Luka 16:14 - Katɔti Ɔku Kedee

¹⁴ Uwi ɔni na Ƒarisiƒuɔ bénu ala ani na Yesu ɔ́su ni, báma-nwu ɔsika baayɔ́ egulabi geen.

Luka 16:14 ပူးပေါင်းရင်းမြစ်များ

Kɔgya 119:51

Bekyuli bani na baláyia-a beenye teedumi-mi. Nsu ɔmmɔ útaya-mi na linwini na ƒula ulu lɛlɔ.

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Yeremia 6:13

“Bawabane ku balakɛne ƒui ɔdivo bɔdi ku litemi geen tasu kani náƒɔ bana ƒui lɛlɔ kemmo. Na kenye bediene ku bakpane muedi baaadi bekyuli bani na basɔ beti kayi basia.

Yeremia 8:10

Ndubo bana beleku ku mmo ƒui buti bute baƒɔ. Balakɛne ku bawabane, na kenye bediene ku bakpane ƒui basɔ baaadi bekyuli bani lɛlɔ na beti anumi basia. Bana ƒui bénwini badivone ku ɔkɔ banyine.

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Mateo 9:24

Na ɔ́su-ma ɔnini, “Ukyuli biala ɔlɛ keyi. Ulekubi ɔmmɔ útekpi, mmomu bɔlɛɛ kani ɔda.” Amu na bése kalɔ baamá-nwu.

Luka 12:15

Amu na ɔ́su bana ƒui ɔnini, “Bɛsia lɛlɔ anu na binye lɛlɔ kagyumana na ɔdivo udu biala bɔdi lɛlɔ, ɔsika ukyuli ngba geen bɔɔɔkɛnku ala ani nse-nwu lɛlɔ ina dɛ na ɔdi ɔlakɛne.”

Luka 20:47

Beesié bekpinele kudɔ ka betébunku-ma, nsu baatɔ́lɔ-ma taaƒɔ-ma ala. Na baakpali katɔ gyɔlɔɔ taabu bekyuli kɔdɔlɔ. Anwuɔsu bana kɔtu bɔni bɔdubɔkɔ katɔ butulo ƒui!”

Luka 23:35

Na uwi ɔmmɔ ni, bekyuli bammɔ ƒui benye mmɔ baanu. Na Yudaƒuɔ batɔnkune bammɔ benye baamá Yesu taasu banini, “Ɔ́ƒɔ bekyuli bamba ngba, anwuɔsu ɔlɛka ɔƒɔ anwu ɔlati bɔdi lɛnɔ si anwu ndi Ukyuli Ɔƒunadi ɔni na Katɔti úse likpo úse na bɔnu ɛ-ɛ!”

Luka 8:53

Amu na bana ƒui béti-nwu báma, ɔsika ama bagyi ka úkpi.

Timoteo 2 3:2

Bekyuli badubɔyɔ bana lɛlɔ lɛti bɔdia na bayɔ egulabi. Badubo lɛmɛnɛ butaakun na bataatalaku lɛlɔ katɔ. Ama ndi bekyuli bani muudumi bekyuli, ku bani naaabu bana bawɔne. Na belese kɔdɛ, ku bekyuli bani naaasiaku bɔƒɔtaadi bɔmmɔ kama.

Hebriƒuɔ 11:36

Bekyuli béwi badi anumi kalɔ na bébo-ma. Na badi lɛnɔ ni, bébo-ma kɔgba na bákya-ma aban ɔtɔ.