mii bɔkpali biala na lɛbla lɛla lɛni na bɛɛwia lite-mii.

Yona 2:7

“Uwi ɔni na lɛ́bu nnii mina ngba bɔ́sa ƒui ni, lɛ́kpali-ɔ, na awɔ mina Unwoti énu mina bɔkpali na ƒula kakpakɔ kedee mmɔ.

Luka 11:10

Ɔsika ukyuli biala ɔni muuvele Katɔti ni, uute-nwu. Na ukyuli biala ɔni mɔɔwia lɛla lɛdi ni, ɔɔkɛ́-ni. Na ukyuli biala ɔni muubó kɔnu kegbuta ni, Katɔti ɔɔlɛmi teete-nwu.

Luka 21:36

Anwuɔsu binye kagyumana na bitaakpali katɔ uwi biala kalɛ na bɛkɛ ɔyikun na bɛlɛ sɛɛn na ala ani ƒui ndubɔlɛ mɛni kemmo ku kalɛ na bɛkana ami, Ukyuli Ɔyawine Ubi, litemi bɔtɛ kenye bunye.”

Romaƒuɔ 12:12

Lɛlɔ litaayɔ-mii na bina lɛnunsia kemmo. Na binye kpakplaa na lɛbibo biala kemmo. Na bitaakpali katɔ na ulu lɛlɔ.

Korintoƒuɔ 2 4:1

Katɔti ɔ́nu-bu kɔnyana na úti kabla kamɛni ɔ́kya-bu enu kemmo. Ɔmmɔ ɔsu na enu aláƒɛ-bu.

Galatiƒuɔ 6:9

Bitaya na enu aƒɛ-bu ku lɛbuni bɔbla. Ɔsika si enu átaƒɛ-bu ni, uwi ɔdubo ɔni na bɔdubɔkɛ edula ani na bɔ́va ebi.

Eƒesoƒuɔ 6:18

Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.

Ƒilipiƒuɔ 4:6

Ɔdi biala utekpoku lɛlɔ na lɛla biala lɛlɔ, mmomu bitaakpali Katɔti uwi biala kemmo, na bitaasu-nwu ala ani bɛɛwia. Na si bɛɛkpali-nwu ni, na bitaagya-nwu enu.

Koloseƒuɔ 4:12

Epaƒra ɔni ndi Kristo kabla ɔblane na ɔdi bina lɛkpa lɛmmɔ baƒɔtaadine kemmo unwi lɛnɔ uugyele-mii o-o! Ɔnwa ɔmɛni úti ɔ́sia lɛlɔ kpakplaa na ɔɔkpali katɔ na bina lili kalɛ na binye kpakplaa na bɛlɛ lili bɛwɔlɔ na bina bɔƒɔtaadi kemmo na bɛdi Katɔti litemi biala lɛlɔ.

Koloseƒuɔ 4:2

Bitada Katɔti bɔkpali bitaya. Na binye kagyumana, na biteeti linugya teete-nwu.

Tesalonikaƒuɔ 1 5:17

Bitaya na enu aƒɛ-mii na katɔ bɔkpali kemmo.

Samuel 1 1:12

Ka ɔɔkpali Katɔti lɛni ku kabɛnsɛ ni, Eli unye ɔɔnu-nwu kpoo.