Luka 17:24 - Katɔti Ɔku Kedee

²⁴ Ɔsika kalɛ na kayaa kaabwɛ ogya taasi ɔƒɛnyi unwi teesie ɔkladi ni, lɛni geen na Ukyuli Ɔyawine Ubi limeyi lɛmmɔ lɛdubo buse.

Luka 17:24 ပူးပေါင်းရင်းမြစ်များ

Esekiel 1:14

Na bebweyi bamɛni alati busie bɔɔbabla aani kalɛ na lɛgyakpabi liitulo taalɛ ogya kemmo.

Sakaria 9:14

Unwoti Katɔti ɔdubɔda ɔlɛ kayaa na bana eli, na nwuna atula adubo butaatu taavi kayaa aani kalɛ na kayaa kaabwɛ ogya. Katɔti ɔdubɔya na bavwi nwuna kɔkpɛɛ, na ɔdubukpoku nwuna bekisine na ɔƒɛƒɛɛ kpakplaa ɔni mɔɔkya ligede kemmo ɔsi kada kakɛ.

Mateo 24:27

Ɔsika ami Ukyuli Ɔyawine Ubi ndubudie mina lɛlɔ keyi aani kalɛ na ɔnantu ɔdubo bɔna na ɔɔbwɛ bukeye taasi kayaa na ɔƒɛ katukɔ taatálɛ kanukɔ.

Mateo 24:30

“Ala adi adubɔlɛ na kayaa ani mɔɔtina ka Ukyuli Ɔyawine Ubi ɔdubo. Na kayawi bekyuli ƒui badubuwulo na bana ekpidi ɔsu uwi ɔni na badubɔnu ka Ukyuli Ɔyawine Ubi ɔkɛ ulɔyɔ kemmo ɔ́yu ɔ́si kayaa ɔdubo na bukeye bonwu ku ɔyikun kemmo.

Mateo 25:31

“Uwi ɔni na Ukyuli Ɔyawine Ubi ɔmmɔ ɔdububo na nwuna lɛga bɔdi kemmo ni, Katɔti batu ƒui badubɔka bamana-nwu. Na ɔdubo ubelie nwuna lɛgaboku lɛlɔ.

Mateo 26:64

Amu na Yesu údie kenye ɔnini, “Ɛɛn. Awɔ násu, na use lɛni sɔsɔ. Na mɔɔsu-mii nnii uwi klukui kemmo ni, bɛdubɔnu Ukyuli Ɔyawine Ubi ɔmmɔ ka ulie Katɔti Ɔyikune Ƒui kɔdianu. Na bɛdubɔnu ka ɔ́si katɔ ɔdubo na ulɔyɔ kemmo!”

Mateo 5:15

Ukyuli biala ulátu asogya teebi-nwu ala. Mmomu uuti taaƒala katɔ kalɛ na ɔdi biala nédu mmɔ ɔnu bukeye.

Korintoƒuɔ 1 1:8

Na ɔdubɔgyumana-mii na bɛda bina bɔƒɔtaadi kaduɛ utédu kawɔlɔkɔ. Anwu ndubɔya na si Blɔti Yesu Kristo úbo ubatɛku bayawine litemi ni, kɔtɔ bɔdu bɔdi bulebo-mii lɛlɔ.

Tesalonikaƒuɔ 1 5:2

Ɔsika amii alati bɛgyi geen ka Blɔti limeyi lɛmmɔ lɛdububo aani kalɛ na uyune uuyú ukyuli taatu usien.

Tesalonikaƒuɔ 2 2:2

Si bínu bɛnii Blɔti bubo limeyi lɛmmɔ líbo líbavi ni, buláwia ka bina kasusu keƒu iye ɔtɔtɔ ɔgyu-mii. Ɔƒɛni kalɛ ɔdubɔbla-mii aani ka abu násu ɔmɛni uwi ɔni na buudie Katɔti kenye iye bɔɔkɔ́ litemi lɛmmɔ lɛsa iye búnweni ɔku ɔdi búmene-mii.

Tesalonikaƒuɔ 2 2:8

Na ɔmɛni kama ni, Katɔti ɔdubudie ukyuli ukpidi ɔmmɔ keyi ɔtina. Na si uwi ɔni na Blɔti Yesu Kristo úbo ni, ɔdubuti nwuna kenye ɔƒɛƒɛɛ ku bukeye ɔkyula-nwu na ɔyila-nwu udu ƒui.

Yakobo 5:8

Anwuɔsu amii lɛnɔ bɛkɛ kayi. Na enu ataƒɛ-mii, ɔsika Blɔti bɔsɔ bubo bɔmmɔ búude.

Petro 2 3:10

Nsu Blɔti limeyi likplodi lɛmmɔ ni, lɛdubo-bu buyu bɔtu. Na bɔdubunu kɔku bonwu kɔdi. Na kayaa kadubo bɔyii udu. Na ala ani ƒui nkya kayaa mmɔ ni, adubɔkywi kede kede! Na kalɔ ku kana ala ƒui adubo bɔyii.