Luka 16:19 - Katɔti Ɔku Kedee

¹⁹ “Dii ni, ɔnana ɔlakɛne ɔdi ɔkya ɔni mɔɔda adala ani náƒɔ kuye, na ebiti kemmo sɔɔn na ɔ́kya nwuna ngba emeyi kemmo ƒui.

Luka 16:19 ပူးပေါင်းရင်းမြစ်များ

Ester 8:15

Ɔmmɔ kama ni, Mordekai ɔ́da lɛlɔ na ɔ́vi ɔ́lɛ ɔ́si ɔga kesii mmɔ. Na ɔda agala ani ndi lɛwu lɛƒualadi ku ligyiedi, na ubi sika ugyiedi kagabwa lili na ɔkya awu ɔbunidi ɔni náƒɔ kuye geen. Na kudu kúwi na Susa ɔma unengudi ɔmmɔ ƒui kemmo.

Agba 14:24

Lɛlakɛ lɛdi kagabwa kete banundane. Na badɔlɔdi kogyoklo ƒui ni, adɔlɔla ebi na aanwu.

Agba 31:22

Uudí ala ani na ɔɔvá nwuna katɛnkɔ. Na ɔɔda lɛlɔ ku adi ani na áƒɔ kuye geen.

Yesaia 3:23

ku bana kɔnu kɔni baanu lɛlɔ ku lɛwu kpɛtɛ kpɛtɛ gyɔlɔɔ ku ala ani beeti taakya bana eli bɔdia ku aduni ani beebi eli ku amangba mmɔ ƒui ɔdubo-nya budie.

Esekiel 16:13

Na ƒula asɛɛ ebi adi sika ugyiedi ku ɔƒualadi sɔɔn. Na linwo lɛbunidi ƒui na béti bédi ƒula adala na béti adi kpɛtɛ kpɛtɛ ani muukeye na adia geen bekpo-nya atu. Ɔlaaƒɔ ɔbuni ƒui na béti béƒi ƒula bodobodo. Na uwɔ ku nnɔ ala na aadi na aadia bɔnu geen aani uleku ɔga.

Esekiel 16:49

“ ‘Bátaatalaku lɛlɔ katɔ na bébile lɛlɔ. Na ala ƒui ása-ma, nsu ina amu béni na bétebunku bawabane ku bani na balakana na bebunku lɛlɔ na ulu ɔdi lɛlɔ.

Esekiel 27:7

Ƒula banwine béti adi kpɛtɛ kpɛtɛ ani náƒɔ kuye geen básiku Egyipte kalɔ lɛlɔ bédi ƒula eƒulo ammɔ kalɛ na bekyuli banu-ɔ ɔsiku ɔgyu kakaaka ƒui. Adi ani náƒɔ kuye geen ku kunweni lidu lidu na básiku Kipro na béti bébi kuliekɔ kɔni na bási ubili mɛni kevo na ɔ́kya-nwu ɔyuli.

Marko 15:17

Amu na béti awu ugyiedi ɔdi bákya Yesu aani ɔga kalɛ, na bédi liyu kabwa kadi bébi-nwu aani kagabwa.

Marko 15:20

Uwi ɔni na báma-nwu báwɔlɔ ni, bédie nwuna awu ugyiedi ɔmmɔ na basɔku nwuna lɛwu geen bakya-nwu. Amu na bétiku-nwu bátɔlɔku banii batákana-nwu bamana ugyii lɛlɔ.

Luka 15:13

“Na emeyi alɛɛ adi kama ni, ɔnamudi ɔmmɔ úti nwuna ala ammɔ ƒui úye na úti egulabi ammɔ na ɔ́tɔlɔ úsie ɔlɔgyu kakaaka kesii kani na útélie ngba basa basa na úbile egulabi ammɔ ƒui.

Luka 16:1

Yesu ɔ́su nwuna batɛyane ɔnini, “Dii ni, ɔlakɛne ɔdi ɔ́kya ɔni mbo kabla ɔblane ɔni mɔɔnu-nwu ala lɛlɔ. Amu na bábasu ɔlakɛne ɔmmɔ ka nwuna ala lɛlɔ ɔnune ɔmɛni uubile-nwu egulabi.

Luka 16:18

“Ɔnana biala ɔni manyonu ulekudi na weti ɔbambadi ni, ɔ́di kɔsɔnɔ. Na ɔnana ɔni meti uleku ɔni na bányonu mmɔ ni, anwu lɛnɔ ɔ́di kɔsɔnɔ.

Luka 16:20

Na ɔwabane ɔdi na baalɔ banii Lasaro lɛnɔ ɔ́kya. Alɛbi áƒɔ ɔwabane ɔmɛni lɛlɔ ƒui ɔni na béteeti-nwu taabava ɔlakɛne ɔmmɔ ɔtɔ kayakun.

Budie Taatina 17:4

Uleku ɔmmɔ unyimi adi otondi ku egyiedi na úti sika ugyiedi ku asɛɛ ku aseebi ɔ́klibi lɛlɔ. Na ɔda sika ugyiedi ɔɔƒɛɛ ɔdi ɔni kemmo na ala ani na Katɔti ukisi na eesé lɛlɔ éyi tɛtɛɛtɛ ɔkɛnku nwuna lɛyalɛ ala bɔbla ɔsu.

Budie Taatina 18:16

“ ‘Bɔbuɛ! Bɔbuɛ! Uwi ɔdi kemmo ni, ɔma bonwu ɔmmɔ úyi ku adiƒuala abuni ku adi ani nse ƒuƒuu ku egyiedi. Na báklibi ɔma ɔmmɔ ku sika ugyiedi ku aseebi ku asɛɛ ani náƒɔ kuye éyi tɛtɛɛtɛ!

Budie Taatina 18:7

Na kalɛ na ɔma ɔmmɔ ɔ́kɔliku lɛlɔ katɔ na nwuna adikpi bɔdi akɛla kenye ni, bɛya na ubo abi na uwulo utédu ekpidi ammɔ kenye. Ɔsika ɔma ɔmmɔ use aani uleku ɔni násu na nwuna kayi kemmo ɔnini, ‘Uleku Ɔga na ndi, na nlie mina lɛgaboku lɛlɔ. Lɛɛɛdi ukpinele, na lɛɛɛdubo kɔnyana kɔdi lɛnɔ buwulo kudii!’

Litemi Batɛne 8:26

Na sika ugyiedi asikpɛɛ ani na ɔ́kɛ mmɔ adubɔbla aani antabi akyami aavlene unu. Na sika ugyiedi ala ku ani na baakya ɔkwɛ, ku Midianƒuɔ baga lɛwu ku adala ani náƒɔ kuye geen mmɔ, ku sika asɛɛ ani na baakya bana bebuo ala betine benengudi ammɔ ƒui eebunku asikpɛɛ ammɔ.