Luka 16:22 - Katɔti Ɔku Kedee

²² “Ɔwabane ɔmmɔ úbekpi na Katɔti batu bébetiku-nwu bétésie Abraham kudɔ, na baadi limeyi na katɔ. Ɔlakɛne ɔmmɔ lɛnɔ úbekpi na báva-nwu.

Luka 16:22 ပူးပေါင်းရင်းမြစ်များ

Hiob 21:13

Beelie taadi ngba ku ebiti kalɛ na baayɔ́ asa na bekpi besie kekpine ku keyi buɛɛ.

Agba 14:32

Bekyuli bekpidi ni, bana alaekpidi mɔɔyila-ma udu. Nsu bekyuli babuni bebo katamikukɔ si békpi.

Etemila 8:10

Lɛnɔ ni, lɛ́nu kalɛ na baavá bekyuli bekpidi ku ɔbu, nsu Katɔti bekyuli bávi bálɛ ɔma kedee ɔmmɔ kemmo na báyiƒala-ma. Na ɔmɛni lɛnɔ uuubo kalɔ bunu bɔdi.

Yesaia 14:18

Baga bani na békpi mmɔ ƒui batɛ bana kɔƒiɔtɔ kemmo ku bana agala.

Yesaia 22:16

“Sebna, bi na aabla mɛni? Na ɔma néte-ɔ kuƒi ɔsu na aanwí kaƒiɔtɔ ete lɛlɔ, na aakya-ka bɔdia lɛni na katɔ mmɔ na lɛtakpɛ lɛmmɔ kemmo?

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Mateo 24:31

Badubɔvwi kakpɛɛ. Na Ukyuli Ɔyawine Ubi ɔdubɔtala nwuna batu na basi katɔ betédie bekyuli baƒunadi ƒui basiku kayawi kesii biala.

Mateo 8:11

Mɔɔsu-mii geen ka bekyuli pii badubɔsi ɔƒɛ katukɔ ku kanukɔ bebo Katɔ Ɔga Ɔma limeyi kadikɔ. Badubulie kalɔ na badi ku Abraham ku Isak ku Yakob na mmɔ.

Marko 8:36

Bi kɔsia na ukyuli ɔdubɔkɛ si ɔ́kɛ kayawi ala ƒui na ɔ́yila ngba geen bɔmmɔ?

Luka 12:20

“Nsu Katɔti anwu ɔ́su-nwu ɔnini, ‘Awɔ ɔdɔlɔdi! Usien ɔmɛni kani na adubo ƒula ngba bɔda buse. Na ɔma ndubɔdi ala ani na áwia ése éte lɛlɔ mɛni?’ ”

Luka 16:21

Ubo lɛnunsia ka si ɔlakɛne ɔmmɔ ɔɔdi ni, kɔkɛ wɛlɛ wɛlɛ kɔni muuwi kalɔ kɔdubudu-nwu na ɔ́la ɔdi. Bakpɛwe muedi beebo taabayalɛ-nwu alɛbi ammɔ.

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Yohane 13:23

Na batɛyane bammɔ akɔ unwi ɔni na Yesu ɔɔyɔ́ ni, úlie ude Yesu.

Yohane 21:20

Amu ka Petro ɔ́tu únwini ni, ɔ́nu ɔtɛyane ɔni na Yesu ɔɔyɔ́ mmɔ. Anwu ndi ɔtɛyane ɔni nábu úsie Yesu kudɔ uwi ɔdi návi ɔni na baadiku-nwu adila ekplodi na úye Yesu ɔnini, “Blɔti, ɔma ndubo-ɔ kakya bɔkya?”

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?

Hebriƒuɔ 2:14

Ka bekyuli bamɛni badi ɔlɔna ku ubugya ɔsu ni, anwu lɛnɔ úti ukyuli udu kalɛ na ɔkɛnku nwuna kukpi lɛlɔ ni, na wadi ukyuli ɔni nda kukpi ɔyikun lɛlɔ. Na ukyuli ɔmɛni ndi ukisine ɔmmɔ.

Yakobo 1:11

Aanu si ɔƒɛ ɔ́tu na ɔɔbi ni, ɔɔyá na eveteli aayɛyɛ na ana anwula eewiile teewi kalɔ. Na ana bɔdia lɛnɔ bɔɔyii udu. Lɛni kani na ɔlakɛne kabla lɛnɔ kadububo kawɔlɔkɔ.

Petro 1 2:24

Kristo ɔlati náƒɔ bula ekpidi lɛbibo ɔ́sia lɛlɔ útédu ka bákana-nwu bámana ugyii lɛlɔ na bádu-nwu. Ɔ́bla ɔmɛni kalɛ na bɔlɛ likpidi kemmo kalɛ na likpidi lɛsɔ liladi-bu lɛlɔ. Na bulie ngba na butaabla ala ani mɔɔyɔ́ Katɔti kaƒɔ. Abi ani na Kristo úbo na bula lili mɛni náya na abu bɔ́yu ɔkplu na kɔyu kemmo.

Budie Taatina 14:13

Ɔmmɔ kama línu lɛdi lɛdi ka lɛ́si katɔ na lɛɛsu lɛnini, “Nweni ala amɛni. Bekyuli bani na lɛlɔ lɛdubɔyɔ-ma ndi bani ndubukpi ka básiaku Blɔti kama ɔ́si ɔƒɛni úsela ɔsu.” Na Katɔti Kɔyu kɔɔtuna kɔnini, “Ɛɛn, badubɔkɛ bɔnwuna! Na badubɔkɛ bana kabla kɔsia!”