Luka 16:21 - Katɔti Ɔku Kedee

²¹ Ubo lɛnunsia ka si ɔlakɛne ɔmmɔ ɔɔdi ni, kɔkɛ wɛlɛ wɛlɛ kɔni muuwi kalɔ kɔdubudu-nwu na ɔ́la ɔdi. Bakpɛwe muedi beebo taabayalɛ-nwu alɛbi ammɔ.

Luka 16:21 ပူးပေါင်းရင်းမြစ်များ

Mateo 15:27

Uleku ɔmmɔ údie kenye ɔnini, “Ati, sɔsɔ na ɔdi. Nsu bakpɛwe lɛnɔ baadi adila kɔkɛ kɔni mɔɔsí bana unwoti kadikɔ teewi kalɔ.”

Marko 7:28

Mmɔ na uleku ɔmɛni lɛnɔ údie kenye ɔnini, “Ao, Ati, bakpɛwe bani mbi kalɔ na kadikɔ mmɔ ni, bebo kuƒi ka badi adila ani na banamu baadi teewi kalɔ.”

Luka 16:20

Na ɔwabane ɔdi na baalɔ banii Lasaro lɛnɔ ɔ́kya. Alɛbi áƒɔ ɔwabane ɔmɛni lɛlɔ ƒui ɔni na béteeti-nwu taabava ɔlakɛne ɔmmɔ ɔtɔ kayakun.

Luka 16:22

“Ɔwabane ɔmmɔ úbekpi na Katɔti batu bébetiku-nwu bétésie Abraham kudɔ, na baadi limeyi na katɔ. Ɔlakɛne ɔmmɔ lɛnɔ úbekpi na báva-nwu.

Yohane 6:12

Ka bádi bémo báwɔlɔ ni, Yesu ɔ́su nwuna batɛyane ɔnini, “Bɛsala kɔkɛ kɔni nébu lisu kalɛ na ɔdi ulebie.”

Korintoƒuɔ 1 4:11

Úti úbalɛ ku ɔƒɛni ni, bɔkɛ ku kɔka ku utukwɛ. Na buuubo adala abuni adi. Na bekyuli beebó-bu. Na buuubo keliekɔ kadi.

Korintoƒuɔ 2 11:27

Lɛ́bla kabla kpakplaa lítu lɛlɔ kaduɛ. Ńtatɛ ńtalɛɛ usien pii. Na kɔka ku utukwɛ ɔ́da-mi, na adila ábɔ-mi uwi pii. Na kɔyɔ kɔda-mi, na ńtakɛ lɛla lɛni na libi lɛlɔ.