Luka 17:29 - Katɔti Ɔku Kedee

²⁹ Na limeyi lɛni na Lot ɔ́vi ɔ́lɛ Sodom ni, ogya ku agyabi ani muunwenyi ku ɔnyi gbagbangba ási katɔ ébewi ɔma ɔmmɔ kemmo na ɔ́kyula-ma ƒui.

Luka 17:29 ပူးပေါင်းရင်းမြစ်များ

Yesaia 1:9

Si Blɔti Ɔyikune Ƒui útebu bula ɛlɛɛ badi útese kama ni, bɔdubo udu bɔyii aani kalɛ na Sodom ku Gomora lɛma lɛ́yii udu.

Yesaia 13:19

Babel lɛgakadikɔ, lɛkɛ lɛni muukeye ƒui kesekɔ, kesii kani lɛlɔ lɛmɛnɛ baakun, Unwoti ɔdubo-nwu bunwini bubi na ɔyila-nwu udu aani Sodom ku Gomora.

Yeremia 50:40

Lɛ́kyula Sodom ku Gomora ku lɛma lɛni na lide-ma ƒui. Na lɛni kani na ndubo Babilon lɛnɔ bɔkyula kede kede. Na ukyuli biala ɔdi ɔsɔ ɔɔɔdubo mmɔ bulie.

Hosea 11:8

“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu.

Amos 4:11

“Lɛ́yila bina bekyuli pii udu aani kalɛ na lɛ́bla Sodom ku Gomora. Bɔkywi na nka bina ɛlɛɛ bani nébu bɛda aani ugyii na ogya kemmo asa na lídie-mii. Nsu ɔmɛni ƒui bítenwini. Ami Unwoti násu!

Luka 17:28

“Lɛni na ɔdubo buse aani kalɛ na úse na Lot uwi lɛnɔ. Bekyuli baadi na baaní, na baadi kuye lɛnɔ. Badi benye baakya edula, na badi benye baatú lɛtɔ.

Luka 17:30

“Lɛni kani na ɔdubo buse na limeyi lɛni lɛlɔ na ami Ukyuli Ɔyawine Ubi ndubɔda lɛlɛ.

Petro 2 2:6

Na Sodom ku Gomora lɛnɔ ni, Katɔti ɔ́du-ma kɔtɔ na ɔ́kyula-ma ku ogya úti-ma ɔ́tina-bu na bɔnu bɔtɛya lɛla lɛni ndubo bekyuli bani naaabu Katɔti lɛlɔ.

Yuda 1:7

Na Sodom ku Gomora ku lɛma lɛni náka lɛ́mana-ma lɛnɔ ni, bátakana lɛlɔ bɔda na bábla lɛyalɛ ku ala ekpidi bamba. Katɔti úti ogya ɔ́kyula-ma kalɛ na abu bɔnu bɔtɛya.

Budie Taatina 11:8

Bana ɔlɔna ɔdubɔtɛ lɛblɔnu lɛlɔ na ɔma unengudi ɔni baalɔ na lɛsugba kemmo banii Egyipte iye Sodom. Mmɔ na bákana Blɔti bámana ugyii lɛlɔ.

Budie Taatina 14:10

Ama na Katɔti ɔdubɔya na bani nwuna kɔnyi lɛbibo ɔɔƒɛɛ ku ɔdu kati kati! Ogya ku ogya atabi adubo-ma bɔkyula na Katɔti batu kedee ku Koƒonu Ubi anumi.

Budie Taatina 19:20

Nsu béƒie eƒiebuo ɔmmɔ ku eƒiebuo ɔni néti lɛlɔ ɔ́bla ɔkɔ kenye udiene. Anwu ndi ɔni nábla akɔla budie taatina na eƒiebuo udeedi ɔmmɔ kenye, na úti akɔla budie taatina ammɔ ɔ́tɔlɔ bekyuli bani na bése likpo ku eƒiebuo ɔmmɔ likpose na bémwi eƒiebuo ɔmmɔ baƒiɔ. Na bekpone bammɔ béti eƒiebuo ɔmmɔ ku bekyuli bamɛni ƒui na bébo-ma bátákya ogya livongu lɛni nse bonwu aani ɛpu kalɛ, na ɔɔda ku ogya atabi kemmo.