Luka 17:30 - Katɔti Ɔku Kedee

³⁰ “Lɛni kani na ɔdubo buse na limeyi lɛni lɛlɔ na ami Ukyuli Ɔyawine Ubi ndubɔda lɛlɛ.

Luka 17:30 ပူးပေါင်းရင်းမြစ်များ

Mateo 16:27

Ɔsika ami ɔni ndi Ukyuli Ɔyawine Ubi ndububo ku Katɔti batu na Katɔti ɔyikun kemmo. Na ndubɔƒɔ ukyuli biala kayu na nwuna kabla kenye.

Mateo 24:3

Uwi ɔni na Yesu úsie útélie Inɔ Egyii Kɔbi lɛlɔ ni, nwuna batɛyane bébo-nwu kudɔ na básu-nwu banii ɔtina-ma uwi ɔni na ala amɛni adubɔlɛ ku ala abambadi ani lɛnɔ ndubɔlɛ na watina ka kawɔlɔkɔ kani na ɔdubɔsɔ ubo uwi údu.

Mateo 24:37

Ami, Ukyuli Ɔyawine Ubi, ndubo buse aani kalɛ na ɔ́lɛ na Noa uwi.

Mateo 24:39

Nsu bátati lɛla lɛni mɔɔlɛ́ úti útédu uwi ɔni na ɔnantu ɔ́na ɔ́gbala-ma ƒui. Lɛni kani na Ukyuli Ɔyawine Ubi bubo lɛnɔ bɔdubɔbla.

Mateo 26:64

Amu na Yesu údie kenye ɔnini, “Ɛɛn. Awɔ násu, na use lɛni sɔsɔ. Na mɔɔsu-mii nnii uwi klukui kemmo ni, bɛdubɔnu Ukyuli Ɔyawine Ubi ɔmmɔ ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Marko 13:26

“Amu na bekyuli badubɔnu ami, ɔni ndi Ukyuli Ɔyawine Ubi, ka ndubɔda lɛlɛ kayaa na kemmo. Na ndububo ku Katɔti ɔyikun ku bukeye bonwu.

Luka 17:24

Ɔsika kalɛ na kayaa kaabwɛ ogya taasi ɔƒɛnyi unwi teesie ɔkladi ni, lɛni geen na Ukyuli Ɔyawine Ubi limeyi lɛmmɔ lɛdubo buse.

Luka 17:29

Na limeyi lɛni na Lot ɔ́vi ɔ́lɛ Sodom ni, ogya ku agyabi ani muunwenyi ku ɔnyi gbagbangba ási katɔ ébewi ɔma ɔmmɔ kemmo na ɔ́kyula-ma ƒui.

Luka 21:22

Ɔsika uwi ɔmmɔ kemmo ndi kɔtu bɔni emeyi ani nálɛ ka ebo aani kalɛ na Bunweni Kedee Ɔku kemmo etemila átina kalɛ.

Luka 21:27

Ɔmmɔ kama ni, ami Ukyuli Ɔyawine Ubi ndubɔda lɛlɛ kayaa na kemmo na mina ɔyikun bonwu ku bukeye kemmo.

Korintoƒuɔ 1 1:7

Ɔmɛni ɔsu ni, bilayaki litela lɛdi ɔni na binye bɛgya ka Katɔti ɔya na Blɔti Yesu Kristo ɔ́da ɔ́lɛ.

Korintoƒuɔ 1 1:8

Na ɔdubɔgyumana-mii na bɛda bina bɔƒɔtaadi kaduɛ utédu kawɔlɔkɔ. Anwu ndubɔya na si Blɔti Yesu Kristo úbo ubatɛku bayawine litemi ni, kɔtɔ bɔdu bɔdi bulebo-mii lɛlɔ.

Koloseƒuɔ 3:4

Bina ngba ƒui ndi Kristo. Na si Kristo ɔ́da ɔ́lɛ kayawi kamɛni kemmo ni, amii ku-nwu ƒui bɛdubɔdi lɛga bɛsala ku kubiti.

Tesalonikaƒuɔ 2 1:7

Na ɔdubɔya na abu ku amii bani ƒui muubó abi bɔkɛ bɔnwuna. Katɔti ɔdubɔbla ala amɛni uwi ɔni na Blɔti Yesu ku Katɔti batu badubɔda bɔlɛ kayaa na ɔyikun kemmo ku ogya.

Petro 1 1:13

Anwuɔsu ni, bɛda lɛlɔ bise bite kabla. Na binye kagyumana na bitaanu ulu teete lɛbuni lɛni na Katɔti ɔdubɔbla ute-mii lɛlɔ uwi ɔni na Yesu wasɔ webo wabaƒɔ-mii ngba.

Petro 1 1:7

Ala ani ndubɔsiaku-mii ndubɔtina kalɛ na bɛ́ƒɔ bɛ́di geen. Sika ugyiedi ɔni muubie muedi ni, ogya kemmo na beeti-nwu taakya taanu-nwu taati kalɛ na ɔdia. Anwuɔsu bina bɔƒɔtaadi bɔni náƒɔ kuye butulo sika ugyiedi ɔmɛni ni, ɔlɛka bakɔku-mu banu asa na bɔkana bunye kpakplaa. Na si bina bɔƒɔtaadi bɔmmɔ bɔ́kana na búnye ni, Katɔti ɔdubumwi-mii na ɔtalaku-mii katɔ, na ɔbu-mii na Yesu bɔsɔ bubo limeyi lɛmmɔ lɛlɔ.

Petro 1 4:13

Mmomu ni, bɛya na lɛlɔ litaayɔ-mii ka amii lɛnɔ biibó abi aani Kristo kalɛ. Ɔsika ebiti adubɔda-mii na lɛlɔ lɛyɔ-mii geen uwi ɔni na wasɔ webo na nwuna bukeye bonwu kemmo.

Yohane 1 2:28

Mina bebi bayɔne, biliku Kristo kalɛ na si uwi ɔni na ɔ́da ɔ́lɛ ni, bɔdubɔkana na bunye-nwu anumi ku kaƒɔ ƒaa na kɔƒa kulékpo-bu limeyi lɛmmɔ lɛlɔ.

Yohane 1 3:2

Mina banwa bayɔne, ɔƒɛni ni, búnwini Katɔti bebi. Nsu bekyuli bani udu na bɔdubo bunwini ni, Katɔti útedie-nwu tɔ keyi. Nsu bɔgyi ka si lebo lɛni na Kristo ɔ́da ɔ́lɛ ni, bɔdubo bɔbla aani nwuna kalɛ. Ɔsika bɔdubo-nwu bɔnu kalɛ geen na use.

Budie Taatina 1:7

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.